ٹی ٹوئنٹی ورلڈ کپ میں سپر 12 راؤنڈ میں 23 اکتوبر کو دو میچ کھیلے گئے جن میں پہلے آسٹریلیا نے جنوبی افریقہ کو پانچ وکٹوں سے جبکہ اس کے بعد انگلینڈ نے دفاعی چیمپیئن ویسٹ انڈیز کو باآسانی چھ وکٹوں سے شکست دے دی۔
آسٹریلیا کے خلاف جنوبی افریقہ نے 20 اوورز کے اختتام پر 118 رنز بنائے ہیں۔ آسٹریلیا کی دعوت پر جنوبی افریقہ نے پہلے بیٹنگ کرتے ہوئے اپنی نو وکٹیں گنوائیں۔
اس طرح میچ جیتنے کے لیے آسٹریلیا کو 119 رنز درکار ہوں گے۔
سٹارک نے نورکیا کو آؤٹ کر کے اپنی دوسری وکٹ حاصل کی ہے۔ نورکیا کا کیچ کوور پر فیلڈر کپتان فنچ نے پکڑا۔ نورکیا نے صرف دو رنز بنائے تھے۔
جنوبی افریقہ کی باری کا آخری اوور سٹارک نے کرایا۔ پہلی گیند پر ربادا نے دو رنز حاصل کیے اور اگلی ہی گیند پر لانگ آن کی جانب چھکا لگا دیا۔
پیٹ کمنز نے میچ کے 19ویں اوور میں پانچ رنز دیے۔ انھوں نے اپنے چار اوورز میں ایک وکٹ حاصل کی اور 17 رنز دیے۔
19 اوورز کے اختتام پر جنوبی افریقہ نے آٹھ وکٹوں کے نقصان پر 106 رنز بنائے ہیں۔
جنوبی افریقہ نے 18 اوورز میں آٹھ وکٹیں گنوا کر 101 رنز بنائے ہیں۔ سٹارک کے اس تیسرے اوور میں صرف ایک تین رنز بن سکا۔
آخری اوورز میں رن ریٹ بڑھانے کی کوشش میں مارکرم نے سٹارک کی گیند پر لیگ سائیڈ پر چھکا لگانے کی کوشش کی مگر وہ کیچ آؤٹ ہوگئے۔
انھوں نے 36 گیندوں پر 40 رنز بنائے۔
جنوبی افریقہ کے بولر ربادا نے ہیذلوڈ کی گیند پر چوکا لگایا ہے۔ آٹھویں نمبر پر بیٹنگ کرتے ہوئے انھوں نے مڈ آف کے اوپر سے کھیل دیا اور چار رنز حاصل کیے۔ تاہم اگلی دو گیندوں پر وہ کوئی رن نہ بنا سکے۔
مارکرم نے ہیذلوڈ کی گیند پر جنوبی افریقہ کی باری کا پہلا چھکا لگایا ہے۔ وہ کریز میں موجود رہے اور گیند کو لیگ سائیڈ پر جارحانہ انداز میں کھیل دیا۔
مارکرم نے 35 گیندوں پر 40 رنز بنائے ہیں۔
ایڈم زیمپا نے اپنے چار اوورز میں 21 رنز دے کر دو کھلاڑی آؤٹ کیے جن میں ملر اور پریٹورس شامل ہیں۔
میکسویل کے ساتھ انھوں نے سپن بولنگ سے جنوبی افریقہ پر دباؤ برقرار رکھا۔
15 اوورز کے اختتام پر جنوبی افریقہ کے سات کھلاڑی آؤٹ ہوئے ہیں اور انھوں نے 83 رنز بنائے ہیں۔
کریز پر مارکرم موجود ہیں جنھوں نے 30 گیندوں پر 31 رنز بنائے ہیں۔
جنوبی افریقہ کی بیٹنگ کے حالات کچھ اچھے دکھائی نہیں دے رہے۔ انھوں نے 14 اوورز میں اپنے چھ بلے باز گنوائے تھے مگر 15ویں اوور میں مہاراج رن بنانے کی کوشش میں پھسل کر رن آؤٹ ہوگئے۔
اسی اوور میں زیمپا نے پریٹورس کو بھی آوٹ کیا۔ ان کا کیچ کیپر ویڈ نے پکڑا۔
لیگ سپنر زیمپا نے ڈیوڈ ملر کو ایل بی ڈبلیو کیا۔ ملر نے امپائر کے فیصلے سے اختلاف کرتے ہوئے ریویو لیا مگر یہ سیدھی گیند وکٹوں پر لگتی دکھائی دی اور انھیں پویلین واپس جانا پڑا۔
جنوبی افریقہ کی نصف ٹیم اب آوٹ ہوچکی ہے۔ انھیں بڑا سکور بنانے کے لیے آخر میں جارحانہ کھیل پیش کرنا ہوگا۔
ہیذلوڈ جنھوں نے اپنے پہلے دو اوورز میں صرف ایک رن دے کر دو وکٹیں حاصل کی تھیں۔
اپنے تیسرے اوور میں انھوں نے پہلی چار گیندوں پر چار رنز دیے۔ پانچویں گیند پر ملر نے دو رنز حاصل کیے اور آخری گیند پر کوئی رن نہ بن سکا۔
ہیذلوڈ اب تک میچ کے سب سے بہترین بولر رہے ہیں۔ انھوں نے باووما اور ڈیوسن کی وکٹیں حاصل کی تھیں۔
جنوبی افریقہ کی اننگز کا 12واں اوور سپنر میکسویل نے کرایا جس کی پہلی دو گیندوں پر صرف دو رنز بن سکے۔
چوتھی اور پانچویں گیند پر سنگل لیے گئے اور پھر آخری گیند پر مارکرم نے چوکا لگایا۔ میکسویل نے اپنے چار اوورز میں 24 رنز دے کر ایک وکٹ حاصل کی۔
ڈرنکس بریک کے بعد زیمپا نے اپنا دوسرا اوور کرایا جس میں انھوں نے صرف چار رنز دیے۔ اس دوران مارکرم اور ملر محتاط بیٹنگ کرتے دکھائے دیے۔
گذشتہ 12 گیندوں پر صرف 8 رنز بن سکے ہیں۔
اب تک کوئی جنوبی افریقی بلے باز لمبی باری نہیں کھیل سکا۔ چار وکٹوں کے نقصان پر انھوں نے 10 اوورز میں 59 رنز بنائے ہیں۔
مارکرم نے 20 گیندوں پر دو چوکے لگا کر 19 رنز بنائے ہیں۔
میکسویل نے اپنے تیسرے اوور میں صرف پانچ رنز دیے ہیں۔ انھوں نے اب تک تین اوورز میں 16 رنز دے کر ایک کھلاڑی کپتان باووما کو آؤٹ کیا ہے۔
نو اوورز کے اختتام پر جنوبی افریقہ کے چار کھلاڑی آؤٹ ہوئے ہیں جبکہ انھوں نے 54 رنز بنائے ہیں۔ کریز پر مارکرم اور ملر موجود ہیں۔ جنوبی افریقہ کو امید ہوگی یہ دونوں بلے باز ایک شراکت داری قائم کر سکیں گے۔
