کھلاڑیوں کے جشن منانے کے منفرد انداز: یوسین بولٹ سے مو فرح تک
،تصویر کا ذریعہGetty Images
معروف ایتھلیٹ اور دنیا کے تیز ترین شخص یوسین بولٹ اپنے جشن کے مخصوص انداز کے لوگو کے جملہ حقوق محفوظ کرنے کی کوشش کر رہے ہیں۔
تاہم وہ واحد سٹار نہیں ہیں جن کا انداز یادگار ہو۔ اس تحریر میں ہم نے یہ جاننے کی کوشش کی ہے کہ یوسین بولٹ ایسا کیوں کر رہے ہیں اور وہ کون سے دوسرے سٹار ہیں جن کے جشن کے منفرد انداز ہیں۔
یوسین بولٹ
اس تحریر میں ایسا مواد ہے جو X کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے X ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔
X پوسٹ کا اختتام
امریکہ کے پیٹنٹ اور ٹریڈ مارک آفس کے مطابق یوسین بولٹ نے 17 اگست کو جشن کے اپنے مخصوص انداز کے جملہ حقوق کو محفوظ کرانے کے لیے درخواست دائر کی ہے۔
واشنگٹن میں مقیم ٹریڈ مارک وکیل جوش گیربن کے مطابق یوسین بولٹ کے مخصوص انداز میں ’ایک بازو مڑا ہوا اور سر کی طرف اشارہ کرتا ہے، جبکہ دوسرا بازو اوپر کی طرف اشارہ کرتا ہے۔‘
میگن ریپینو
،تصویر کا ذریعہGetty Images
میگن ریپینو جشن منانے کے اپنے مخصوص انداز کی وجہ سے جانی جاتی ہیں۔ امریکہ کی فٹ بال ورلڈ اور اولمپک چیمپئن میگن ریپینو اپنے بازو دونوں جانب اتنا پھیلا لیتی ہیں جتنا وہ پھیل سکتے ہیں اور پھر ان کے چہرے پر باوقار مسکراہٹ نظر آتی ہیں۔
2019 میں فیفا ویمن پلیئیر کا اعزار جیتنے والی میگن کا انداز ان کے مداحوں کو بہت پسند ہے۔ ان کے انداز کی نقل کرنا بھی آسان ہے۔
مو فرح
،تصویر کا ذریعہGetty Images
برطانوی ایتھلیٹ سر مو فرح نے اولمپکس، ورلڈ اور یورپی مقابلوں میں لمبے فاصلے کی دوڑیں جیتی ہیں۔ انھیں برطانیہ کا عظیم ترین اتھلیٹ بھی کہا جاتا ہے۔
End of سب سے زیادہ پڑھی جانے والی
سر مو فرح اپنے مخصوص انداز ’موبوٹ‘ کی وجہ سے پہچانے جاتے ہیں۔
وہ اپنی جیت کے موقع پر اپنے ہاتھوں کی انگلیوں کو کچھ اس انداز سے سر پر رکھتے ہیں کہ ان کے بازو ایم یعنی مو کی شکل بن جاتے ہیں۔
یہ بھی پڑھیے
کرسٹیانو رونالڈو
،تصویر کا ذریعہGetty Images
پرتگال اور مانچسٹر یونائٹیڈ کلب کے مشہور کھلاڑی کرسٹیانو رونالڈو نے جشن منانے کا ایک پیچیدہ انداز اپنا رکھا ہے۔ وہ گول کر کے دوڑتے ہوئے ہوا میں جمپ لگا کر ہوا میں گھوم جاتے ہیں اور اپنے بازو کچھ اس انداز میں نیچے لاتے ہوئے بلند آواز میں لفظ ’سی‘ کہتے ہیں۔ پرتگالی لفظ ’سی‘ کا مطلب ہے ہاں۔
سان ہیونگ من
،تصویر کا ذریعہGetty Images
اور آخر میں جنوبی کوریا اور ٹوٹنہم فٹ بال کلب کے فٹبالر سان ہیونگ من کا گول کی خوشی منانے کا انداز بھی بہت منفرد ہے۔
وہ گول کر کے کچھ اس انداز میں اپنی انگلیوں کو جوڑتے ہیں کہ جیسے وہ تصویر بنا رہے ہیں۔
یوسین بولٹ پہلے ایسے کھلاڑی نہیں ہیں جن کا جشن منانے کا ایک مخصوص انداز ہے لیکن اس حقیقت سے انکار نہیں کیا جا سکتا ہے ان کا انداز دنیا میں سب زیادہ پہچانا جاتا ہے اور اگر ان کے حقوق کو مان لیا گیا تو اس کی شناخت میں مزید اضافہ ہو سکتا ہے۔
