Kaamalaa Haaris yoo filamte lola Gaazaa dhaabuudhaaf dhaadatte

Haguuggii Tamsaasa Kallattii

BBC Afaan Oromoo

1. 29 Onkololeessa 2024Michootni Roodirii badhaasichi ni malaaf jedhan

   Michuun Roodirii lammii Jarman Ilkaay Gundohaan ammaa booda inni taphataa gahamsa guddaa hin leellifamne jedhamuunsaa hafeera jedhe.

   ''Roodriin Ballon d'Or injifachuun anaaf sirriidha, ni malaaf. Keessumaa taphataan ittisarratti hiriiru badhaasa kana argachuun natti tole, yeroo mara jifataatu injifata'' jedhe.

   ''Roodriin taphataa sarara gidduu ittisa irratti hojjetuudha, bakka isaatti taphataan biraan isa caala hojii bakka sanaa hojjetu hin jiru'' jechuun leellise.

   Taphataan duranii Siitii Fernaandiinihoo milkaahina guddaa, dhamaatii guddaa keessa dhufeedha jechuun Roodriidhaan baga gammadde jedhe.

   Taphataan maqaa guddaa duraanii Ispeen Andirees Ineestaa ''kan jedhamuun ol malaaf'' jechuun baga gammadde ittiin jedhe.

   Paabloo Zaabaleettaas akkasuma badhaasichi ni malaaf jedhe.

2. 29 Onkololeessa 2024Hezbollaan hogganaa jalaa du'e nama bakka bu'u haaraa ifa godhe

   

   Madda suuraa, Reuters

   Hezbollaan gaggeessaa haaraa filachuu beeksise. Gaggeessan haaran garichi filate Naa'im Qaasim yoo ta'u, ittaanaa hogganaa ta'ee nama tajaajilaa tureedha.

   Waggoota hedduuf Hezbollaa hogganaa kan ture Hasan Nasarallaa haleellaa Israa'eliin magaala Beerut keessatti ajjeefamuu hordofeeti garichi Naa'im Qaasim hogganaa gochuun kan filate.

   Ajjeechaa irra deddeebin gaggeessitoota Hezbollaarratti Israa'el gaggeessiteen qondaalota ijoo Hezbollaa muraasa hafan keessaa Naa'im Qaasim tokkoodaha.

   Ji'a darbe Israa'el gaggeessitoota siyaasafi waraanaa Hezbollaa sadarkaa garaa garaa irra jiran heddu ajjeeftee turte.

3. 29 Onkololeessa 2024'Viniishiyees yoo mo'achuu baate, Kaarvahaaltu mo'atuu qaba' Maadriid

   

   Madda suuraa, Getty Images

   Riyaal Maadriid osodhuma Viniishiyees badhaasa guddicha kubba amiilaa, Ballon d'Or injifachuu baate, Kaarvahaaltu mo'atuu malee jehde.

   Riyaal Maadriid bara darbe Shaampiyoonsi Liigii Awurooppaan 2-0n Dortimundiin yoo injifatu gooliiwwan lamaan kan galchan Daanii Kaarvahaaliifi Viniishiyees Juuniyeeri.

   Kaarvehaal biyyisaa Ispeen waancaa Awurooppaa bara 2024 yeroo injifatu gahee olaanaa baheera. Ammoo garee dorgommii sanii keessaa filatametti hin hammatamne. Faallaa kanaan Roodriin taphtaa cimaa dorgommichaa jedhamee filatameera.

   ''Ulaagaan badhaasichaa Viniishiyeesiin injifataa godhe hin filatu yoo ta'e, ulaagichi Kaarvahaaliin filachuu qaba ture'' jedha ibsi Riyaal Maadriid baaseefi AFP dabalatee miidiyaaleen Ispeen biroon gabaasan.

   Bu'uura kanaan Ballon d'Or-Uefa Riyaal Maadriidiin hin kabajne. Riyaal Maadriidis bakka kabaja hin argannetti hin imalu'' jedhe.

   Ibsi kun qophii badhaasaa halkan edaa dura gadhiifame.

4. 29 Onkololeessa 2024Daawrootti qonnaan bulaan ganama oyiruutti bobba'e qeerransaan miidhamee lubbuun darbe

   

   Madda suuraa, Poolisii Godina Daawuroo

   “Battala odeeffannoo arganneen gara hospitaalaatti geessine, garuu lubbuun hin hafne” jedhe poolisiin Qonnaan bulaan umrii waggaa 45 Kaattaa Oshaw Naannoo Umattoota Kibba Lixa Itoophiyaa godina Daawuroo aanaa Disaa keessa jiraatu ture. Qonnaan bulaan kun Dilbata ALI Onkololeessa 17, 2017 ganama gara oyiruu isaaniitti qajeeluun hojii qonnaa isaaniii eegalan.

   Haa ta’u malee ganama naannoo sa’aa 2:00 yemmuu ta’u, qeerransi bosona naannicha keessaa bahe haleellaa irratti raawwate.

   “Oyiruu ofiirratti osoo hojjetuu bosona keessaa bahee miidhaa irraan gahe” kan jedhan Ajajaan Poolisii Aanaa Disaa, Inispeektar Dastaa Batalaa, Obbo Kaattaan haleellaa tasaa qeerransaan irratti qaqqabe ofirraa ittisuuf yaalanis akka hindandeenye himan.

   “Miidhaa cimaa irraan gahe. Ija tokko balleesseera, mataa irrattis miidhaa cimaa geesise” jedhan. Miidhaan qonnaan bulicharratti qaqqabe olaanaa ta’uusaa erga hubatanii booda kallattiin gara hospitaala fageenya kilomeetira 60 irratti argamu Hospitaala Taarcaatti akka geeffamu taasisuu Inispeektar Dastaa himu.

   Haa ta’u malee miidhaan qaqqabe humna Hospitaala Taarcaan ol waan tureef miidhamaan yaala fooyyeef gara Walaayitaatti ergamuus himan.

   Haa ta’u malee miidhamaan Walaayittaa osoo hingahin karaarratti lubbuun akka darbe Insipeektarichi dabaluun himaniiru. Reenfis gara mana maatiitti deebi’uu dubbatan.

   Haleellaan akkanaa aanichatti baay’inaan kan hin mul’anne ta’uu kan himan Inispeektar Dastaan, “qeerransaan namni du’ee hinbeeku, kuni isa jalqabaati” jedhan.

   Haa ta’u malee yeroonsaa turus kanaan dura qeerransi namarratti miidhaa qaamaa geesisee akka beeku himaniiru.

5. 29 Onkololeessa 2024Roodiriin badhaasa Ballon d'Or injifachuu irratti falmii ka'e

   

   Madda suuraa, Getty Images

   Badhaasa Ballon d'Or bara 2024 taphataan sarara gidduu Maanchistar Siitiifi Ispeen Roodriin injifachuun gaaffii kaaseera.

   Namootni bebbeekamoo gariin Roodiriin taphataa cimaa ta'us taphataan cimaa tokkoffaan addunyaa bara kanaa garuu Viinishiyees Juuniyeerii yaada jedhu dhiyeessaa jiru.

   Riyaal Maadriid waliin Shaampiyonaa Awurooppaa fi Ispeen kan ta'e vinishiyees gahee milkaahina garichaaf taphateerraa kan ka'e tilmaama olaanaa argatee ture.

   Maadriid badhaasa kana Viniishiyees akka fudhatu amanuun garee hanga namoota 50 ta'u qabatee gara Paaris imaluuf wayita qophaa'ee jirutti injifataa akka hin taane wayita dhagahu jilasaa mara waltajjicharraa hambiseera.

   Viniishiyees Juuniyeer sagantaa kana booda yaada X gubbaa maxxanseen dalagaa bara kana dalage yeroo 10 akka irra deebi'uu danda'uufi ibseera. 'Isaanimmoo kanaaf qohii miti'' jedhe.

   Ittisni Maadriid Eder Militaawoo ''ati cimaadha, eenyuyyuu kana sirraa hin fidhatu'' jedhe.

   Fedee Vaalveerdee gama isaan ''badhaasni kamuu hangam takka cimaa akka taate hin ibsuu'' jedhee jajjabeesse.

   Ediwaardoo Kamaviingaa ammoo ''siyaasa Kubbaa miilaa'' jechuun X gubbaa yaada qoodeen addunyaarratti ati ''taphataa cimaa isa jalqabaati'' jedheera.

   Roodiriin bara 2024 keessa Ispeen waliin Waancaa Awurooppaa, Maanchister Siitii waliin ammoo Piriimiyeer Liigii Ingiliz injifate

6. 29 Onkololeessa 2024

   Ashamaa

   Tamsaasni kallattii keenya eegaleera.

   Dhiyaadhaa!