Cheelsii, Aston Viilaa, Maanchister Siitii, Arsenaal? Kamtu Shaampiyoonsi Liigii keessa galee xumura?

Cheelsiin hirmaannaa Shaampiyoonsi Liigii bara dhufuu argachuuf hireen isaanii harka isaanii keessa jira. Aston Viilaan Tootenhaam waan mo'ateef carraa guddaa qaba.

Cheelsiin Maanchister Yuunaayitidiin galchii 1-0 mo'achuun hiree isaa guddifate. Aston Viilaan silaa osoo Cheelsiin mo'amee jiraate carraan isaanii kanarra bal'ata ture. Amma sadarkaa arfaffaa fi shanaffaa qabataniiru.

Garuu amma sadarkaa jahaffaatti kan bu'e Maanchister Siitiin Barnimooz waliin tapha tokko qaba. Tapha ulfaataa tahus gareen Gaardiyoolaa akka tapha xumuraatti taphachuun qabxii argachuuf tattaafatu.

Saawuzhampitan irratti waan qabxii gataniif taphni Barnimooz kun garuu isaanitti cimuu mala.

Aston Viilaa fi Chelsiin qabxii tokko qofa Maan Siitii caalu.

Cheelsiin tapha xumuraa irratti yoo Nootiingihaamiin mo'ate akka carraa hirmaannaa Shaampiyoonsi Liigii mirkaneeffatu ni amana. garuu Fooresti matumti isaayyuu carraa kanaaf falmiitti jira.

Maark Kukurellaa akkas jedhe: "Tarkaanfiin waan addaa uumuun amma waan addaa galmaan ga'uuf taphoota lama qofatu hafe."

"Wanti guddaan nu irratti hundaa'a, kanaaf tapha kana Wiixata [Caamsaa 25] taphachuu qabna, sana booda waa'ee xumuraa [Conference League] [Real Betis waliin] yaadaa jirra."

Aston Viilaan Maanchistar Yunaayitid Ooldiraaford irratti injifachuun isaa hin oolu, dorgomtoonni kaan gadi bu'uun isaanii waan oolu miti.

''Chaampiyoonsi Liigii argachuu dandeenya, ajaa'iba,'' jedhe leenjisaan Viilaa Emeeriin.

"Bara dorgommii hojjechaa jirru kana itti fufuuf hawwina. Amma yeroo gaarii keessa jirra."

Ingilaandi bara dhufu Shaampiyoonsi Liigii Awrooppaa irratti gareewwan jaha qabaatti - Piriimiyerliigii Ingiliiz keessatti shanan duraa fi tapha xumuraa Yuurooppaa Liigii Maanchistar Yunaayitid fi Tootinaam gidduutti injifate keessaastokko carraa qaba.

Boonasii sadarkaa 5ffaa karaa liigii kanaa kan argame gareewwan Ingiliiz bara kana Awurooppaatti ga'umsa gaarii agarsiisanis itti dabalamu.

Arsenaal Wiixata Niwukaastil keessummeessa. Lameenuu qabxii barbaadu.

Arsenaal injifannoodhaan bakka isaanii kan mirkaneessan yoo ta'u, qixa ba'uun ammoo garaagarummaa goolii olaanaa ta'een akka shaampiyoonsi Liigiif darban mirkaneessaaf.

Niwukaastil injifannoon sadarkaa lammaffaatti ol bahee sadarkaa Shaampiyoonsi Liigii Awrooppaatti isaan dhiheessa ture.

Arsenaal tapha sana yoo mo'ame ji'ootaaf sadarkaa lammaffaa kan qabatee ture fakkaatus ammallee sadarkaa Shaampiyoonsi Liigii Awrooppaatiin ala xumuruu danda'a.

Haa ta'u malee guyyaa dhumaa irratti Saawuzhaampitan kan dhumarra jiru waliin taphata. Isa mo'achuun ammas isaaf gahaadha.

Waancaa FA xumuraa har'a kan morkatu Maanchistar Siitiin Kibxata tapha Boornemaawuz waliin taasisaniin yoo xiqqaate qabxii tokko argachuun sadarkaa shanan duraa keessa galuu danda'a.

Carraan Forest amma baayyee xiqqaadha, Wiixata kana Weestihaam waliin morkata. Mo'amuun abdii isaanii akka xumuru beekamaadha. Sababni isaas qabxii afuriin kileboota shan dura isaanii jiran irraa boodatti hafu.

Tapha xumuraa Liigii Awurooppaa Kibxata Maanchistar Yunaayitid fi Tootinaam gidduutti Ispeenitti taphatamu irratti badhaasni Shaampiyoonsi Liigii Awrooppaa kileboota Ingiliziif kennameera.

Tokkoon isaanii waan galaniif.

Lamaanuu bara dorgommii Piriimiyerliigii Ingiliiz gaarii hin taane dabarsa ajiru.

Sadarkaa 16ffaa fi 17ffaa taa'anii waancichaaf wal dorgomu.