Белгияда "бир неча гумондор қидирилмоқда"

Сурат манбаси, EPA

Published

Белгия пойтахти Брюссел иккинчи кунни хавфсизлик чоралари ўта кучайтирилган ҳолатда ўтказган.

Бош вазир Шарл Мишел айтишича, ўзларида қуролли ҳужум режалангани ҳақида ишончли хабар бор.

"Портловчи моддалар ва ўточар қуроллар билан қуролланган бир неча киши, эҳтимолки, бир неча жойга ҳужум уюштиришлари мумкинлиги ҳақида ишончли маълумот бор", деб айтган Белгия бош вазири.

Ички ишлар вазири Ян Жамбон айтишича, қидирилаётган шахслар орасида янги ҳужумларни тайёрлашда гумон қилинган одамлар бор.

Брюссел шаҳри ва атрофидаги кўчаларни ҳарбий патрул назорат қилмоқда.

Шанба ва якшанба кунлари шаҳар метроси буткул ишламаган.

Жамоат транспортининг аксар қисми қатнови тўхтатилган.

Брюселликларга одам гавжум бўладиган жойларга тўпланмаслик маслаҳати берилган.

Skip Энг кўп ўқилган and continue reading
Энг кўп ўқилган

End of Энг кўп ўқилган

Якшанба куни бозор ташкиллаштириладиган кўчалар бўм-бўш бўлган.

Ҳар хил кўнгилочар тадбирлар, футбол ўйинлари бекор қилинган.

Бундан олдин Салоҳ Абдусалом қидирилаётгани хабар қилинган.

Салоҳ Абдусалом 13 ноябр куни Париж ҳужумларида қатнашишда гумон қилинаётган шахс.

Бош вазир Шарл Мишел айтишича, ҳужумларни режалаштиришда гумон этилаётганлар бир-бири билан, хусусан Салоҳ Абдусалом билан боғлиқми ёки йўқлиги аниқ эмас.

Шу пайтгача Белгия расмийлари Париж ҳужумларига иштирок этиш айбловини уч кишига нисбатан илгари сурганлар.

Бу уч шахснинг "ИД" жангарилари экани айтилган.

Салоҳ Абдусалом дўстларининг ABC телеканали билан суҳбатда айтишларича, у билан Скайп орқали суҳбатлашганлар.

Муҳаммад Абдусалом иниси Салоҳни таслим бўлишга чақирган.

Сурат манбаси, AP

Сурат тагсўзи, Муҳаммад Абдусалом иниси Салоҳни таслим бўлишга чақирган.

У Брюсселда яширинаётганини ва Сурияга етиб олиш йўлини қидираётганини айтган.

Дўстларининг сўзларига кўра, у қопқонга тушиб қолганини айтган.

Дўстлари айтишича, бир томондан Белгия хавфсизлик кучлари уни қидиришмоқда, иккинчи томондан худкушлик белбоғини ишга солмагани учун "ИД" ундан норози.

RBTF телеканали билан суҳбатда унинг иниси Муҳаммад Абдусалом Салоҳни таслим бўлишга чақирган.

Мен уни қабристонда эмас, қамоқхонада кўришни истардим, деган иниси.

Би-би-си Ўзбек хизмати билан Whatsapp, Telegram ва Viber орқали боғланишни истасангиз, телефонимиз: +44 78-58-86-00-02.

ТЕЛЕГРАМДА ЭСА каналимиз -telegram.me/bbcuzbek ёки BBCUZBEK

Instagram - BBC UZBEK

Twitter - BBC UZBEK

Odnoklassniki - BBC UZBEK

Facebook- BBC UZBEK

Google+ BBC UZBEK

YouTube - BBCUZBEK (https://www.youtube.com/user/bbcuzbek)

Skype - bbcuzbekradio