Tiraamp qoqqobbii haaraa Raashiyaarra kaa'e, Puutin waliin mariyachuun 'bu'aa hin qabu' jedhe
Madda suuraa, Getty Images
Ameerikaan qoqqobbii haaraa dhaabbilee boba’aa gurguddoo Raashiyaa lamaan irratti xiyyeeffate labsite. Kun ammoo Mooskoon waraana Yukireen keessatti gaggeessaa jirtu mariin karaa nagana furtu dhiibbaa gochuuf jedhameera.
Beeksisni kun kan ba’e prezidaantiin Ameerikaa Doonaald Tiraamp gita isaanii Raashiyaa Vilaadmiir Puutiin waliin Budaapeestitti wal arguuf karoorfame yeroo hin murtoofneef akka hafu erga dubbatanii guyyaa tokko booda.
''Yeroon Vilaadmiir waliin haasa'u hunda marii gaarii taasifna booda [garuu] eessayyuu hin ga’u,'' jedhe Tiraamp.
Dhiibbaan dinagdee Raashiyaa irratti dhufu xiqqaa ta’uu kan malu ta’us, imaammata alaa Tiraamp irratti jijjiirama guddaa kan bakka bu’u yoo ta’u, kanaan dura hanga biyyoonni Awurooppaa boba’aa Raashiyaa bitachuu dhiisanitti qoqqobbii akka hin keenye dubbatee ture. Kireemlin akka jettetti, Raashiyaan qoqqobbii kanaan ''omaa hin taanu'.