Pirezidantiin Ameerikaa Doonaald Tiraamp gaggeessaan waliigalaa Iraan, Ayaatolaa Alii Kameenii, haleellaa US fi Israa’el Teehiraan irratti gaggeessaniin ajjeefameera jedhe.
Iraan haleellaa haaloo bahuun misaa'ela gara Israa'elitti dhukaasuu Humni Waraanaa Israa'el beeksise.
Naannoo Kaaba Israa'el keessatti sagaleen akeekkachiisa haleellaa qilleensarraa dhagahameera.
Israa'el ganama har'aa Iraan haleellaa haaloo bahuu misa'elaafi dirooniin waan gaggeessituuf "of eeggadhaa" jechuun lammiilee isheef akeekkachisa kenniteetti.
Tiraamp Ameerikaan "oppireeshinii haleellaa guddicha (major Combat operation)" Iraan irratti eegaluu dubbate.
"Walgalteerra gahuuf irra deddeebiin carraaqneeerra. Yaalii goonneerra" jedhe Tiraampi.
"Misaayeloota isaanii barbadeessuuf jirra. Indaastirii misaayilaa isaanii biyyootti makna. Guutummaan... Dhabama taasifna." jedhe haasawa jalqabaa haleellaa Iraan irratti tolcheen.
Madda suuraa, AFP via Getty Images
Tiraamp ibsa karaa viidiyoo waraabamee gadi lakkifamee kenneen humna waraanaa Iraan idileefi Humna Eegumsa Warraaqsa Islaamaa Iraan meeshaa hiikkatanii akka harka laatan waamicha taasise.
Meeshaa yoo hiikkatan wabii nageenyaa akka argatan ibsuun, yoo didan "irree Ameerikaa isa jabaatu isin eeggata" jechuun itti dhaadate.
Iraan misaa'ela nageenya UStiif yaaddoo ta'e akkasumas nageenya michoota US yaaddoo keessa buusu omishaa jirti jechuun "meeshaa waraanaa Iraan qabdu hunda ni macaasna" jechuunis ibse.
Ifatti Iraanirratti lola banuu kan ibse Tiraamp, lola kana keessatti loltoonni Ameerikaa du'uu ykn miidhamuu akka danda'anis akeekera.
Madda suuraa, Vahid Online
Preezdaantiin Ameerikaa Donaald Tiraamp haleellaa Iraan irratti baname irratti US hirmaataa jirti jedhe.
Tiraamp viidiyoo daqiiqaa saddeetii miidiyaa hawaasaa ofii irratti gad lakkiseen Ameerikaan haleellaa Iraan irratti hirmaachaa jirti jedhe.
Ergaa Tiraamp bal'inaan nin dhiyeessina.
Magaalaa Tehraan qofa osoo hin taane magaalota Iraan heddu keessatti haleellaan qilleensarraa gaggeeffamaa jira.
Miidiyaaleen Iraan akka gabaasanitti magaalota Iraan kanneen akka Isfahaan, Qoom, Karaaj fi Kermaanshaah fa'aa keessatti dhohiinsi gurguddaan dhagamaa jira.
Haleellaa ganama kana eegaleen jalqaba magaalaa Tehraan irratti kan xiyeeffatee ture ta'us amma magaalota kaanittis babal'ateera.
Haleellaa kana booda Iraanifi Israa'el qilleensa isaanii cufuu beeksisaniiru.
Miidiyaan mootummaa Iraan IRINN, haleellaan qilleensaa har'a Guraandhala 28 Teehraan irratti raawwatamuu mirkaneesse. Israa'el gama isheetiin haleellaa dursanii qolachuu jettee ibsite.
Miiidiyichi wayita kana gabaasutti ciccituu sagaleen, aarri fi dhohiinsi magaalaa Teehraan keessaa mul'achuu agarsiise.
IRINN viidiyoo waamicha hogganaan Iraan Ayaatolaan godhan diina keenyarratti "tokko haa taanu" jedhu kan duraan waraabamee fi gaaffii deebii deeggartoonni Warraaqsa Rippaablika Islaamummaa giddu-seentummaa humnoota alaa tamsaasaa ni mormina jedhan tamsaasaa ture.
Madda suuraa, Vahid Online.
Haleellaa Israa'el Iraanirratti gaggeessaa jirtu USfi Israa'el wal-ta'uun akka qindeessan gabaasaalen ibsan.
Miidiyaaleen Israa'elifi US qondaalota US irraa mirkaneeffanne jechuun akka gabaasanitti, halellaa Iraanirratti baname biyyoonni lamaan wal-ta'uun qindessan.
Ganama kanarraa eegaalee magaalaa Tehraan keessatti haleellaan qilleensarraa gaggeeffamaa jira.
israa'el dursitee haleeluu kan murteessite of ittisuuf akka ta'e beeksifte.
Madda suuraa, Vahid Online.
Akka miidiyaaleen Israa'el gabaasanitti, haleellaa Iraan irratti Sanbata har'aa gaggeeffame hordofee Israa'el balaliiwwan sivilii dabalatee daangaa qilleesnaa ishee cifatte.
Burqaan Oduu Teehraan kan Humda Eegumsa Warraaqsaa Islaamaa Iraanitti dhiyeenya qabus daangaan qilleensaa Iraan cufachuu gabaaseera.
Madda suuraa, IRNA
Magaalaa guddoo Iraan kan taate Tehraan keessatti dabalataan dhohiinsi gurguddaan dhagahame.
Miidiyaan Iraan Fars News Agency akka gabaasetti kaabafi baha magaalaa Teehraanitti dhohiinsi dabalataan dhagahame.
Kun kan ganama kana giddu galeessa magaalaa Tehraanitti dhagahameen alatti.
Israa'el haleellaa kana ofirraa ittisuuf akka gaggeesite beeksisuun, lammileenshee haleellaa haaloo bahuu Iraanirraa dhufuu maluuf akka of qopheessan akeekkachiiste.
Israa'el ganama kana Iraanirratti haleellaa banuu hordofee Iraan haaloo bahuu waan maltuuf lammiileen biyyattii akka of qopheessan beeksifte.
Miidiyaan Israa'el Haaretz akkabeeksisetti Iraan misaa'elaafi dirooniin haaloo bahuu dandeessi.
MinisteerriIttisaa Israa'el fuuka X gubbaatti, manneen barnootaa akka cufaman, bakka hojiitti namoonni akka walitti hin qabamneefi hojiiwwan murteesson alatti akka hin jiraanne ibse.
Israa'el ganama kana of ittisuufi jechuun Iraanirratti haleellaa raawwatteen magaalaa Tehraan keessatti dhohiinsi gurguddaan dhagahame.
Israa'el Iraanirratti haleellaa gaggeessuu eegalte.
BBC Pershiyaan miidiyaalee Iraan waabeffachuun akka gabaasetti, ganama kana magaalaa guddoo Iraan keessatti dhohiinsi gurguddaan dhagahame.
Misaa'eloonni heddus naannoo Daneshgah Street fi Jomhuri Jedhaman haleeluus ibse.
Miidiyaan Israa'el Haaretz ammoo Israa'el haleellaa of itisuu Iraanirratti gaggeessuu eegaluu gabaase.
Gabaasa kana jala buunee isin biraan geenya.
Madda suuraa, AFP
Maallaqa baankii biyyaalessaa fe'ee kan ture xiyyaarri humna qilleensaa Boliiviyaa qubachuudhaaf yeroo jedhutti balaa irra gaheen namoonni 11 du'uun gabaafame.
Balaa akka sa'aatii biyyattiitti galgala 12:20 booda qaqqabe kanaan buufanni xiyyaaraa yeroodhaaf akka cufamu taasifamuu aanga'oonni beeksisaniiru.
Ministeerri ittisaa Boliiviyaa xiyyaarri C-130 Heriikulas jedhamu Baankii Biyyalessaa biyyattiidhaaf maallaqa fe'ee osoo jiruu balaan kun irra gahuu mirkaneesseera.
Ministeerichi itti dabaluun, noottiin maallaqaa xiyyaaricha keessa jiru bittaafi gurgurtaaf ooluu akka hin qabneefi fudhachuus ta'e faayidaarra oolchuun yakka ta'uu akeekkachiiseera.
Waa'ee ka'umsa balaa kanaa qorannoo gaggeeffamaa jiraachuufi aanga'oonni hojii isaanii akka raawwataniif namoonni gara bakka balaan kun itti qaqqabeetti akka hin dhiyaanne hubachiifameera.
Akka sabaa-himaaleen gabasanitti, jiraattonni xiyyaara balaan kun mudate keessaa maallaqa fudhachuuf yaalii gochaa jiru.
Madda suuraa, Dr. Jiinenus Fiqaaduu
''Ulfinni, guddinni fi kabaji keenya kan ittiin mirkanaa'u gonkumaa kufuu dhabuu keenyaan osoo hin taane yeroo kufaatiin nu mudatu hunda ka'uuf tattaaffii taasisnuun argama,'' falaasama jedhuun hoogganama.
Jechi kun kan nama falaasamaa beekamaa Chaayinaa Konfiyuushas.
Dr. Jiinenus Fiqaaduu ammoo baadiyyaa Oromiyaa Godina Horroo Guduruu Wallaggaa keessaa ba'ee amma saayintistii addunyaan akkaan barbaaddu ta'eera.
Jireenyi isaa guutummaatti fakkeenya cichoominaa, kutannoo fi rakkoo danda'uuti.
Kanaaf ammoo ganda rakkina, gogiinsa, walitti bu'iinsaa fi xaxaa siyaasaan faalamte keessaa ba'ee har'a saayintistoota qorannoonsaanii addunyaa fayyadu keessaa tokko ta'uusaa caalaa ragaan hin jiru.
Barnoota Faarmaasii hanga digirii sadaffaatti (PhD) barachuun yeroo ammaa Yuniversitii Wallaggaa fi Hong Kongitti ammoo CUHK keessa hojjeta.
Rakkoon inni hin dhandamne hin jiru, osoo akka rakkootii mana barumsaa galee milkaa'uun hafee yoona lubbuudhaanuu hin jiru, kan haala jireenyaa walfakkaataan biraa kufan hedduudha waan ta'aniif.
Abbaansaa qonnaan bulaa fi daldalaa turan. Bosona keessa sorobbaa sorobuun waan argatan maatiif kennu, gaafa carrooman bineensa bosonaa ajjeesanii foon maatii sooru.
Madda suuraa, Getty Images
Yeroo Ameerikaan dooniiwwan waraanaa gurguddoo gara Baha Giddugaleessaatti bobbaastee jirtu kanatti, sochiin waraanaa naannoo qarqara galaanaa Iraanitti Ameerikaan taasisaa jirtu akka isa yaadddesse dhaabbanni Biyyoota Gamtoomanii (UN) ibse.
Dubbi-himaan UN Isteefaan Dujaariis gaazexeessitooatti akka dubbatetti, naannicha keessa sochii waraanaa yaaddessaa ta'e akka jiruufi garamitti akka bahuu danda'ullee tilmaamuun rakkisaadha jedheera.
Haalli Ameerikaan Iraan irratti haleellaa raawwattu jiraachuu malaa jedhamee gaafatamee, "carraaqqii dippilomaasii taasifamaa jiraniin wanti gaarii ta'an mul'achaa jiru, nutis isa jajjabeessuu itti fufna," jechuun deebise dubbi-himaan UN kun.
Dujaariik barreeessaan olaanaa UN Akmeerikaafi Iraan gidduutti jaarsummaa Omaaniin mariin al-kallattiin gaggeeffamaa jiru qaamoleen lamaan 'waliigalteen itti fufinsa qabaatu hanga argammutti murannoofi qajeelummaan akka itti fufuaniif' gaafachuu isaa dubbateera.
Dubbi-himaan UN kun atakaraa nukilaraa Iraaniif fala barbaaduudhaaf Ejensiin Inarjii Atoomikaa Idil-addunyaa Iraan keessatti qorannoo guutuufi waliigalaa gochuu qaba jedheera.
Madda suuraa, Getty Images
Rifeensa sirreeffachuun dhiiraafis ta'e dubartootaaf qulqullinasaanii eeggachuufis ta'e fayyaafi bareedinaaf barbaachisaadha.
Yeroo baayyee namoonni muraasni, keessattuu dhiiroonni torbaniin, kaan ammoo ji'aan rifeensa isaanii yoo sirreeffatan mul'atu.
Haata'u malee, yeroo tokko tokko ammoo adeemsa rifeensa sirrreessuu keessatti malli sirrii ta'e yoo hin hordofamne mul'ata.
Yoo adeemsa rifeensa sirreessuu fi daabee dhawachuu keessatti qulqullinni hin eegamne garuu dhibeewwan hedduun karaa kanaan dadarbuu akka danda'u akeekkachisuu oggeessoonni.
Yeroo baayyee namoonni waa'ee meeshaa ittiin rifeensi isaanii sirreeffamu caalaa waa'ee bareedinaafi gosa (style) rifeensa murataniifi sirreeffataniif yoo xiyyeefannaa kennan argamu.
Madda suuraa, Getty Images
Pirezidaant Tiraamp marii sagantaa nukilaraa iraan dhiyeenya kana taasifaman irratti gammadaa ta'uu baatus , haleellaa raawwachuuf garuu ammallee murteerra akka hin ga'iin dubbate.
"Waan barbaadnu nuuf kennuuf hayyamamoo waan hin taaneef ani gammadaa miti," jechuun Kamisa darbe marii Jeneaatti waliigalteerra osoo hin ga'iiin xumurameeratti yaada isa kenneera Tiraamp.
Pirezidantiin Ameerikaa kun humna waraanaa Iraan irratti fudhachuu akka hin barbaadne dubbatullee, "yeroo tokko tokko garuu tarkaanfii waraanaa fudhachuu qabda" jechuun dubbateera.
Ameerikaan Iraan irratti haleellaa banuu dandeessi yaaddoo jedhuun biyyoonni baayyeen JImaata lammileen isaanii naannoo sana keessa jiraniif akeekkachiisa dabarsaniiru.
Yunaayitid Kingidam imbaaasiishee Teehraan jiru keessaa hojjetoota yeroodhaaf baasteetti. 'Barbaachisaa yoo ta'erraa kan hafe' imalli gara Israa'elitti akka hin taasifamne jechuun qajeelfamni imalaa jijjiirameera.
Waraanni kun ka'uu danda'a jedhanii Chaayinaa, Indiyaaa fi Kanaadaa dabalatee biyyoonni biroo lammileen isaanii hanga danda'ametti hatattamaan akka Iraan keessaa akka ba'an akeekkchiisaa jiru.
Jarman lammileen ishee gara Israa'elitti akka hin imalle gorsaa jirti, Faransaay akkuma kana Israa'el soo deemuu baattanii jechuun lammileef ibsaa jirti.
Ameerikaanis lammileen ishe Iraan jiran 'dafanii' akka biyyattii gadhiisanii bahan akeekkachiifteetti
Imbaasiishee Israa'elitti argamu hojjettoonniifi maatiin isaanii warra dhimma murteessaaf barbaachisan qofarraa kan hafe akka bahuu qaban ibsuun, kana ammoo osoo 'balaliin daldalaa' addaan hin ictiin akka godhaniif hubachuufteetti.
Tiraamp Iraan waliin dhimma nukilaraa irratti waliigalteerra yoo hin ga'amne tarkaanfii waraanaa akka fudhatu akeekkachiiseera.]Ameerikaan erga bara 2003 Iraaq weerartee as humna waraanaa baayyee guddaadha jedhame gara Baha Giddugaleessaatti bobbaasteetti.
Iraan ammoo haleellaan kan irratti raawwatamu taanaan deebii akka kennitu dhaadatteetti.
Odeeffannoo dabalataaaf:
Barreeffamni kun qabiyyee [social_media-site]n dhiyaatan qaba. Tarii 'cookies' fi teknolojiiwwan biraa fayyadamuu waan danda'aniif, osoo tokkoonsaa gadi hin buufamiin dura hayyama keessan gaafanna. Osoo hin simatin dura Google YouTubeimaammata cookies fi imaammata mateenyaa dubbisuu barbaadda ta'a. Qabiyyee kana ilaaluuf 'waliigaluun itti fufi' filadhu.
Xumura maxxansa YouTube
Artist Daawwitee Mokonniin waggoota 30 oliif walleewwan aadaafi ammayyaan maqaa guddaa horate. Ammallee sirbuutti jira.
An dhufeen jira', 'Beenu Ka'ii', 'Mee Xiqqoo gad taa'imee', 'Yaa Saawwakoo' fi sirboota hedduun jaalatama.
Ammoo miidiyaarraa badeera. Eega biyyaa bahees biyyatti hin deebine.
Sirbi isaa tokkommoo Afaan Amaaraan dalagame ijoo dubbii ta'eera.
Turtii addaa BBC waliin taasiseen gaaffii hedduu gaafanne. Waan haaraa danuus dubbate. Dhihaadhaa!
Madda suuraa, US Department of Justice
Haala sanadoota waajjirri Haqaa Ameerikaa baatii darbe keessa ifa taasiseetiin, Jeefrii Eppistiin bara 2019 keessa hidhamuusaatiin baatii tokkoon dura Morookoodhaa masaraa doolaara miiliyoonotaan lakka’amaniin bitachuuf dhumarra gahee ture jedhame.
Eeppistan bara 2011 irraa kaasee masaraa Morookootti argamuufi Biin Enaakool jedhamu bitachuuf yaalii taasisaa kan ture ta’ulleen, nama gurguru waliin dhimma gatiifi waliigaltee bittaa irratti waliigaluu sababii hin dandeenyeef waggootaaf harkifachuu danda’eera.
Marasaa guddaan naannoo Paalmeereey Maaraakeeshiitti argamu kun kan ogeessoota ijaarsaa 1,300 ijaaramee fi kan bocawwan faayaa adda addaa fi diizaayiinoota bareedaniin faayame jedhameera.
Eeppistan osoo bara 2019 hin to’atamiin dura kanfaltii dolaara miiliyoona 14.95 raawwachuuf mallatteesseera. Kunis dhaabbata qabeenyaa kana to’atu waliin waliigaltee yuuroo miiliyoona 18n bituudhaaf waliigalteerra erga gaheen boodadha.
Haala sanadoota ifa ta’aniitti, waliigaltee bittaa dhumaa Epistiin yakkoota quunnamtii saalaatiin walqabatee aanga’oota Ameerikaatiin osoo hin to’atamiin dura isa raawwateedha.
Osoo to’annoo jala hin oolfamiin guyyoota sadiin dura oggeessi herregaa Eppistiin, Riichaard Kaahaan maallaqichi akka hin kanfalamne taasisuu isaatti bittaan masaraa kanaa osoo hin raawwatamiin hafeera.
Waajjiirri haqa Ameerikaa sanadoota yakkamaa daldala quunnamtii saalaa Eppistiin hedduu ifa taasiseera.
Epistiin Hagayya 2019 keessa yakka dadabarsa daldala quunnamtii saalaatiin himatamee, erga gaaffiin wabii isaa kufaa taasifameen booda, osoo mana hidhaa Niiw `yoorkiitti argamu keessa ta’ee murtee eegataa jiruu ture kan du’e.
Daa’imman daldala quunnamtii saalaatiif dhiyeessuun ‘erga yakka quunnamtii saalaa’ jedhamuun farajameen booda inni garuu balleessaa akka hin qabne mormaa turuunsaa ni yaadatama.
Madda suuraa, EPA
Imbaasiin Ameerikaa Jerusaalem hojjettoonni Imbaasichaa, kanneen gargaarsa hatattaamaarra hin hojjenna marti maatiisaanii fudhatanii akka Israa'el keessaa bahan har'a Guraandhala 27, 2026 ajajje.
Akeekkachiifni kun sababa yaaddoo nageenyaa waraana Iraan waliin wal qabatu akka ta'es ibsan Ambaasaaddarri Ameerikaa Jerusaalem.
Yaadachiisa kana malees sababa yaaddoo nageenyaa, Imbaasichi lammiileen Ameerikaa fi maatiin isaanii iddoowwan Israa'el kanneen akka magaalaa moofaa Jerusaalem, fi Westbaank akka hin imalle akeekkachiise.
Israa'elitti Ambaasaaddara Ameerikaa Mike Huckabee The New York Times irratti akka dubbatanitti hubachiisni kun jimaata hojjettoota Imbaasiitti kan himame yoo ta'u kanneen bahuu fedhan "har'uma bahuu akka danda'an" beeksifaman jedhan.
Ambaasaaddarichi "rifaatuun hin barbaachisu garuu kanneen bahuuf jedhan osoo hin turre dafanii karoorfatanii akka bahan" jedhan.
Kanneen Israa'el gad lakkisanii bahan Israa'elii fi Westbaanki keessatti rakkoowwan shororkeessummaa fi hookkaraa ilaalcha keessa galchuu akka hin daganne hubachiise.
Gara Gaazaa, qaraqara Gaazaa sababa shororkeessummaa fi walitti bu'iinsaa, kaaba Israa'el immoo daangaa Libanosii fi Siiriyaatti sababa qubsuma waraanaa ta'eef akka hin imalle jedheera.
Daangaa Masiriitti dhiyoos akka hin imalle hubachiiste Ameerikaan.
