شان مسعود کا ٹی ٹوئنٹی ڈیبیو: ’اس سے زیادہ خوشی کی بات نہیں ہو سکتی جب آپ اپنے ملک کی تینوں فارمیٹس میں نمائندگی کریں‘
اس تحریر میں ایسا مواد ہے جو X کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے X ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔
X پوسٹ کا اختتام
پاکستانی بلے باز شان مسعود آج اپنے ٹی ٹوئنٹی انٹرنیشنل کریئر کا آغاز کر رہے ہیں۔ وہ ٹی ٹوئنٹی انٹرنیشنل میں پاکستان کی نمائندگی کرنے والے 97 ویں کرکٹر ہیں۔
نیشنل سٹیڈیم کراچی سے ہمارے نامہ نگار عبدالرشید شکور کے مطابق شان مسعود اس سال تمام ٹی ٹوئنٹی میچوں میں اب تک مجموعی طور پر 1248 رنز بنا چکے ہیں، جن میں 11 نصف سنچریاں شامل ہیں۔
وہ اس سال سب سے زیادہ رنز بنانے والے بیٹسمینوں میں دوسرے نمبر پر ہیں۔ الیکس ہیلز 1271 رنز کے ساتھ اس وقت سرفہرست ہیں۔
پی سی بی کی جانب سے جاری ویڈیو میں شان مسعود کہتے ہیں کہ ’اس سے زیادہ خوشی کی بات نہیں ہو سکتی ہے جب آپ اپنے ملک کی تینوں فارمیٹس میں نمائندگی کریں۔‘
انھوں نے کہا کہ ’جو کھلاڑی ریڈ بال کھیل کر وائٹ بال کھیلتے ہیں ان کے لیے اس کرکٹ میں زیادہ آزادی سے کھیلنے کا موقع ہوتا ہے۔‘
