Украина: Киев ва бошқа шаҳарлар «йирик кўламдаги» ракета ҳужумларига уйғонди Dunyo Rossiya Yangiliklar

Бир неча шаҳарлар чироқсиз қолди.

Сурат манбаси, EPA

Сурат тагсўзи, Бир неча шаҳарлар чироқсиз қолди.
Published

Россия душанба куни Украина пойтахти Киев ва бошқа шаҳарларга катта кўламдаги ракета ҳужумларини амалга ошириб электр ва сув таъминотидаги узилишларни келтириб чиқарди.

Путин таянган Россия ҳарбий устунлари лиқиллай бошладими?

"Қачон қурол олсак, ўшанда отамиз". Сафарбар қилинган россияликларнинг техникаси ва тайёргарлиги йўқми?

Путин ким учун чоҳ қазимоқда? Украина уруши, Россия иқтисодиёти ва бошқалар

Киевда камида икки портлаш эшитилди. Бир яшовчи Би-би-сига ўз мавзеси электр энергиясисиз қолганини айтди.

Шимоли-шарқий Харкив шаҳри расмийлари билдиришича, шаҳарликлар ҳаёти учун муҳим бўлган иншоотларга ҳужум қилинган.

Ушбу зарбалар Россиянинг Қримдаги Қора денгиз флотига қарши қилинган дрон ҳужумларида Москва Украинани айблаши ортидан содир бўлмоқда.

Душанба тонгида ракета зарбалари, шунингдек, марказий Винница вилояти, жануби-шарқдаги Днипроветровск ва Запорижя, ҳамда ғарбий Лвивда хабар қилинди.

Skip Энг кўп ўқилган and continue reading
Энг кўп ўқилган

End of Энг кўп ўқилган

Киевда кўплар яна метрода жон сақлаяпти.

Сурат манбаси, EPA

Сурат тагсўзи, Киевда кўплар яна метрода жон сақлаяпти.

Запорижя вилоятидаги Днипро гидроэлектрик станцияси ҳам нишонга олингани айтилади.

Киевда 350 минг хонадонни электр билан таъминловчи иншоотга зарар етказилган. Муҳандислар зудлик билан уни таъмирлашга сафарбар қилинди.

Талафотлар ҳақида ҳозирча хабарлар йўқ.

Ҳужумга учраган ҳудудлар яшовчилари кўпроқ зарбалар хавфидан огоҳлантирилиб, бошпаналарда жон сақлашга чақирилган.

Украина ҳаво кучлари воизи Юрий Ихнатнинг Украина телевидениесига айтишича, Россия бу «йирик кўламдаги» зарбаларни амалга ошириш учун ўзининг стратегик бомбардимончи қуролларини ишга солди.

Унга кўра, бир нечта ракеталар уриб туширилган.

Президент Володимир Зеленский маъмуриятининг раҳбари Андрий Ермакнинг айтишича, «Россиялик мағлублар тинч объектларга қарши уруш қилишда давом этишяпти».

«Жанг майдонида курашиш ўрнига Россия оддий халққа қарши жанг қиляпти», дейди Ташқи ишлар вазири Дмитро Кулеба.

Айни дамда АҚШнинг Украинадаги элчиси Бриджет Бринк қуйидаги твитни ёзди: «Миллионлаб украиналиклар қатори бизнинг Киевдаги элчихонамиз жамоаси ҳам яна бошпанага тушди, Россия Украинани бу қишда совуқ ва қоронғида қолдириш учун Украина халқига қарши шафқатсиз ва ваҳший ракета ҳужумларини давом эттиряпти».

BBCUZBEK.COM билан Telegram орқали +44 7858860002 номери билан боғланинг.

Telegram каналимиз: https://t.me/bbcuzbek