Haleellaa Israa'eliin gidiraa Gaazaatti hammaate

Haguuggii Tamsaasa Kallattii

1. 15 Onkololeessa 2023Waraanni Israa’el akkatti gaazexeessaan Rooyitars du’erratti deebii kenne

   

   Madda suuraa, Rooyitars

   Waraanni Israa’el ibsa Rooyitars du’a gaazexeessaa Issaam Abdallaa Jimaata darbe Kibba Libaanoonitti ajjeefame ilaalchisee baaseef deebii kenne.

   Waraanni Israa’el akka ibsetti, yeroo inni du'u sana gareen hidhattoota Libaanoon Hezbollaan daangaa Israa'elii fi Libaanoon haleelaa ture.

   Akka waraanni Israa’el jedhutti, Hezbollaan misaa’ela farra taankiitiin dallaa daangaa Israa’el rukute. Sana booda loltoonni Israa'el daangaa Israa'el keessa ''seenuuf jedhanii'' shakkuun taankii fi madfii dhukaasan jedhan.

   Sa'aatii muraasa booda, yeroo sanatti gaazexeessitoonni akka miidhaman waraanni Israa’el gabaasa argate.

   Taatee sana amma qorachaa jirra jechuun ibse.

2. 15 Onkololeessa 2023Gabaasa kallattii Dilbataan walitti deebineerra

   

   Madda suuraa, EPA

   Erga Hamaas Israa’el irratti haleellaa raawwachuun namoota 1,300 ol ajjeessuun kaan butee deeme torban tokko darbe.

   Kana hordofee haleellaa qilleensarraa Israa'el Gaazaatti gaggeessaa jirtuun namoonni 2,200 ol ajjeefamaniiru.

   Waraanni Israa'el haleellaa gama lafoo, qilleensaa fi bishaanirraa jalaqabuuf karoorfachuu ibsa baaseen hime - tahus yoom akka tahu hin himne.

   BBC News Afaan Oromoo taateewwan waraana kanaan walqabatan jala jalaan hordofuun fuula kanarratti maxxansina. Nu hordofaa.