آپ اس وقت اس ویب سائٹ کا ٹیکسٹ پر مبنی ورژن دیکھ رہے ہیں جو کم ڈیٹا استعمال کرتا ہے۔ مرکزی ویب سائٹ جہاں تمام تصاویر اور ویڈیوز موجود ہیں دیکھیے
ویسٹ انڈیز سیمی فائنل کی دوڑ سے باہر، سری لنکا سے 20 رنز سے شکست
ٹی ٹوئنٹی ورلڈ کپ کے 35ویں میچ میں آج سری لنکا نے ویسٹ انڈیز کو 20 رنز سے شکست دے دی ہے اور یوں سری لنکا، بنگلہ دیش کے بعد اب ویسٹ انڈیز بھی گروپ 1 میں سیمی فائنل کی دوڑ سے باہر ہو گیا ہے۔
لائیو کوریج
بریکنگ, دو چوکے لگانے کے بعد ایون لوئس بھی پویلین لوٹ گئے, ویسٹ انڈیز کا سکور: دو اوورز کے اختتام پر 10/2
ایون لوئس نے کرس گیل کے آؤٹ ہوتے ہی دو چوکے مارے اور ایسا لگ رہا تھا کہ اب وہ سری لنکن بولرز کو سنبھلنے کا موقع نہیں دیں گے، لیکن پھر بنورا کے اوور میں وہ بولڈ ہو گئے۔ اور یوں ویسٹ انڈیز کا سکور صرف 10 رنز اور دو کھلاڑی پویلین واپس۔
بریکنگ, کرس گیل آؤٹ، ویسٹ انڈیز کو آغاز میں ہی دھچکا
کرس گیل صرف ایک ہی رن بنانے کے بعد بنورا کی گیند پر مڈ آف پر کھڑے ہسارانگا کے ہاتھوں کیچ ہو گئے ہیں۔
تھیکسانا کے پہلے اوور میں صرف ایک رن! ویسٹ انڈیز کا محتاط آغاز
آف سپنر تھیکسانا کے پہلے اوور میں صرف ایک رن بنا اور یوں محسوس ہوا کہ ویسٹ انڈیز نے محتاط انداز اپنایا ہوا ہو۔
ویسٹ انڈیز کا سیمی فائنل کے لیے کوالیفائی کرنا تقریباً ناممکن ہو گیا!
بریکنگ, سری لنکا کا ویسٹ انڈیز کو جیت کے لیے 190 رنز کا ہدف!
سری لنکا نے ویسٹ انڈیز کو جیت کے لیے 190 رنز کا ہدف دیا ہے۔
بریکنگ, اسالانکا آؤٹ، رسل کے اوور میں 10 رنز بنے!
اسالانکا آؤٹ تو ہو گئے ہیں لیکن انھوں نے 61 رنز کی شاندار اننگز کھیل کر سری لنکا کو ایک مضبوط ٹوٹل فراہم کر دیا ہے۔
رسل کے اوور کی شروعات چوکے سے ہوئیں، لیکن اس کا اختتام اچھا ہوا، جس کے باعث سری لنکا کو 10 رنز مل گئے۔
بریکنگ, براوو کا 19 رنز کا اوور، سری لنکا کی جارحانہ بیٹنگ جاری, سری لنکا کا سکور: 17 اوورز میں 170/2
سری لنکا کے بلے باز اب جارحانہ انداز اپنا چکے ہیں اور دونوں شنکا اور اسالانکا نے اب تک 18 گیندوں پر 48 رنز بنا لیے ہیں۔
’ویسٹ انڈیز کی ٹیم پاور ہٹرز کے باعث جانی جاتی ہے، لیکن اس کی بنیاد ان کی بولنگ نے ڈالی تھی‘
بریکنگ, نسانکا آؤٹ! لیکن سری لنکا کی اچھی بیٹنگ جاری, سری لنکا کا سکور: 17 اوورز میں 153/2
جارحانہ بیٹنگ کرنے کی کوشش میں نسانکا براوو کی گیند پر آؤٹ ہو گئے ہیں۔
انھوں نے 41 گیندوں پر 51 رنز بنائے تھے۔ تاہم ان کے آؤٹ ہونے کے بعد اسالانکا نے اپنی نصف سنچری صرف 33 گیندوں پر مکمل کر لی ہے۔
سات سے 15 اوورز کے درمیان سری لنکا کا رن ریٹ تیسرے نمبر پر!
بریکنگ, نسانکا کی نصف سنچری مکمل!, سری لنکا کا سکور: 15 اوورز میں 132/2
سری لنکا کے اوپنر نسانکا نے 39 گیندوں پر اپنی نصف سنچری مکمل کر لی ہے۔ ان کی اننگز میں پانچ چوکے شامل ہیں۔
نسانکا نے کریز پر اپنا وقت لیا اور اب وہ آہستہ آہستہ جارحانہ انداز اپنا رہے ہیں۔
بریکنگ, نسانکا اور اسالانکا کی پچاس رنز کی شراکت مکمل, سری لنکا کا سکور: 13 اوورز میں 112/1
نسانکا اور اسالانکا نے بغیر کوئی خطرہ مول لیے بہترین بلے بازی کا مظاہرہ کیا ہے اور اب تک 42 گیندوں پر 63 رنز کی شراکت قائم کر لی ہے۔
دونوں کی اننگز میں چار چار چوکے شامل ہیں۔
مارچ 2020 کے بعد سے سری لنکا کا پہلے 11 اوورز میں سب سے اچھا سکور ہے
پہلے دس اوورز میں سری لنکا کا پلڑہ بھاری، بڑے ٹوٹل کی توقع!, سری لنکا کا سکور: 10 اوورز میں 82/1
پہلے دس اوورز میں سری لنکا نے ایک وکٹ کے نقصان پر 82 رنز بنا لیے ہیں۔
یہ یقیناً ایک عمدہ بنیاد ہے اور سری لنکا کے بلے باز اب اس کی مدد سے ایک بڑا ٹوٹل کھڑا کر سکتے ہیں اور ویسٹ انڈیز کی اس ٹورنامنٹ کے سیمی فائنل تک رسائی تقریباً ناممکن بنا سکتے ہیں۔
ویسٹ انڈیز کے بولرز سری لنکا کے رنز روکنے میں ناکام!, سری لنکا کا سکور: نو اوورز میں 77/1
ویسٹ انڈیز کے بولرز تاحال سری لنکن بیٹرز کو روکنے میں کامیاب نہیں ہو سکے ہیں۔ اس وقت سری لنکا ساڑھے آٹھ رنز کی اوسط سے رنز کر رہا ہے اور ان کے بلے باز زیادہ خطرہ بھی مول نہیں لے رہے۔
براوو کے پہلے اوور میں 10 رنز بنے، جس میں ایک چوکا بھی شامل تھا۔
اسالانکا کا سپنرز کے اچھا سٹرائک ریٹ!
رسل کا ایک اور اچھا اوور!, سری لنکا کا سکور: آٹھ اوورز میں 67/1
رسل جنھوں نے ویسٹ انڈیز کا پہلا بریک تھرو دلوایا تھا، انھوں نے ایک اور اچھا اوور کروایا ہے۔ ان کے اوور میں صرف چھ رنز بنے ہیں۔
اکیل حسین کے اوور میں دو چوکے، سری لنکا کی بیٹنگ اچھے ٹوٹل کی جانب گامزن, سری لنکا کا سکور: سات اوورز میں 61/1
اکیل حسین کے اوور میں 13 رنز بنے ہیں جبکہ پچھلے اوور میں ایک وکٹ بھی گری تھی لیکن سری لنکا کے نسانکا اور اسالانکا نے ٹیمپو گرنے نہیں دیا۔
بریکنگ, آندرے رسل نے آتے ہی پریرا کو پویلین کی راہ دکھا دی!
آندرے رسل نے بولنگ میں آتے ہی اپنے کپتان کو بریک تھرو دیا ہے۔ انھوں نے کسال پریرا کی وکٹ حاصل کی ہے جو اب خاصے خطرناک موڈ میں دکھائی دے رہے تھے۔
پریرا کا کیچ خود رسل نے اپنی ہی بولنگ پر کیا۔ پریرا کے 29 رنز میں دو چوکے اور ایک چھکا شامل تھا۔