Видео. Алина Кабаевани яна жазолашди, АҚШ Путин ‘ғазаби тошиши’дан қўрқмадими? Rossiya Dunyo Yangiliklar
Сурат манбаси, AFP
Алина Кабаева бор-йўғи бир неча ойнинг ўзида учинчи бор санкциялар нишонига айланди. У Россия Президенти Владимир Путиннинг маъшуқаси, деб ишонилади. Қизиқ, Алина Кабаева деб, Путиннинг қаҳри келадими?
Айни мақолада Google YouTube томонидан тақдим қилинган контент мавжуд. Биз бу контент юкланмасидан аввал сизнинг розилигингизни сўраймиз, чунки улар куки ва бошқа технологиялардан фойдаланган бўлиши мумкин. Сиз Google YouTube ҳаволасида кукиларга доир ва шахсий маълумотларга оид қоидалар ҳақида аввал ўқиб, кейин қабул қилишга рози бўлишингиз мумкин. Кўриш учун “қабул қилиш ва давом этиш”ни танланг.
Охири YouTube пост
Алоқадор мавзулар:
Кабаева яна нишонда
Британия ва Европа Иттифоқи ортидан АҚШ ҳам барибир Кабаевани жазолашга қарор қилди.
Расмий Вашингтон ҳам Путин билан муносабати учун собиқ гимнастикачига санкциялар киритганини маълум қилди.
Алина Кабаева жорий пайтда "Национальная медиагруппа" директорлар кенгаши раҳбари бўлади.
У АҚШ Молия вазирлигининг санкциялар рўйхатига тушди.
Вазирликка кўра, "Национальная медиагруппа" ҳам кремлпараст медиаимпериядир.
Ўзининг қарорини эълон қиларкан, Америка томони Алина Кабаевани яна собиқ депутат сифатида ҳам кўришларини ҳам баён қилди.
Хабарларга кўра, АҚШ Молия вазирлиги Алина Кабаевадан ташқари яна россиялик олти миллиардер ва ўттиздан ортиқ юридик шахсни ҳам нишонга олган.
Биринчи жазо чораси эмас
Сурат манбаси, Getty Images
Шу йил май ва июнь ойларида Британия ва Европа Иттифоқи ҳам Алина Кабаевани жазолашга қарор қилган.
Ҳар икковлон ҳам бунга Кабаеванинг "Путин билан яқин шахсий алоқалари сабаб", дея кўрсатишган.
Худди шу туфайли у ҳам, "Украина суверенитетига путур етказувчи амаллар ва сиёсатни қўллашда жавобгар" эканлигини айтишган.
Кабаеванинг Путин билан муносабати узоқ вақтдан бери нафақат Россия, балки Ғарб матбуотида ҳам тақиқланган мавзулардан бири бўлиб келади.
Шу йил апрель ойида The Wall Street Journal АҚШ Алина Кабаевага қарши санкциялар тайёрлаб қўйгани, аммо Путинни "ғазабини тоширмаслик" учун сўнгги дақиқаларда уларни қўлламасликка қарор қилгани ҳақида ёзганди.
Сўнгги янгиликка расмий Кремль муносабати ҳозирча маълум эмас.
Украина уруши эса, ўзининг олтинчи ойига кириб бормоқда, Россия ҳалича ортга қайтадиган кўринмайди.
Расмий Кремль Украинада "охиригача бориш"ларини баён қилган.
Яқинда эса, Ғарб қуроллантиришда давом этаверса, Украинада биргина "Донбасс билан кифояланмасликлари" билан ҳам қўрқитган.
BBCUZBEK.COM билан Telegram орқали +44 7858860002 номери билан боғланинг.
Telegram каналимиз: https://t.me/bbcuzbek
