آپ اس وقت اس ویب سائٹ کا ٹیکسٹ پر مبنی ورژن دیکھ رہے ہیں جو کم ڈیٹا استعمال کرتا ہے۔ مرکزی ویب سائٹ جہاں تمام تصاویر اور ویڈیوز موجود ہیں دیکھیے
ایشیا کپ کے دوسرے ٹی ٹوئنٹی میچ میں ہارڈک پانڈیا کی آل راؤنڈ کارکردگی کے باعث انڈیا نے پاکستان کو میچ کے آخری اوور میں پانچ وکٹوں سے شکست دے دی ہے۔ پاکستان کو سلو اوور ریٹ کے باعث ایک فلیڈر دائرے میں رکھنے کی سزا دی گئی، جس کا پاکستان کو بھاری نقصان اٹھانا پڑا۔
محمد صہیب
پاور پلے کے اختتام پر انڈیا نے ایک وکٹ کے نقصان پر 38 رنز بنا لیے ہیں تاہم پاکستانی فاسٹ بولرز نے عمدہ بولنگ کا مظاہرہ کیا ہے۔
اس وقت روہت شرما اور وراٹ کوہلی کریز پر موجود ہیں اور دونوں ہی اچھی بیٹنگ کا مظاہرہ کر رہے ہیں۔
حارث رؤف نے بھی دونوں اوپننگ بولرز کی طرح اچھی بولنگ کا مظاہرہ کیا، تاہم جب انھوں نے وراٹ کوہلی کو ایک شارٹ بال کروائی، تو انھیں ٹاپ ایج پر چھکا لگا۔
تاہم اوور میں پھر بھی صرف آٹھ رنز بنے۔
ڈیبیو کرنے والے نسیم شاہ جنھوں نے پہلے اوور میں راہل کی وکٹ لی تھی، اور صرف تین رنز دیے تھے، دوسرے اوور میں بھی انھوں نے صرف پانچ رنز دیے ہیں اور انڈین بلے باز انھیں انتہائی محتاط انداز میں کھیل رہے ہیں۔
پاکستانی فاسٹ بولرز نے چھوٹے ہدف کے دفاع میں اچھا آغاز کرتے ہوئے انڈین بلے بازوں کو دباؤ میں رکھا ہوا ہے۔ دوسرے اوور میں شاہنواز دھانی نے بھی صرف سات رنز دیے جس میں وراٹ کوہلی کا ایک چوکا شامل تھا۔
وراٹ کوہلی جو ایک ماہ بعد کرکٹ میں واپسی کر رہے ہیں، اپنی دوسری گیند پر دوسری سلپ کو کیچ دے بیٹھے، تاہم فخر زمان وہاں ان کا کیچ پکڑنے سے قاصر رہے۔
نسیم شاہ جو آج اپنا ٹی ٹوئنٹی ڈیبیو کر رہے ہیں نے اپنے پہلے ہی اوور میں لوکیش راہل کو بولڈ کر دیا ہے۔
پاکستان نے انڈیا کو جیت کے لیے 148 رنز کا ہدف دیا ہے۔ پاکستان مقررہ 20 اووڑز بھی پورے نہیں کھیل سکا، اور ایک گیند پہلے ہی آل آؤٹ ہو گیا۔
پاکستان کی جانب سے محمد رضوان 43 اور افتخار 28 رنز کے ساتھ نمایاں رہے۔
آخری چند اوورز میں پاکستانی بولر شاہنواز دھانی نے دو چھکے لگا پاکستان کے ٹوٹل میں کچھ جان بھری۔
انڈین بولرز نے عمدہ بولنگ کا مظاہرہ کیا اور پہلے بھونیشور کمار نے اننگز کے آغاز میں عمدہ بولنگ کی، اور پھر آخر میں بہترین انداز میں اختتام کرتے ہوئے چار کھلاڑی آؤٹ کیے۔
ہارڈک پانڈیا نے شارٹ بال کا اچھا استعمال کیا اور تین کھلاڑیوں کو پویلین کی راہ دکھائی۔ پاکستان نے اننگز میں مجموعی طور پر 48 ڈاٹ گیندیں کھیلیں۔
شاہنواز دھانی نے کریز پر آتے ہی پہلی ہی دوسری گیند پر بھونیشور کمار کو چھکار جڑ دیا ہے۔
انڈین بولنگ کے سامنے پاکستان بلے باز خاصے بے بس دکھائی دے رہے ہیں۔ پاکستانی آلراؤنڈر محمد نواز ارشدیپ سنگھ کی بولنگ پر وکٹ کیپر کو کیچ دے بیٹھے ہیں۔
آصف علی سے پاکستان کو اننگز کے آخر میں جارحانہ اننگز کی امید تھی، لیکن وہ بھی بھونیشور کی واپسی پر مڈ آف کو آسان کیچ دے بیٹھے۔
پاکستان کے لوئر آرڈر بلے باز چہل کے اوور میں باؤنڈری پار کرنے میں ناکام رہے ہیں اور اس اوور میں صرف آٹھ رنز بنے ہیں۔
خوشدل شاہ بھی ہارڈک پانڈیا کی شارٹ بال کا شکار ہو گئے ہیں جو اب تک تین وکٹیں حاصل کر چکے ہیں۔
خوشدل نے محض دو رنز بنائے۔
محمد رضوان نے 42 گیندوں پر 43 رنز تو سکور کیے، لیکن وہ کسی بھی موقع پر کھل کر نہیں کھیل سکے اور بالآخر ہارڈک پانڈیا کی شارٹ گیند کا شکار ہو گئے۔
محمد رضوان کافی دیر سے کریز پر موجود ہیں، لیکن اوور میں ایک چوکا لگانے کے باوجود وہ کچھ زیادہ سکور نہیں بنا سکے اور اوور میں صرف چھ ہی رنز بنے۔
ہارڈک پانڈیا نے واپس آتے ہی اپنے اوور کی پہلی گیند پر افتخار احمد کو پویلین کی راہ دکھا دی ہے۔ افتخار نے 22 گیندوں پر 28 رنز بنائے۔
محمد افتخار کی جانب سے انڈین لیگ سپنر کو چھکا رسید کیا گیا ہے۔ چہل کے اس اوور میں 11 رنز بنے ہیں۔
محمد رضوان کی جانب سے اس اوور کا آغاز تو چوکے سے کیا گیا، لیکن پھر اس اوور میں صرف چار سنگلز ہی بنے۔
پاکستانی بلے بازوں کے لیے فی الحال باؤنڈری پار کرنا مشکل ہو رہا ہے۔
پاکستان نے 10 اوورز کے اختتام پر دو وکٹوں کے نقصان پر 68 رنز بنا لیے ہیں۔ پاکستان کی جانب سے اس وقت کریز پر محمد رضوان اور افتخار احمد موجود ہیں تاہم دونوں ہی انڈین سپنرز کے خلاف کھل کر کھیلنے سے قاصر ہیں۔