پاکستان حملہ کرے گا تو کیا ریاستیں اپنے اپنے ہتھیار خریدیں گی، پھر ویکسین کیوں خریدیں: کیجریوال

لائیو کوریج

1. 25 مئ 2021پاکستان کے دارالحکومت میں کورونا وائرس پھیلنے کی شرح 2.7 فیصد ہو گئی

   

   ،تصویر کا ذریعہGetty Images

   پاکستان کے دارالحکومت اسلام آباد میں کورونا وائرس کے 111 متاثرین سامنے آئے ہیں۔ اسلام آباد کے ڈسٹرکٹ ہیلتھ آفیسر ڈاکٹر ضعیم ضیا کے مطابق کل 4114 ٹیسٹ کیے گئے تھے یوں کورونا وائرس کی دارالحکومت میں پھیلاؤ کی شرح 2.7 فیصد بنتی ہے۔

   ان کے مطابق کئی ماہ بعد تیسری لہر کے دوران یہ پھیلاؤ کی کم ترین شرح بنتی ہے۔

   X پوسٹ نظرانداز کریں

   X کا مواد دکھانے کی اجازت دی جائے؟?

   اس تحریر میں ایسا مواد ہے جو X کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے X ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔

   Accept and continue

   تنبیہ: بی بی سی دیگر ویب سائٹس کے مواد کی ذمہ دار نہیں ہے۔

   X پوسٹ کا اختتام

2. 25 مئ 2021انڈین کمپنی ٹاٹا نے کورونا سے مرنے والے ملازمین کے لواحقین کو باقاعدگی سے تنخواہ دینے کا اعلان

   

   ،تصویر کا ذریعہGetty Images

   انڈیا کی معروف کمپنی ٹاٹا نے اپنے ایسے ملازمین جن کی موت کورونا وائرس سے ہوئی کہ لواحقین کو باقاعدگی سے تنخواہ دینے کا اعلان کیا ہے۔

   ٹاٹا کمپنی کے مطابق وہ اپنے ایسے ملازمین کے اہل خانہ کو گھر اور میڈیکل کی سہولیات بھی فراہم کرے گی۔ ملازمین کی ریٹائرمنٹ کی عمر تک ان پر انحصار کرنے والے لواحقین کو نہ صرف باقاعدگی سے تنخواہ ملے گی بلکہ کمپنی ان کے بچوں کو گریجوایشن تک مفت تعلیم بھی فراہم کرے گی۔

   ٹاٹا کمپنی کے اس اعلان کو سوشل میڈیا پر خوب پذیرائی مل رہی ہے۔

   اس سے قبل اویو کمپنی نے اپنے ملازمین کے لیے مدد فراہم کا اعلان کیا تھا۔ اس کمپنی نے کورونا وائرس سے مرنے والے ملازمین کے گھر والوں کو آٹھ ماہ کی تنخواہ دینے اور ان کے بچوں کو پانچویں تک مفت تعلیم دینے کا اعلان کیا تھا۔

   اس کے علاوہ گلاس بنانے والی کمپنی بوروسل نے کہا تھا کہ وہ کورونا سے مرنے والے اپنے ملازمین کے ورثا کو باقاعدگی سے تنخواہ ادا کرتی رہے گی۔

3. 25 مئ 2021انڈیا میں 14 اپریل کے بعد یومیہ کورونا کے دو لاکھ سے کم متاثرین

   

   ،تصویر کا ذریعہGetty Images

   انڈیا میں 14 اپریل کے بعد کورونا وائرس کے متاثرین کی تعداد میں واضح کمی دیکھنے میں آئی ہے۔ گذشتہ 24 گھنٹوں میں انڈیا میں سرکاری اعدادوشمار کے مطابق 1,96,427 افراد میں اس وائرس کی تصدیق ہوئی ہے۔

   یہ 14 اپریل کے بعد پہلی بار انڈیا میں دو لاکھ سے کم متاثرین سامنے آئے ہیں۔ گذشتہ 24 گھنٹوں میں انڈیا میں کورونا وائرس سے مرنے والوں کی تعداد 3511 بنتی ہے۔

   امریکہ کے بعد انڈیا کورونا وائرس سے سب سے زیادہ متاثر ہونے والا ملک ہے، جہاں دو کروڑ سے زائد افراد اس وائرس سے متاثر ہوئے ہیں۔

4. 25 مئ 2021پاکستان میں گذشتہ 24 گھنٹوں میں 92 اموات، 22 سو سے زائد نئے متاثرین

   

   ،تصویر کا ذریعہGetty Images

   پاکستان میں ایک دن میں کورونا وائرس سے 92 افراد ہلاک ہو گئے ہیں جبکہ گذشتہ 24 گھنٹوں میں مزید 2253 افراد اس وائرس سے متاثر ہوئے ہیں۔

   سب سے زیادہ اموات پنجاب میں ہوئی ہیں جہاں اس وائرس سے ایک دن میں 55 افراد ہلاک ہوئے ہیں۔ مرنے والوں میں سے 44 مریض ہسپتال میں داخل تھے۔

   خیبر پختونخوا میں گذشتہ 24 گھنٹوں میں اس وائرس سے مرنے والوں کی تعداد 20 بنتی ہے اور ان میں سے 19 افراد ہسپتالوں میں زیر علاج تھے۔

   سندھ میں 16 افراد اس وائرس سے ہلاک ہوئے ہیں۔

5. 25 مئ 2021انڈین جوڑے کی ’طیارے میں شادی کی تقریب‘

   

   انڈیا میں مقامی ذرائع ابلاغ کی خبروں کے مطابق ایک جوڑے نے کووڈ 19 کا پھیلاؤ روکنے کے لیے اجتماعات پر سختی کے باوجود 160 سے زیادہ مہمانوں کی موجودگی میں ایک طیارے میں شادی کی تقریب کی ہے۔

   سوشل میڈیا پر اس واقعے کی ایک ویڈیو گردش کر رہی ہے جس میں دیکھا جاسکتا ہے کہ کرایے پر لیا گیا ایک طیارہ بھرا ہوا ہے اور اس میں شادی کی تقریب جاری ہے۔

   اطلاعات کے مطابق اس طیارے نے تامل ناڈو نے اڑان بھری۔ یہاں شادی کی تقریب میں صرف 50 مہمان بلانے کی اجازت ہے جبکہ 31 مئی تک سختیوں میں توسیع کی گئی تھی۔

   انڈیا میں ایوی ایشن کے ادارے نے اس واقعے کی تحقیقات کا آغاز کر دیا ہے۔

6. 25 مئ 2021امریکہ کی مسافروں کو جاپان نہ جانے کی تجویز

   

   ،تصویر کا ذریعہReuters

   امریکہ نے جاپان میں کووڈ 19 کی نئی لہر کے پیش نظر ایک نئی سفری تنبیہ جاری کی ہے۔ ٹوکیو اولمپکس سے محض چند ہفتے قبل کورونا کا پھیلاؤ روکنے کے لیے ملک میں نئی سختیاں نافذ کی گئی ہیں۔

   تاہم امریکہ میں اولمپکس حکام پُراعتماد ہیں کہ ایتھلیٹس کھیلوں میں محفوظ انداز میں حصہ لے سکیں گے۔

   جاپان نے پہلے ہی اکثر ممالک سے آنے والے مسافروں پر سفری پابندیاں عائد کر رکھی ہیں۔

   جاپان کے شہروں ٹوکیو اور اوساکا میں کووڈ کے نئے مریضوں کی وجہ سے صحت کے نظام پر دباؤ بڑھ گیا ہے۔

   ملک میں اب تک سات لاکھ سے زیادہ متاثرین کی تصدیق ہوئی ہے جبکہ وائرس سے 12 ہزار سے زیادہ اموات ہوئی ہیں۔

7. 25 مئ 2021بی بی سی اردو کے کووڈ 19 کی خبروں سے متعلق لائیو پیج میں خوش آمدید!

   

   ،تصویر کا ذریعہEPA

   بی بی سی اردو کے کووڈ 19 کی خبروں سے متعلق خصوصی لائیو پیج میں خوش آمدید!بی بی سی اردو کے کووڈ 19 کی خبروں سے متعلق خصوصی لائیو پیج میں خوش آمدید۔ اس پیج پر آپ پاکستان سمیت دنیا بھر سے کورونا وائرس سے متعلق خبریں دیکھ سکیں گے۔

   اس حوالے سے اس سے قبل سامنے آنے والی خبروں کے لیے یہاں کلک کریں۔