کنزرویٹو پارٹی کو اکثریت کی امید نہیں
بی بی سی کی پولیٹیکل ایڈیٹر لارا کونزبرگ کے مطابق حکمران جماعت کے وزرا کا کہنا ہے کہ انہیں اب یہ امید نہیں ہے کہ نتائج ایگزٹ پول میں کی گئی پیشن گوئی سے مختلف ہو سکتے ہیں۔
آپ اس وقت اس ویب سائٹ کا ٹیکسٹ پر مبنی ورژن دیکھ رہے ہیں جو کم ڈیٹا استعمال کرتا ہے۔ مرکزی ویب سائٹ جہاں تمام تصاویر اور ویڈیوز موجود ہیں دیکھیے
برطانوی انتخابات: کب کیا ہوا
برطانیہ میں جمعرات کو ہونے والے عام انتخابات کے بعد 650 میں سے 640 سے زیادہ نشستوں کے نتائج آ چکے ہیں اور کوئی بھی جماعت حکومت سازی کے لیے درکار سادہ اکثریت حاصل کرنے میں کامیاب نہیں ہو سکی ہے۔
لائیو کوریج
میں واپس آؤں گا: نائجل فراج
نائجل فراج کا کہنا ہے کہ اگر جیریمی کوربن نئی حکومت کے سربراہ بنے تو انہیں سیاست میں فعال ہونا پڑے گا۔
یو کِپ پارٹی کے سابق سربراہ کا کہنا ہے کہ لیبر پارٹی کے سربراہ اگر اقتدار میں آئے تو بریگزٹ ’مشکل‘ میں پڑ سکتا ہے۔
ان کا کہنا تھا کہ بطور کنزرویٹو پارٹی کی سربراہ ٹریزا مے کی ساکھ کو ’شدید نقصان‘ پہنچا ہے۔
یاد رہے کہ نائجل فراج نے بریگزٹ کے حق میں مہم چلائی تھی۔
�
میڈیا کے خیمے
لیبر پارٹی کی 79، کنزرویٹو پارٹی کی 62 نشستوں پر کامیابی
لیبر پارٹی کے نائب سربراہ جیت گئے
لیبر پارٹی کے نائب سربراہ ٹام واٹسن نے ویسٹ برومِچ ایسٹ سے اپنی سیٹ جیت لی ہے۔ اس سے پہلے مہم کے دوران ان کی اس سیٹ پر ہارنے کے بارے میں خدشات ظاہر کیے جا رہے تھے۔
F4Fr7q6�
ایگزٹ پول کے بعد سوشل میڈیا پر بحث
ایگزٹ پول کے سامنے آنے کے بعد نا صرف ماہرین میں بحث جاری ہے بلکہ سوشل میڈیا پر بھی ردعمل سامنے آ رہا ہے۔ ایگزٹ پول کی اس پیشن گوئی کے بعد کہ کنزویٹو پارٹی اکثریت حاصل نہیں کر سکے گی، ہیش ٹیگ ’ہنگ پارلیمنٹ‘ یعنی معلق پارلیمان سب سے زیادہ ٹرینڈ ہونے والا ہیش ٹیگ بن گیا ہے۔ ایک لیبر امیدوار نے اس صورتحال کا خلاصہ کچھ یوں پیش کیا:
برطانیہ میں عام انتخابات: پکی پکائی دیگیں نہ دفاتر میں چھٹی
ٹوٹنگ کی سیٹ کی فکر ختم ہوئی، ’ٹریزا مے کو ایک پیغام‘
بی بی کی پولیٹیکل ایڈیٹر لارا کونزبرگ کے مطابق لیبر پارٹی فکر مند تھی کہ شاید وہ ٹوٹنگ کی سیٹ ہار جائیں گے۔
لیکن لیبر پارٹی کی ڈاکٹر زوزینہ ایلن خان نے ٹوٹنگ کی سیٹ جیت لی ہے۔
اپنی جیت کے بعد تقریر کرتے ہوئے ان کا کہنا تھا کہ ’ٹوٹنگ نے ٹریزا مے کو ایک پیغآم بھیجا ہے‘۔
وہ صادق خان کے میئر بننے کے بعد ان کی جگہ ممبر پارلیمان منتخب ہوئی تھیں۔
ڈاکٹر زوزینہ ایلن خان کامیاب
لندن میں ٹوٹنگ کے حلقے سے لیبر پارٹی کی امیدوار ڈاکٹر زوزینہ ایلن خان جیت گئی ہیں۔ وہ صادق خان کے میئر بننے کے بعد ان کی جگہ ممبر پارلیمان منتخب ہوئی تھیں۔ ان کے والد کا تعلق پاکستان سے ہے جبکہ ان کی والدہ پولش ہیں۔
نیند سے جنگ
عوام نتائج دیکھ رہے ہیں، بے چینی اور تھکاوٹ کا شکار اور نیند سے جنگ لڑ رہے ہیں۔
عوام سونا ہی نہیں چاہتے
ٹوئٹر پر ایک صارف کیٹ سٹوو لکھتی ہیں کہ ’ایسا محسوس ہو رہا ہے کہ جاگتے رہنا مجبوری ہے۔ گذشتہ چند مرتبہ میں انتخاب کی رات سو گئی تھی اور صبح جاگی تو بریگزٹ ہو چکا اور ٹرمپ آچکے تھے۔‘
عوام میں بے چینی
برطانوی انتخابات میں نتائج ابھی آنا شروع ہوئے ہیں اور اگر سوشل میڈیا پر جائیں تو اندازہ ہوتا ہے کہ لوگ بے چینی میں سونا نہیں چاہتے۔ بی بی سی اردو کی عالیہ نازکی نے ٹویٹ کیا ہے کہ ’مجھے کل کام پر جانا ہے۔ لیکن سونے میں رسک ہے‘۔
کنزرویٹو نے سوِنڈن نارتھ سے پہلی سیٹ جیت لی
عام انتخاب کے نتائج میں اب تک لیبر نے 5 جبکہ کنزرویٹو نے 1 سیٹ جیتی ہے
18 سالہ امیدوار کا صبح اے لیول کا امتحان
ایش فیلڈ سے گرین پارٹی کے امیدوار 18 سالہ اران رنگی ووٹوں کی گنتی پوری ہونے سے پہلے ہی گھر چلے گئے ہیں کیوں کہ صبح ان کا اے لیول کا امتحان ہے۔
تیسرا نتیجہ بھی لیبر پارٹی کے حق میں
سندرلینڈ سینٹرل سے لیبر پارٹی کی خاتون ممبر جولی ایلیئٹ کامیاب ہوئی ہیں
پاکستان میں ٹوئٹر پر ٹرینڈ
پاکستان میں بھی برطانوی انتخابات کے دوران ٹوئٹر پر VoteLabour# اور UKElection2017 # ٹرینڈ کرتے رہے۔
’معلق پارلیمان کی صورت میں ٹریزا مے اگلے انتخابات میں حصہ نہیں لے سکیں گی‘
بی بی سی کی پولیٹیکل ایڈیٹر لارا کونزبرک کے مطابق ایگزٹ پول کو دیکھا جائے تو ٹریزا مے کے لیے یہ نتیجہ اچھا ثابت نہیں ہوگا۔
کنزرویٹو پارٹی کے ایک سینیئر رکن نے انہیں بتایا کہ ٹریزا مے نے مہم کے دوران غلطیاں کیں اور ’ان کو اگلے عام انتخابات میں حصہ نہیں لینے دیا جائے گا‘۔ اگر کنزرویٹو پارٹی کو 30 یا اس سے کم سیٹوں کی برتری ملتی ہے تو اس سے ان کو بہت نقصان ہو گا۔
برطانوی انتخابات میں سٹے بازوں کا فیورٹ کون؟
پاؤنڈ کی قدر میں تیزی سے کمی, ایگزٹ پول کے بعد پاؤنڈ کی قدر میں کمی
برطانوی انتخابات میں ووٹنگ کے بعد جاری کیے جانے والے ایگزٹ پول کے بعد پاؤنڈ کی ڈالر کے مقابلے میں قدر تیزی سے کم ہوئی ہے
تصاویر: برطانوی انتخابات میں ووٹنگ کے بعد گنتی جاری