Ўзбекистон ва дунё: Жазирама иссиқда маза қилиб ухлаш учун фақат совутгич керакми? O'zbekiston Dunyo Yangiliklar

Ҳозир Тошкентда ҳам, Лондонда ҳам иссиқ. Кўпчиликнинг уйқуси бузилган. Шундай иссиқда маза қилиб қандай ухлаш мумкин? Маълум бўлишича, бунинг ҳеч бир пулга тушмайдиган бир эмас, камида 10 йўли бор.

Алоқадор мавзулар:

1. Кундузи ухламанг

Иссиқ ҳаво кун давомида бизни бироз ланж қилиши мумкин. Бунинг сабаби шундаки, биз ички ҳароратимизни мувозанатда ушлаш учун кўпроқ энергия сарфлаймиз.

Аммо кечаси уйқунгиз бузилган бўлса, кундузги ухламасликка ҳаракат қилинг. Иссиқ бўлганда, уйқу қиммат бўлиши мумкин - уни тун учун сақланг.

2. Кун тартибига риоя қилинг

Иссиқ об-ҳаво сизни одатларингизни ўзгартиришга мажбурлаши мумкин. Ундай қилманг. Бу уйқуни бузиши мумкин.

Ётиш вақти ва кундалик тартибингизга мунтазам риоя қилишга ҳаракат қилинг. Одатдаги ишни ётишдан олдин бажаринг.

3. Асосий нарсаларни эслаб қолинг

Кечаси ётоқхонангизни иложи борича салқин сақлаш учун чора кўринг.

Кундузи қуёш нури тушмаслиги учун парда тортинг. Иссиқ ҳаво кирмаслиги учун уйингизнинг қуёшли томонидаги деразаларни ёпганингизга ишонч ҳосил қилинг.

Бир оз ҳаво олиш учун ётишдан олдин барча ойналарни очинг.

4. Юпқа чойшаблардан фойдаланинг

Чойшаб миқдорини камайтиринг, лекин адёл бўлсин. Юпқа пахта чойшаблар терни ўзлаштиради.

Сизнинг ётоқхонангиз қанчалик иссиқ бўлмасин, кечаси тана ҳарорати пасаяди. Шунинг учун биз баъзида совуқдан уйғонамиз.

5. Пайпоқларингизни совутиб олинг

Иссиқ ҳавода, айниқса, нам ҳавода, ҳатто кичик вентилятордан фойдаланиш наф бериши мумкин.

Бу тернинг буғланишига ёрдам беради ва танангизнинг ички ҳароратини тартибга солишни осонлаштиради.

Агар сизда вентилятор бўлмаса, унинг ўрнига иситиш ёстиғини муздек суюқлик билан тўлдириб кўринг.

Шу билан бир қаторда, пайпоқларингизни музлатгичда совутиб олиб, кейин кийинг. Оёқларни совутиш терининг ва тананинг умумий ҳароратини пасайтиради.

6. Сувсизланиш сақланинг

Кун давомида етарли миқдорда сув ичинг, лекин ётишдан олдин кўп ичманг.

Эҳтимол, сиз чанқаган ҳолда уйғонишни хоҳламайсиз, лекин сахарлаб ҳожатхонага югуришни ҳам хоҳламайсиз.

7. Лекин нима ичишингиз ҳақида ўйлаб кўринг

Ичимликларга ҳам диққатли бўлинг. Ичимликларнинг кўпчилиги марказий асаб тизимини рағбатлантирадиган ва бизни ҳушёрроқ ҳис қилдирадиган кофеинга бой.

Шунингдек, спиртли ичимликларни кўп ичишдан сақланинг. Кўп одамлар иссиқ ҳавода кўпроқ ичади.

Спиртли ичимликлар ухлаб қолишимизга ёрдам беради, лекин у эрталаб эрта уйғониш ва умуман уйқу сифатини ёмонлаштириши мумкин.

Юқори ҳарорат танага қандай таъсир қилади?

8. Хотиржамликни сақланг

Агар сиз ухлаб қолишда қийналаётган бўлсангиз, ўрнингдан туринг ва тинчлантирувчи бирор нарса қилинг. Ўқишга, ёзишга ёки ҳатто пайпоқларингизни йиғишга ҳаракат қилинг.

Телефонингизда ёки видео ўйинлар ўйнамасликка ҳаракат қилинг - кўк чироқ уйқумизни камайтиради ва фаол бўлиш рағбатлантиради.

Уйқу келганда дарҳол ётоққа қайтинг.

9. Болалар ҳақида ўйланг

Болалар одатда жуда яхши ухлайди, лекин улар оиладаги "кайфият" ва кундалик тартибдаги ўзгаришларга жуда сезгир бўлиши мумкин.

Иссиқлик сабабли мунтазам ухлаш ва чўмилиш вақти бузилмаслигига ҳушёр бўлинг.

Буюк Британиянинг Миллий Соғлиқ хизмати веб-сайти уйқу вақтининг бир қисми сифатида илиқ ванна олишни тавсия қилади. Улар жуда совуқ бўлмаслиги керак, чунки бу қон айланишини яхшилайди (танангизнинг иссиқликни сақлаш усули).

Фарзандингиз жуда иссиб кетаётгани ёки жуда совуқ эканлигини сизга айта олмайди, шунинг учун унинг ҳароратини кузатиб бориш муҳимдир. Хона ҳарорати 16 ° С дан 20 ° С гача бўлганида улар энг яхши ухлашади.

Термометрни чақалоқ ухлаётган жойга қўйишингиз мумкин.

BBCUZBEK.COM билан Telegram орқали +44 7858860002 номери билан боғланинг.

Telegram каналимиз: https://t.me/bbcuzbek