دیوالی 2020: عالمی وبا اور معاشی بحران کے درمیان انڈیا سمیت دنیا بھر میں دیوالی کے لیے چراغاں

،تصویر کا ذریعہNURPHOTO

،تصویر کا کیپشنانڈیا سمیت دنیا کے مختلف حصوں میں جہاں ہندو مذہب کے ماننے والے ہیں وہ روشنیوں کا تہوار دیوالی خوب دھوم دھام سے منا رہے ہیں۔

،تصویر کا ذریعہUP TOURISM

،تصویر کا کیپشنکیا دہلی، کیا ایودھیا، کیا لندن اور کیا کینیڈا سب ایک رنگ میں ڈوبا نظر آ رہا ہے۔ یہ تہوار ہندوؤں کے بھگوان رام کی 14 سال کی جلاوطنی کے بعد اپنے وطن ایودھیا واپس آنے کی خوشی میں منایا جاتا ہے۔

،تصویر کا ذریعہUP TOURISM

،تصویر کا کیپشنایودھیا شہزادے رام کا پایہ تخت تھا اور ان کی آمد پر وہاں زبردست چراغاں کیا گیا تھا کیونکہ یہ اماوس کی رات تھی۔ ایودھیا میں اس بار ریکارڈ تعداد میں دیپ جلائے گئے ہیں۔ ایک رپورٹ کے مطابق وہاں جمعے کی شام ساڑھے پانچ لاکھ سے زیادہ دیے ایک ساتھ روشن کیے گئے۔

،تصویر کا ذریعہEPA

،تصویر کا کیپشنجمعہ کی چھوٹی دیوالی کے موقع پر انڈیا سمیت دنیا کے مختلف حصوں سے چراغاں اور سجاوٹ کی خوبصورت تصاویر سامنے آئیں۔ یہ تصویر بھوپال کی ہے۔ انڈیا کے مختلف شہروں میں کورونا کی وجہ سے پٹاخے اور آتش بازیوں پر پابندی ہے کیونکہ یہ فضائی آلودگی کا سبب بنتی ہیں۔

،تصویر کا ذریعہNOAH SEELAM

،تصویر کا کیپشناس بار دیوالی عالمی وبا کی وجہ سے پہلے سے بالکل مختلف ہے۔ لوگوں کو ماسک پہننے اور جسمانی دوری کا خیال رکھنے کی ہدایت کی جارہی ہے۔ یہ تصویر حیدرآباد کی ہے۔

،تصویر کا ذریعہARUN SANKAR

،تصویر کا کیپشنکورونا وبا کے خطرات کے باوجود بازاروں میں لوگوں کا ہجوم ہے اور ایسی صورتحال میں جسمانی دوری کے قواعد کی خلاف ورزیاں سامنے آ رہی ہیں۔

،تصویر کا ذریعہEPA

،تصویر کا کیپشنکورونا کی وجہ سے دنیا بھر میں معاشی سست روی دیکھی جا رہی ہے اور انڈیا میں معاشی ترقی کی رفتار منفی میں رہی ہے۔ لاک ڈاؤن کی وجہ سے کاروبار بہت دنوں تک بند رہے۔ ایسے میں فلم پیغام میں جانی واکر کا گیت کسی کو یاد آ جائے تو بے محل نہیں ہو گا۔ شاید یہ گیت آپ نے سنا ہو گا۔ فلم میں جب کوئی جانی واکر کو دیوالی کی مبارکباد دیتا ہے تو گیت گا کر اس کا جواب دیتے ہیں کہ 'ہم کیا دیوالی منائیں ہو لالہ، اپنا تو بارھو مہینہ دیوالہ۔‘

،تصویر کا ذریعہNoorphoto

،تصویر کا کیپشنپڑوسی ملک نیپال کے بعض علاقے بھی دیوالی کی روشنی میں نہائے نظر آئے۔ یہ تصویر کھٹمنڈو کی ہے۔ حال ہی میں نیپال کے وزیراعظم کے پی اولی کے بیان پر تنازع چھڑ گیا تھا جب انھوں نے کہا تھا کہ رام نیپال کے تھے۔

،تصویر کا ذریعہJUSTINE TRUDEAU/FACEBOOK

،تصویر کا کیپشندیوالی کی تیاریاں اور جشن صرف انڈیا تک محدود نہیں ہیں۔ کینیڈا کے وزیر اعظم جسٹن ٹروڈو نے بھی اپنی تصویر شیئر کرتے ہوئے دیوالی کی مبارکباد دی ہے۔