بریکنگ, دشمانتھا چمیری کی اہم وکٹ، ڈیوڈ ملن بھی آؤٹ!, انگلینڈ کا سکور: 34/2، پانچ اوور مکمل
سری لنکا کے بولرز نے انگلینڈ کے بلے بازوں پر دباؤ برقرار رکھا اور پانچویں اوور میں چمیرا نے نہ صرف محض پانچ رنز دیے بلکہ ساتھ ساتھ ملن کو بھی آؤٹ کر دیا۔
آپ اس وقت اس ویب سائٹ کا ٹیکسٹ پر مبنی ورژن دیکھ رہے ہیں جو کم ڈیٹا استعمال کرتا ہے۔ مرکزی ویب سائٹ جہاں تمام تصاویر اور ویڈیوز موجود ہیں دیکھیے
جوز بٹلر کی سنچری اور بولرز کی جامع کارکردگی، انگلینڈ کی سری لنکا کے خلاف 26 رنز سے جیت
کرکٹ کے ٹی ٹوئنٹی ورلڈ کپ میں دن کے واحد اور اور ٹورنامنٹ کے 29ویں میچ میں گروپ ون کی سرفہرست ٹیم انگلینڈ نے 164 رنز کے دفاع میں سری لنکا کو 19 اوور میں 137 رنز پر آؤٹ کر دیا اور 26 رنز سے میچ جیت لیا۔ جوز بٹلر نے اپنے کرئیر کی پہلی ٹی ٹوئنٹی سنچری بنائی اور جیت میں مرکزی کردار ادا کیا۔
لائیو کوریج
سری لنکا کے ’فنگر‘ سپنر مہیش ٹھیکشانا بولنگ کے لیے آ گئے, انگلینڈ کا سکور: 29/1، چار اوور مکمل
سری لنکا نے ایک اور بولنگ میں تبدیلی کی اور چوتھے اوور کے لیے سپنر مہیش ٹھیکشانا کو بولنگ کے لیے بلایا جنھوں نے اپنے پہلے اوور چار رنز دیے۔
ٹھیکشانا فنگر سپنر ہیں اور ان کی بولنگ کافی متاثر کن رہی ہے۔
بولنگ کے لیے لہیرو کمارا متعارف، جوز بٹلر کے اوور میں دو چوکے!, انگلینڈ کا سکور: 25/1، تین اوور مکمل
جوز بٹلر نے البتہ اپنی جارحانہ فارم کا فائدہ اٹھاتے ہوئے نئے بولرلہیرو کمارا کی پہلی گیند پر ایک چوکا اور پھر اوور کی تیسری گیند پر ایک اور چوکا لگایا۔
پانچویں گیند انھوں نے آف سائیڈ پر خالی جگہ سے کھیل کر مزید دو رنز حاصل کیے۔
بریکنگ, دنیا کے دوسرے بہترین ٹی ٹوئنٹی بولر ہسارانگا متعارف، دوسری گیند پر وکٹ!, انگلینڈ کا سکور: 15/1، دو اوور مکمل
سری لنکا نے اننگز کے دوسرے اوور میں گیند اپنے سب سے اہم سپنر اور دنیا میں ٹی ٹوئنٹی کے بہترین بولرز کی فہرست میں دوسرے نمبر پہر براجمان بولر ونندو ہسارانگا کو گیند دی جنھوں نے اپنی دوسری ہی بال پر جیسن رائے کو گوگلی کی مدد سے چمکہ دیا اور بولڈ کر دیا۔
جیسن رائے کا پہلے ہی اوور میں چوکا, انگلینڈ کا سکور: 12/0، ایک اوور مکمل
سری لنکا کی جانب سے دشمانتھا چمیرا نے پہلا اوور کرایا جس میں جیسن رائے نے اننگز کی پہلی چار گیندوں پر ایک چوکے کے ساتھ سات رنز بنائے۔
اوور کی اگلی گیند پر جوز بٹلر نے بھی اپنے کھاتہ کھول لیا اور پھر آخری گیند پر رائے نے مزید دو رنز حاصل کیے۔
بریکنگ, انگلینڈ نے بھی ٹیم میں کوئی تبدیلی نہیں کی
انگلینڈ نے بھی اپنے وننگ کامبینشن کو برقرار رکھا اور کوئی تبدیلی نہیں کی۔ البتہ آج کے میچ کے لیے انھوں نے اپنی کٹ میں تبدیلی کی ہے اور لال رنگ کی پتلون زیب تن کی ہے۔
جیسن رائے
جوز بٹلر (وکٹ کیپر)
ڈیوڈ ملن
جونی بئیرسٹو
آئن مورگن (کپتان)
لیام لوونگ سٹون
معین علی
کرس ووکس
کرس جارڈن
عادل رشید
ٹائمل ملز
سری لنکا کی ٹیم میں کوئی تبدیلی نہیں
سری لنکا کے لیے فائدہ یہ ہے کہ وہ شارجہ کی پچ سے کافی واقف ہیں اور تین میچز کھیل چکے ہیں۔
اس میچ کے لیے انھوں نے اپنی ٹیم میں کوئی تبدیلی نہیں کی ہے۔
پاتھم نسانکا
کوشل پریرا (وکٹ کیپر)
چاریتھ اسالنکا
دھننجایا ڈی سلوا
بھنوکا راجاپکشا
ڈاسن شناکا (کپتان)
چمیکا کارونارتنے
ونندو ہسارنگا
دشمانتھا چمیرا
مہیش ٹھیکسانا
لہیرو کمارا
بریکنگ, سری لنکا کا ٹاس جیت کر پہلے بولنگ کا فیصلہ
سری لنکا کے کپتان داسن شناکا نے آئن مورگن کے خلاف ٹاس جیت کر پہلے بولنگ کا فیصلہ کیا ہے۔
واضح رہے کہ ٹورنامنٹ میں اب تک شارجہ کے میدان پر گیند نیچی رہ رہی ہے اور ہدف کا تعاقب کرنے والی ٹیموں کو ایڈوانٹج ہے۔
سری لنکا کے لیے زندگی یا موت کی گھڑی آن پہنچی!
سری لنکا نے ٹورنامنٹ کا آغاز بہت اچھا کیا تھا اور بنگلہ دیش کو شکست دے کر اپنے عزائم سے آگاہ کیا۔
لیکن اس کے بعد اگلے دو میچوں میں وہ جنوبی افریقہ اور ویسٹ انڈیز، دونوں کے ساتھ بڑے قریبی اور دلچسپ مقابلے کے بعد شکست کھا گئے اور اب آج کا میچ ان کے لیے جیتنا لازمی ہے ورنہ وہ ٹورنامنٹ سے بار ہو جائیں گے۔
انگلینڈ کی ٹیم واضح فیورٹ!
گروپ ون سے اب تک تمام ٹیموں نے تین تین میچ کھیل لیے ہیں اور انگلینڈ کی ٹیم بڑے واضح فرق سے سرفہرست ہے۔ نہ صرف ان کا نیٹ رن ریٹ تمام ٹیموں سے زیادہ ہے، وہ پاکستان کے ساتھ ٹورنامنٹ میں ناقابل شکست ٹیم ہیں اور بھرپور فارم میں ہیں۔
انھوں نے پہلے میچ میں ویسٹ انڈیز کو صرف 55 پر آؤٹ کر دیا تھا اور اس کے بعد بنگلہ دیش اور پھر آسٹریلیا کو باآسانی شکست دی تھی۔
اپنے روایتی حریف آسٹریلیا کے خلاف میچ میں تو ان کی بیٹنگ نے تمام ٹیموں پر دھاک بٹھا دی تھی اور ماہرین سوال کر رہے تھے کہ انگلینڈ کو کیسے شکست دی جائے گی۔
بریکنگ, انگلینڈ بمقابلہ سری لنکا، ورلڈ ٹی ٹوئنٹی کے گروپ ون کے میچ میں خوش آمدید!
بی بی سی اردو کے قارئین کو خوش آج کے میچ کی کوریج سے خوش آمدید!
شارجہ کے تاریخی میدان میں آج ٹی ٹوئنٹی کرکٹ ورلڈ کپ کا 29واں میچ کھیلا جائے گا جہاں گروپ ون کی سرفہرست اور ٹورنامنٹ کی سب سے ان فارم ٹیم انگلینڈ کا سامنا چوتھے نمبر کی ٹیم سری لنکا سے ہوگا۔
ٹاس ہونے میں اب چند منٹ رہ گئے ہیں۔