پاکستان میں کورونا وائرس سے مزید 104 مریض ہلاک

لائیو کوریج

1. 10 مئ 2021انڈیا میں کورونا کی دوسری لہر: ’دوا مل جاتی تو شاید وہ بچ جاتی‘

   انتباہ: اس ویڈیو کے مناظر آپ کے لیے تکلیف دہ ہو سکتے ہیں!

   طبی وسائل کی عدم موجودگی اور کووڈ کی بروقت تشخیص نہ ہونے کے باعث پنکج موریا نے اپنی 35 سالہ بیوی ریکھا کو کھو دیا۔

   انڈیا میں کورونا وائرس کی دوسری لہر نے ہسپتالوں کو ایک ایسے بحران سے دوچار کیا ہے جس کے لیے وہ تیار ہی نہیں تھے۔

   بڑے شہروں کے علاوہ انڈیا کے دیہاتی علاقوں میں بھی حالات مزید بگڑتے جارہے ہیں اور ملک میں ہلاکتوں کی اصل تعداد شاید کبھی سامنے نہ آسکے۔

   بی بی سی کو کئی ہسپتالوں میں خفیہ فلمنگ کے ذریعے کیا پتا چلا؟ یوگیتا لیمائے کی رپورٹ۔

2. 10 مئ 2021بریکنگ, پاکستان میں کووڈ 19 کے مزید 3447 متاثرین، 78 ہلاکتیں

   پاکستان میں گذشتہ 24 گھنٹوں کے دوران مزید 3447 افراد میں کوووڈ کی وبا کی تصدیق ہوئی ہے۔

   نیشنل کمانڈ اینڈ کنٹرول سنٹر کے مطابق ایک دن میں مزید 78 افراد کووڈ 19 وائرس کے باعث جان کی بازی ہار گئے۔ ملک بھر میں 37756 کیے گئے ٹیسٹوں میں وبا کے مثبت آنے کی شرح 9.12 فیصد رہی۔

3. 10 مئ 2021کووڈ 19: انڈیا میں تین لاکھ 66 ہزار سے زیادہ نئے یومیہ متاثرین، 3700 سے زائد اموات

   انڈیا میں کورونا وائرس کی دوسری لہر کے باعث گذشتہ 24 گھنٹوں کے دوران 366310 افراد میں کووڈ 19 کی تشخیص ہوئی ہے۔ انڈیا میں گذشتہ روز 3745 افراد اس وائرس کے باعث ہلاک ہوئے۔

4. 10 مئ 2021بی بی سی اردو کے نئے لائیو پیج میں خوش آمدید!

   کورونا وائرس کی کوریج کے لیے بی بی سی اردو کے نئے لائیو پیج میں خوش آمدید۔

   انڈیا میں یومیہ ہلاکتوں اور نئے متاثرین کی تعداد قدرے کمی نظر آئی ہے اور یہ امید ہو چلی ہے کہ شاید لہر کا عروج آ چکا ہے تاہم چند ماہرین ابھی بھی سمجھتے ہیں کہ خطرہ ابھی نہیں ٹلا۔

   اسی طرح انڈیا، پاکستان اور دنیا بھر سے کورونا وائرس کی تازہ ترین خبروں کے لیے اس پیج کو بک مارک کر لیں جہاں ہم اپنے قارئین کے لیے مزید خبریں پیش کرتے رہیں گے۔

   گذشتہ چند روز کی خبروں کے بارے میں جاننے کے لیے آپ ہمارے پچھلے لائیو پیج کو یہاں پڑھ سکتے ہیں۔