Wo bí àjọyọ̀ ṣe ń lọ lọ́wọ́ ní Kogi 'toríi Yahaya

Ìgbóhùnsáfẹ́fẹ́ tí ń lọ lọ́wọ́

Yetunde Olugbenga

1. 16 Bélú 2019Ayédèrú sọ́jà yìnbọn pa èèyan mẹ́ta níbùdó ìdìbò Adankolo ní Kogi

   Ibanujẹ dori agba kodo niluu Adankolo nigba tawọn ayederu ọmọ-ogun yinbọn pa eeyan mẹta.

   Niṣe lawọn eeyan n sunkun ti wọn n fẹsẹ janlẹ niluu ọhun.

   Akọroyin BBC ṣalaye pe wọn ti ọkan lara awọn toku lọ si ile igbokusi

2. 16 Bélú 2019Àwọn jàndùkú dojú àpótí ìbò bolẹ̀ ní Lokoja

   Ọrọ di bo o lọ, o ya n mi lẹyin tawọn ọmọ gọnfe da ibudo idibo lagbegbe Madabo ru niluu Lokoja.

   Awọn janduku yii laa gbọ pe wọn doju apoti ibo bolẹ tawọn eeyan si fẹsẹ fẹẹ.

3. 16 Bélú 2019Lákọlákọ ni ìbọn n ro ni ibudo idibo Dino Melaye ni Kogi

   Ibrahim Issa to jẹ akọroyin BBC to wa ni ibudo idibo naa ni ayetoro ni ipinlẹ Kogi ṣalaye pe ko pe wakati kan lẹyin ti Dino Melaye dibo tan ni awọn kan deede wọle ti wọn si da ibọn bolẹ nibẹ.

   O ni wọn de ninu ọkọ Hilux ati Honda kan ti wọn si n ṣina bolẹ ti wọn si lọ gbe apoti ibo.

   O ni ibọn ba ọdọmọkunrin kan ti awọn eeyan gba pe o n jẹ Dami lejika ti wọn si ti gbe e lọ sile iwosan.

4. 16 Bélú 2019Eto idibo ti n pari ni awọn ibudo idibo kọọkan ni Lokoja ni ipinlẹ Kogi

   Awọn ibudo idbo kọọkan ni Lokoja to jẹ olu ilu ipinlẹ Kogi ti n pari idibo ti wọn bayii.

5. 16 Bélú 2019Gomina Seriake Dickson to n kuro lori aleefa ni ipinlẹ Bayelsa bayii naa ti dibo

   Gomina Dickson dibo rẹ ni Toru Orua ijọba ibilẹ Sagbama ni ipinlẹ Bayelsa fun gomina to wuu lati gba ipo oun

6. 16 Bélú 2019INEC- fopin si eto idibo to n lọ lọwọ ni Ologi ni ipinlẹ Bayelsa

   Ogbeni Nwanchukwu Orji o jẹ alamojuto eto idibo ijọba ibilẹ Ogbia ti kede pe bo tilẹ jẹ pe eto idibo naa lo deede lawon agbegbe naa ṣugbọn bẹẹ kọ lọmọ ṣori ni Ologi ni ipinlẹ Bayelsa.

   Nwanchukwu ni awọn ọmọ ita ya bo agbegbe Ologi ti wọn si ko awọn ohun eelo idibo to yẹ ki wọn ko lọ sibudo idibo ti wọn si sun wọn nina.

7. 16 Bélú 2019Oludije ADP ni Bayelsa, Patrick A Felegha naa ti dibo

   Patrick dibo ni wọọdu kẹsan an, ni ijọba ibilẹ Guusu Ijaw ni ipinlẹ Bayelsa.

8. 16 Bélú 2019Goodluck rọ awọn ọdọ ipinlẹ mejeeji pe ki wọn maa fi ifẹ ati ootọ inu wa ogo orilẹ-ede wọn.

   Jonathan ni ki awon eniyan Bayelsa gba alaafia laaye

9. 16 Bélú 2019Aarẹ àná, Goodluck Jonathan ba awọn eniyan Bayelsa sọrọ léyin to dibo yan gomina to fẹ tan!, Awọn Onwoye idibo ni ipinlẹ Bayelsa wa niwaju ile aarẹ Ana, Goodluck Jonathan

   Akoroyin BBC to wa ni Bayelsa, Karina àti Dan ṣalye pe Goodluck gba awọn eniyan Bayelsa ati Kogi nimọran pe ki wọn gba alaafia laaye.

   O ni abuku awọn ajọ eleto idibo kaakiri agbaye ni ti eto naa ko ba lọ bi wọn ti ṣe kede rẹ ninu irir oun gẹgẹ bii onwoye lagbaye.

10. 16 Bélú 2019Èsì tí mò n gbọ́ lórí ìdìbò òní ń tẹ́mi lọ́rùn-Yahaya Bello, Kogi vs Bayelsa: Ajọ INEC n gbiyanju di asiko yii

    Yahaya Bello: Ipinlẹ Kogi gbagbọ ninu INEC

    Mo mọ pe maa jawe olubori- Yahaya Bello

11. 16 Bélú 2019Aarẹ àná, Goodluck Ebele Jonathan ti dibo yan gomina to wu u ni Otuoke bayii, Goodluck dibo yan ẹni to fẹ ni Bayelsa

12. 16 Bélú 2019Fónrán fídíò ibí tí Dino tí n pin owó lu síta

    Fonran fidio kan ti o ṣe afihan ibi ti oludije ipo Sẹnẹtọ labẹ asia ẹgbẹ PDP ti n pin owo lọjọ idibo ti lu sita.

    Ile iṣẹ iroyin The Cable lo fi fidio yi si oju opo Twiter wọn

    Sẹnẹtọ Dino Melaye to n du ipo Sẹnẹtọ ninu idibo atundi iwọ oorun Kogi ni fidio naa fihan bi o ti ṣe ko owo fun iya kan ti o n ta nkan ipanu.

    Ko daju boya nibudo idibo rẹ ni o ti pin owo naa ṣugbọn aṣọ to wọ nigba to lọ dibo lọjọ Abamẹta naa ni o wọ ninu fidio naa.

    Ofin idibo Naijiria ko faye gba ki eeyan maa pin owo lọjọ idibo ti ajọ to n mojuto iwa jegudujẹra ni Naijiria EFCC a si maa mu awọn to ba hu iru iwa bẹ.

13. 16 Bélú 2019Ìdí tí ètò ìdìbò ìpínlẹ̀ Kogi fi yàtọ̀!, Ipinlẹ Kogi jẹ eyi ti wọn n pe ni Confluence state nitori pe olu ilu rẹ, Lokoja ni odo Benue ati Niger wa papọ

    Lọjọ Kejilelogun, oṣu kọkanla ni ajọ eleto idibo Naijiria, INEC kede esi idibo nini ijọba ibilẹ mọkanlelogun ni Kogi pẹlu ero pe o ṣeeṣe ki iṣẹlẹ ija wa.

    Ọmọọba Abubakar Audu ti APC ni INEC kede 240, 867 fun nigba ti Captain Wada Idris to jẹ gomina tẹlẹ ni PDP ni 199, 514 nipo keji.

    Ogbeni Emmanuel Kucha to jẹ adari eleto idibo lasiko naa fun ipinlẹ Kogi sọ pe idibo naa ko kẹsẹ jari bo ṣe yẹ nitori pe ibo 41, 353 lo wa laarin awọn mejeeji bẹẹ ibo 49, 953 ni wọn wọgile ni eyi to fi jẹ pe ibo ibuso idibo mọkanlelaadọrun un ni wọn ṣi nilo.

    Leyin eyi ni ọgbẹni Kucha kede esi pe APC ni 6, 885 ibo ti apapọ ibo APC fi jẹ 247, 752.

    Nigba ti PDP ni 5, 363 ninu atundi ibo mọ eyi to wa nilẹ to fi jẹ 204, 877 ibo lapapọ.

    Lẹyin iku Abubakar Audu to dupo labẹ APC ni APC fa Yahaya Bello kalẹ ti wọn si kede Yahaya Bello lọjọ kejilelogun, oṣu kọkanla.

    APC ni wọn gbee fun Yahaya Bello tori oun lo ṣe ipo keji Audu laisko idibo abẹlẹ ninu ẹgbẹ APC.

14. 16 Bélú 2019Wọn ti ko awọn ohun eelo idibo de si awọn ibudo idibo kan ni Otuoke ni Bayelsa bayii

    Awọn ọṣiṣẹ eleto idibo kọọkan ti ṣetan iṣẹ ni Otuoke

15. 16 Bélú 2019Aṣoju ẹgbẹ oṣelu SDP miran ni Kogi ni wọn tun ti ṣọṣẹ fun lori

    Ariwo ni oludije Natasha Akpoti ti ẹgbẹ oṣelu SDP n pa pe ọṣẹ yii pọ

16. 16 Bélú 2019Fidio ṣe afihan arakunrin to n ba awọn oludibo tẹka

    Ṣaaju idibo ni awọn ajọ eleto idibo Naijiria ti n fi ikilọ sita lori bo ti ṣe yẹ ki awọn eeyan ṣe ni ibudo idibo.

    Ko ye wa ohun tarakunrin yi n ṣe nibi ti awọn eeyan ti n dibo ni ibudo idibo Gomina Yahaya Bello Kogi lọjọ idibo gangan.

    Boya ẹle lawa lọyẹ.

17. 16 Bélú 2019Eto idibo ko tii bẹrẹ ni awọn agbegbe kan bii Otuoke ni Bayelsa, Awọn eniyan n jade lati lọ si ibudo idibo wọn ni Otuoke

18. 16 Bélú 2019Wọn ṣegi iya fawọn aṣoju SDP ni ibudo idibo Natasha Akpoti, Natasha Akpoti ko ribi tẹka sinu idibo

    Iduro ko si ibẹrẹ ko si fun Natasha Akpoti to jẹ oludije ẹgbẹ oṣelu SDP pẹlu bi ko ti ṣe raaye jade lati lọ dibo ni ibudo idibo rẹ.

    Akọroyin wa to wa ninu ile pẹlu rẹ Dooshima Abu jabọ pe Natasha ni ọkan oun ko balẹ nitori pe awọ́n kan ti ṣegi iya fawọn aṣoju ẹgbẹ rẹ ni ibudo idibo oun.

19. 16 Bélú 2019Wada ẹgbẹ PDP naa ti tẹka ni Kogi

    Oludije ipo Gomina labẹ asia ẹgbẹ oṣelu PDP Musa Wada ti tẹka ninu idibo Gomina to n lọ lọwọ nipinlẹ Kogi.

    Loju opo Twitter ẹgbẹ PDP ni aworan ibi to ti tẹka wa.

20. 16 Bélú 2019Dino Melaye,Natasha Akpoti ko ti dibo

    Ṣẹnẹtọ Dino Melaye ti ẹgbẹ oṣelu PDP to n du ipo Sẹnẹto ninu idibo atundi ẹkun ila oorun ipinlẹ Kogi ko ti dibo lasiko ta n 'ṣe akojọpọ iroyin yi.

    Bakanna la gbọ pe obinrin kan ṣoṣo to n du ipo Gomina Natasha Akpoti ti ẹgbẹ SDP naa ko ti jade kuro ninu ile rẹ lati dibo.

    Iroyin to n tẹwa lọwọ sọ pe niṣe ni ẹru n ba pe ki wọn ma ṣe leṣe ti o ba jade.