US haleellaan qiyyeeffannaawwan Iraaniin hidhata qabanii deebii 'jalqabaati' jette

Haguuggii Tamsaasa Kallattii

1. 2 Guraandhala 2024Ministirri Raayyaa Ittisaa US icciitiin hospitaalaa turuutti dhiifama gaafate

   

   Ministirri Raayyaa Ittisaa US Liloyaad Awustiin yeroo Muddee keessa hospitaalaatti ciisee akka wallaanamu taasifameetti qaamoolee dhimmisaa ilaalatuutti himuu dhiisuu isaatti ''dhiifama guddaa'' jedhe.

   Awuustiin gaheessi umuriin waggaa 70 kun yaalii kaansarii cinaanii (prostate cancer) irraa reefu bayyanachaa jiruu.

   ''Kana to'achuu hin danda'u'' jedhan. ''Waa'ee kaansarii dhukkubsachuu kootii piresidantichatti himuun qaba.''

   Dursaan Pentaagan rakkoo nageenya biyyaaleesssaa kamuu yeroo mudatuutti to'achuudhaaf argamuu qabaatu ture.

   ''Itti gaafatamummaa guutuu isaa nan fudhadha, haalal yaalii kootiifi ummata Ameerikaa dhiifaman gaafadha'' jedhan haasaa erga wallaansa irra hojiitti deebii'anii yeroo jalqabaatiif gaazexessitoota waliin taasidaniin.

   "Akka seeraatti dursaakoo wlaiin waa'ee haasa'ee hin dubbadhu, garuu kallattiidhaan pirezidanti Baayidan dhiifama gaafachuukoon isinitti himuun danda'a.''

   "Akkan wallansa cimaa fudhadhuu battalumatti itti himuu dhiisuu kootiif baayyee gaddee.''

   Hojjattoota isaa kamuu akka dhukkubsachu isaa Waayit Haawuus ykn ummata jalaa dhoksan eenyumaa gonkumaa hin ajajne kan jedhan qondaalli kun, garuu hojjattoonni ajaja isaatiin ala ta'usaanii ilaalchisee deebii hin kennine.

   ''Aadaa iccitii akkan uumee hin yaaduu'' jechuun Kamisa kaleessa gaazexessitootaatti himan.

   Ministirri Raayyaa Ittisaa caasaa aangoo ajaja waraanaa Ameerikaa keessatti pirezidantiitti aananii argamu. Akkasumas akka miseensa kaabinee murteessaa tokkootti ilaalamus.

2. 2 Guraandhala 2024Karaawwan afran Feesbukiin waggaa 20 keessatti addunyaa ittiin jijjire

3. 2 Guraandhala 2024Balaa abiddaa Keeniyaa, Naayiroobiitti mudateen sadi du'an, 300 miidhaman

   

   Madda suuraa, reute

   Magaalaa guddoo Keeniyaa Naayiroobiitti dhohiinsa bakka gaaziin guutamutti mudateen balaa abiddaa uumameen namoonni lsadi yoo du'an dhibbaan kan lakkaa'aman miidhamaniiru.

   Mootummaan biyyattii akka ibsetti halkan naannoo sa'atii sadiitti balaan kun mudachuu dura buufata Aanaa Imbakaasiitti gaaziin siliindarootatti guutamaa ture.

   Waldaan Qaxxaamura Diimaa Keeniyaa akka jedhutti balaa abiddaa kanaan namoonni 300 ta'an miidhamanii hospitaala galaniiru.

   Sababni balaa kanaa ammallee qoratamaa jira.

   Dubbi himaan mootummaa Isaak Mawaawuraa dhohiinsi kun kubbaaniyyaa Kentainers Company ltd jedhamu keessatti mudate jedhan.

   Gamoon kubbaaniyyaan kun keessatti argamus guddoo miidhameera jedhan qondaalli kun, naannawa sanatti qorannoon gaggeeffamaa waan jiruuf namoonni bakka sanarraa akka fagaatan akeekkachiisan.

   Balaan abiddaa kun dhohiinsa kubbaaniyyaa boba'aa kanaan haa ka'uyyuu malee gamoowwan naannawa sana jiran hedduu walga'eera.

   Balaa mudateen jiraattonni naannoo yaaddoo fi sodaa hamaa keessa galaniiru. Dhohiinsi dabalataa mudachuu mala sodaan jedhu ammas jira.

   Namoonni hedduun sababa balaa kanaan qe'eesaanii gadhiisaniiru.

   

   Madda suuraa, Reuters

4. 2 Guraandhala 2024Hojjetaan duraanii 'CIA' appiiwwan basaasaa icciitii saaxile hidhaa waggaa 40'n adabame

   

   Madda suuraa, GETTY IMAGES

   Hojjetaan duraanii dhaabbata basaasaa,CIA, appiiwwan icciitii ittiin kompiitara 'hack' ykn butuun danda'amu marsariitii odeeffannoo saaxilu Wiikiiliiksiif dabarsee kenne hidhaa waggaa 40'n adabame.

   Jooshuwaa Ishikaat suuraawwan sarbama daa'imaa agarsiisu qabachuunis balleessaa dha jedhameera.

   Abbootiin alangaa appiiwwan CIA ''vault 7'' jedhaman kan hojjettoonni basaasaa bilbila ismaartii butuu fi ittiin sagalee dhaggeeffachuuf garagaaraman saaxiluun isa himatan.

   Gochaan kuni seenaa Ameerikaa keessatti ''kan qaanii malee'' raawwatame dha jedhan.

   Jooshuwaan nama ganna 35 yoo tahu sanadoota 8,761 bara 2017 keessa Wiikiiliiksiif dabarsee kenneerra. Kunis seenaa CIA keessatti seera odeeffannoo guddaa cabe dha jedheera Waajirri Haqaa Ameerikaa.

   Namni kuni himannaa irratti baname haalus dhaddacha Niiw Yoorkitti al sadii taa'ameen balleessaa jedhameera.

   Kamisa kaleessaa kaninni adabame basaasa, kompiitara haak gochuu, dhaddaacha kabajuu dhiisuufi, FBI dhaaf raga bahumsa sobaa kennuu fa'iin dha.

   ''Joshuwaan yakkoota basaasaa fokkisaafi qaanii hin qabne raawwachuun biyyasaa ganee,'' jedhan Abbaan alangee Deemiyaan Wiiliyaams.

   Akka ragaa dhaddachaatti qoodameen injinara sooftweerii taheetu Wiirtuu Basaasa Saayibarii kan dhaabota shororkeessumma mootummoota alaa irratti basaas raawwatu keessatti qacarame.

   Bara 2016tti odeeffannoo hatuun Wiikiliiksiif kennee gochaa isaa ammoo FBI sobee jedhe. Akka isaan jedhanitti namni kuni aarii iddoo hojiitiin lola uumameen kaka'etu kana raawwachuu danda'e.

   Wiikiiliiks bara 2017tti ture odeeffannoo icciitii guddaan qabaman kan maxxansuu jalqabe.

5. 2 Guraandhala 2024Yeroo jilli Gadaa gahu ijaarsi Qachaa aannaniifi dammaan dongoramu maali?

6. 1 Guraandhala 2024Amma nu gahe, Baayidan qubattoota Israa’el Filisxeemota nagaa dhorkanirra qoqqobbii kaa’an

   

   Madda suuraa, Getty Images

   Pirezidantiin US Joo Baayidan Israa’eloota bakka humnaan qabatan, Weest Baank, keessa qubachuun Filisxeemota miidhaa jiru jedhanirra qoqqobbii kaa’an. Qoqqobbiin kun bakkeewwan qubsumaa Israa’el afur irrattidha.

   Kamisa wayita qoqqobbiin kun akka hojiirra ooluuf wayita mallatteessanitti, miidhaan qaqqabaa jiru “sadarkaa obsamuun ol” ta’eera jedhan Pirezidant Baayidan.

   Qoqqobbiin kun namoonni meeshaafi qabeenya US hunda akka argachuu hin dandeenye dhorka.

   Miidhaan Weest Baank keessatti raawwatamu haleellaa Hamaas Onkoloolessa 7 Israa’el irratti raawwataane as hammaateera.

7. 1 Guraandhala 2024Labsii yeroo atattamaa dheeresuuf yaada dhiyaatu murteessuuf Manni Maree yaa'ii addaa waame

   

   Madda suuraa, House of Peoples Representatives of FDRE

   Manni-maree Bakka Bu’oota Ummataa Itoophiyaa, naannoo Amaaraatti tasgabbii dhabiinsa mudate hordofuun labsii yeroo atattamaa ji’oota jaha dura labsame dheeressuuf yaada dhiyaaturratti Jimaata boruu kora addaa waame.

   Manni-marichaa yaa’ii kanarratti yeroo aangoo miseensota boordii raawwii labsichaa qoratanii akka dheeressuuf jiru maddeen Mana-marichaa sadii BBC’tti himan.

   Labsin yeroo muddamaa kun yeroo hojirraa oolurratti miseensonni paarlamaa mariyachuun sagalee akka kennanitu eegama.

   Labsii yeroo muddamaa kana dheeressuuf sagalee miseensoota Mana Marichaa harka 2/3’tu barbaachisa.

   Bara darbe humnoota nageeenyaa mootummaa fi hidhattoota naannichaa gidduutti walitti bu’iinsa hammaate hordofuun naannoo Amaaraa mootummaan Federaalaa dhimmicha akka tasgabbeessu waamicha dhiyeessen Manni Maree Maree Ministeerota labsii yeroo muddamaa labse.

8. 1 Guraandhala 2024US buufata Iraan kanneen Sooriyaafi Iraaq keessatti argaman akka haleeltu mirkaneessite

   

   Madda suuraa, Getty Images

   Haleellaan kun turtii guyyoota lakka’aman keessatti kan raaawwatamu yoo ta’u, eegaluuf haala qilleensaatu murteessa jedhame.

   Dilbata darbe haleellaa diroonii Joordaan, daangaa Sooriyaaatti raawwatameen loltooni Ameerikaa sadii erga ajjeeffamanii booda haleellaan kun karoorfamuun ibsame.

   Ameerikaan haleellaa diroonii loltootashee sadii ajjeesee 40 ol madeesse kanaaf, hidhattoota Iraaniin deeggaraman himatte.

   Gartuu 'Islamic Resistance' jedhamu Iraaq keessa maadheffate kun Iraaniin deeggaramuun haleellaa sana raawwachuu amane.

   Iraan garuu haleellaa buufata waraanatti namoota 41 madeesse duuba jiraachuu haalte.

   Ameerikaan haleellaa kanaaf deebii akka kennitu beeksifteetti.

   Pirezedantiin Ameerikaa Joo Baayideniifi qondaalonni biroo Iraan faana waraana bal’aatti seenuu akka hin barbaanne ibsaniiru.

9. 1 Guraandhala 2024FAO'n sarbamiinsa mirgaa yeroo waraana Itoophiyaatti qaqqabe dagachuun MM Abiyi badhaaase jechuun qeeqe

   

   Madda suuraa, HRW

10. 1 Guraandhala 2024Huutiin Galaana Diimaa irratti doonii daldalaa US haleeluu hime

11. 1 Guraandhala 2024Yukireen bidiruu waraanaa Raashiyaa barbadeessite

    Humnoonni Yukireen bidiruu misaa'ela Raashiyaa Ivanovets jedhamtu irratti tarkaanfii addaa fudhachuun barbadeessuu himan.

    Kun kan ta'e Bilaak Sii, qarqara Kireemiyaatti ture.

    Ivanovets, doonii waraanaa xiqqaa misaayila hidhatte yoo taatu, halkan kaleessaa kallattiin erga haleelamtee booda dhidhimte jedhu gartuu basaasa waraana Yukireen.

    Gareen basaasa waraanaa viidiyoo taatee sana agarsiisus gadhiiseera.

    Qondaalonni Raashiyaa garuu waa’ee haleellaa kanaa amma yoonaatti yaada hin kennine.

    Lammiin Raashiyaa odeeffannoo waraanaa maxxansu tokko toora Telegiraamii irratti dooniin xiqqaan kun si’a sadii diroonii galaanarraatiin erga haleelamee booda dhidhime jedheera.

    Daarektoreetiin Basaasaa Yukireen dooniichi garee humna addaa’’Group 13" jedhamuun haroo Donuzlaav keessatti barbadaa'e jedhe.

    

    Madda suuraa, UKRAINE MILITARY INTELLIGENCE

12. 1 Guraandhala 2024Miseensa paarlaamaa kan ta'an Dr Dassaaleny Caannee to'ataman

13. 1 Guraandhala 2024US waa’ee loltootashee Joordaan keessatti ajjeefamanii ibsa dabalataa kennite

    Humna waraanaa US waa’ee haleellaa buufataleen waraanaa Joordaan keessaa qabu keessaa tokkorratti raawwatameen miseensonni waraanaa jalaa ajjeefamanirratti odeeffannoo dabalataa baase.

    Haleellaan buufata waraanaa US Jordaan keessa daangaa Sooriyaatti dhiyootti Dilbata darbe raawwatame ture.

    Miseensota waraanaa ajjeefaman sadiin ala loltoonni 41 madaa’uu isaanii US Naashinaal Gaard himeera.

    Isaan keessaa 27 amma gara hojiisaaniitti kan deebi'an yoo ta’u, 14 ammoo qorannoon fayyaa taasifameefiif wallaansa argachaa jiru.

    

    Madda suuraa, Getty Images

14. 1 Guraandhala 2024Gaggeessitoonni EU deeggarsa €50bn baasu Yukireeniif ramadan

    

    Madda suuraa, Getty Images

    Gaggeessotoonni miseensa EU [Gamtaa Awurooppaa] 27 gargaarsa Yuroo Biliyoona 50 baasu Yukireeniif kennuuf waliigalan.

    Gargaarsi kun kanaan dura yaadamee kan ture yoo ta'u sababa Hangaariin diddeef danqamee ture.

    Pirezidantiin Yukireen Volodmiir Zeleniskiin deeggarsa haaraa isaaniif taasifame kana dinagdee biyyattii kan jabeessuufi sirna faayinaansii biyyattii kan tasgabbeessudha jechuun gammachuun simataniiru.

    Ammas garuu MM Hangaarii akkuma kora Awurooppaa Mudde darbe gochan paakeejii gargaarsaa kana danquu danda'u sodaan jedhu jira.

    MM Hangaarii, Viktor Orbaan, EU keessaa nama michuu dhiyoo pirezidaantii Raashiyaa ta'anidha.

    Viktor Orbaan Gamtichi waa'ee imaammata Yukireen ilaalchisuun qabu akka irra deebiyee ilaalu kan barbaadan yoo ta'u, yaada Yukireeniin waggoot afran itti aanan deeggaruu jedhu dura dhaabbachaa jiru.

    Paakeejiin gargaarsa EUn Yukireeniif kennuuf waliigale kun waggoota afran itti aananitti kaffaltaawwan sooramaa, miindaafi baasiiwwan garagaraatiif oola.

    Gargaarsi EU kun yeroo gargraasa waraanaa US taasisu Kongirasiitiin dhorkamettidha.

15. 1 Guraandhala 2024TPLF kan rakkoon hoggansaa mudachuu ibsu maaliif dureewwansaa jijjiiruu dadhabe?

16. 1 Guraandhala 2024Badhaasni MM Abiy argatan sarbama yeroo waraanaaf iddoo hin kennine - HRW

17. 1 Guraandhala 2024Ilhaan Omaar dhimma Itoophiyaarratti yaada kenniteen Ameerikaadhaa akka ari'amtuuf gaaffiin dhihaate

18. 1 Guraandhala 2024Afrikaan Kibbaa himannaa Israa'el irratti bantee Iraan komii deeggarteetti jedhu haalte

    

    Madda suuraa, Getty Images

    Ministarri Haajaa Alaa Afrikaa Kibbaa Naaleedii Paandoor himannaa paartiin ANC Iraan irraa deegarsa maallaqaa fudhachuuniidha kan biyyattin Israa'eliin Dhaddacha Haqaa Addunyaa dura dhaabde himannaa jedhu haalan.

    Ibsa Roobii Kaleessaa miidiyaaleef kennaniin Israa'elii fi deeggartoota isheetu dhaddacha dura waan dhaabneef himannaa kana akka deebii kennuutti adeemsisaa jira jedhan.

    Torbee darbe Dhaddachi Haqaa Addunyaa himannaa Afrikaa Kibbaan dhiyaateef murtoo kennuun Israa'el Gaazaa keessattii duguggaa sanyii hambisuuf tarkaanfii barbaachisu hunda akka fiudhattu ajaja baasee ture.

    Ministarri Haajaa Alaa kuin Dhaddachi Haqaa Addunyaa, ''tarkaanfii fudhatu irratti harkifataa akka tahe'' komii itti kaasuu isaanii himuun, Ministira Mummee Israa'el Benjaamiin Netaaniyaa irratti ajaja hidhaa baasuu fa'i akka fakkeenyaatti kaasaniiru.

    Aadde Paandoor biyyooti hundi, ''deeggarsa maallaqaa tarkaanfii waraanaa Israa'el jabeessu dhaabuu qabu,'' sabiinsaas maallaqaan deeggaruun, ''ergama duguuggaa sanyii gargaaruu dha,'' jedhan.

    Ministarittiin Afrikaan Kibbaa biyyoota addunyaa kibba irra jiran lammiilee Fiilisxeemiif deeggarsa namoomaa akka taasisaniif kakaasna jedhan..

    Biyyoonni kurnaan lakkaa'aman hojjettoonni deeggarsa namoomaa (UNRWA) Gaazaa keessatti hojjettoonni isaanii haleellaa Hamaasa Israa'el irratti raawwateen harka keessaa qabu jechuun deeggarsa maallaqaa dhaabbatichaaf taasisan addaan kutaniiru.

19. 1 Guraandhala 2024Hoogganaan Meta Mark Zuckerberg walga'ii Senetii US irratti dhiifama gaafate

20. 1 Guraandhala 2024Huutiin doonii daldala Ameerikaa Galaanaa Diimaa keessatti haleeluu hime

    

    Madda suuraa, Getty Images

    Hidhattoonni Huutii kan Yaman keessaa haleellaa isaa dhiheenya dooniiwwan daldalaa irratti xiyyeeffachuun raawwateen Galaana Diimaa keessatti doonii dalala Ameerikaa irratti haleellaa raawwachu beeksiise.

    Doonii Ameerikaa haleelamte maqaanshee KOI kan jedhamtu ta'us hime.

    Dhaabbanni tika galaanaa Ambreey dooniin kibba Yaman kanaa buufata Adan ilamaa turte irratti dhohiinsi mudachuu himee garuu maqaa doonitti hin himne.

    Haaluma walfakkaatuun Ameerikaan Yaman keessatti eddoowwan diroonii 10 kan dhukaafamuu qophiirra turan irratti qiyyeeffachuun haleellaa qilleensaa haaraa raawwachuun beekkame.

    Odeessa kanarratti dabalataan dubbiisuuf asii seenaa: Huutiin doonii daldalaa US haleeluu beeksiise