کرکٹ کے 12ویں عالمی کپ کے فائنل میں انگلینڈ اور نیوزی لینڈ کے درمیان مقابلہ انتہائی ڈرامائی انداز میں سپر اوور تک گیا جہاں دوبارہ سکور ٹائی ہونے کی وجہ سے انگلینڈ کو زیادہ باؤنڈری لگانے پر ورلڈ کپ کا فاتح قرار دیا گیا۔
عابد حسین and محمد صہیب
اس تحریر میں ایسا مواد ہے جو X کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے X ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔
X پوسٹ کا اختتام
روٹ کے صبر کا پیمانہ بالآخر لبریز ہو گیا اور انھوں نے کولن ڈی گرانڈ ہوم کی وائڈ گیند پر جارحانہ شاٹ مارنے کی کوشش کی اور کیپر ٹام لیتھم نے ان کا آسان کیچ پکڑ لیا۔ روٹ نے 30 گیندوں پر سات رنز بنائے۔
،تصویر کا ذریعہGetty Images
یہ اس میچ کا اہم موقع ہے کہ نیوزی لینڈ کی جانب سے اس ٹورنامنٹ میں سب سے زیادہ وکٹیں لینے والے لوکی فرگیوسن کو بولنگ اٹیک میں لایا گیا ہے۔
انھوں نے اپنے پہلے اوور میں صرف تین رنز دیے۔
،تصویر کا ذریعہGetty Images
انگلینڈ نے 14ویں اوور میں پچاس رنز مکمل کر لیے ہیں۔ اس اوور میں بیئرسٹو نے دو چوکے مارے جن میں سے ایک خوش قسمتی سے ان کی وکٹوں کے قریب سے ہوتا ہوا فائن لیگ باؤنڈری پار کر گیا۔
،تصویر کا ذریعہGetty Images
نیوزی لینڈ کے میٹ ہینری نے اپنے چھٹے اوور میں بھی کوئی رن نہیں بننے دیا۔ اس طرح اب تک انگلینڈ نے پچھلی 19 گیندوں میں کوئی رن نہیں بنایا۔
دباؤ بڑھ رہا ہے، کبھی بھی بلے بازوں کا صبر کا پیمانہ لبریز ہو سکتا ہے۔
اس تحریر میں ایسا مواد ہے جو X کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے X ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔
X پوسٹ کا اختتام
نیوزی لینڈ کے بولرز نے آہستہ آہستہ انگلینڈ پر دباؤ ڈالنا شروع کر دیا ہے اور ڈی گرانڈ ہوم نے اپنا پہلا اوور میڈن تو کرایا لیکن اوور کی آخری گیند پر انھوں نے جونی بیئرسٹو کا آسان کیچ چھوڑ دیا۔
میٹ ہینری نے عمدہ بولنگ کا مظاہرہ کرتے ہوئے اپنے پانچویں اوور میڈن کرایا ہے۔
انھوں نے اب تک صرف 13 رنز دیے ہیں اور ایک وکٹ بھی حاصل کی ہے۔
،تصویر کا ذریعہGetty Images
بی بی سی کے نامہ نگار عبدالرشید شکور کے مطابق جانی بیرسٹو نے ورلڈ کپ کا آغاز جنوبی افریقہ کے خلاف صفر سے کیا تھا لیکن اس کے بعد وہ اس ورلڈ کپ میں 500 رنز مکمل کر چکے ہیں۔ وہ اس وقت 18 رنز پر کھڑے ہیں اور چار چوکے لگا چکے ہیں۔
،تصویر کا ذریعہGetty Images
ہینری بہترین بولنگ کا مظاہرہ کر رہےہیں اور انگلش بلے بازوں کو بری گیندیں نہیں کروا رہے جس کے باعث انگلینڈ کے بلے بازوں پر دباؤ میں اضافہ ہو رہا ہے۔
ان کے چوتھے اوور میں صرف ایک رن بنا۔
رائے کے جارحانہ انداز کے باوجود ہینری نے آگے گیند کرانے کو ترجیح دی اور اس اننگز کی تیسری سب سے زیادہ سوئنگ والی گیند کرا کہ جیسن رائے کو آؤٹ کیا۔
اس تحریر میں ایسا مواد ہے جو X کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے X ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔
X پوسٹ کا اختتام
میٹ ہینری کو بالآخر اپنی اچھی بولنگ کا صلہ مل گیا اور انھوں نے جیسن رائے خطرناک بلے باز کو آؤٹ کر دیا ہے۔
انھوں نے تین چوکوں کی مدد سے 17 رنز بنائے۔
،تصویر کا ذریعہGetty Images
نیوزی لینڈ کے بولرز عمدہ بولنگ کا مظاہرہ کر رہے ہیں لیکن فی الحال ان کی قسمت ان کا ساتھ نہیں دے رہی ہے۔ اس اوورمیں بھی صرف چار رنز بنے لیکن کوئی وکٹ حاصل نہیں ہو سکی۔
،تصویر کا ذریعہGetty Images
نیوزی لینڈ کی جانب سے دوسری طرف سے میٹ ہینری گیند کرانے آئے ہیں اور انھوں نے عمدہ گیند بازی کا مظاہرہ کرتے ہویے پہلی پانچ گیندوں میں تو جیسن رائے کو باندھے رکھا، لیکن آحری بال پر رائے نے انھیں خوبصورت سٹریٹ ڈرائیو مار کر اننگز کا پہلا چوکا لگا دیا۔
،تصویر کا ذریعہGetty Images
نیوزی لینڈ کے ٹرینٹ بولٹ نے پہلی ہی گیند پر جیسن رائے کے خلاف ایل بی ڈبلیو کی اپیل کی لیکن انھیں مرے اریسمس نے آؤٹ نہیں دیا۔
جس جح بعد کین ولیمسن نے ریویو لیا لیکن امپائرز کال کی بنا پر اسے آؤٹ نہیں دیا گیا۔ نیوزی لینڈ کا ریویو ضائع تو نہیں ہوا لیکن اگر امپائر یہ آؤٹ دے دیتا تو یہ آؤٹ ہوتا۔
،تصویر کا ذریعہGetty Images
اس تحریر میں ایسا مواد ہے جو X کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے X ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔
X پوسٹ کا اختتام
کرکٹ ورلڈ کپ کے فائنل میں نیوزی لینڈ نے انگلینڈ کے خلاف پہلے کھیلتے ہوئے مقررہ پچاس اوورز میں آٹھ وکٹوں کے نقصان پر 241 رنز بنائے ہیں۔
نیوزی لینڈ نے اننگز کا آغاز تو اچھا کیا اور ایک وقت پر ان کو 103 رنز پر صرف مارٹن گپٹل کا نقصان اٹھانا پڑا تھا۔
لیکن پھر فاسٹ بولر لائم پلنکٹ نے عمدہ بولنگ کا مظاہرہ کرتے ہوئے نہ صرف کپتان کین ولیمسن کو آؤٹ کیا بلکہ نصف سنچری بنانے والے اوپنر ہینری نکولز کو بھی پویلین واپس پہنچا دیا۔
ایسے میں ٹام لیتھم اور جیمز نیشم نے 35 گیندوں پر 32 رنز کی شراکت بنا کر نیوزی لینڈ کی امیدیں بحال کیں۔
لیکن ایک مرتبہ پھر پلنکٹ نے نیشم کو آؤٹ کر کے نیوزی لینڈ کی تمام امیدوں پر پانی پھیر دیا۔
انگلینڈ کی جانب سے کرس ووکس نے بھی تین آؤٹ کیےجبکہ آرچر اور مارک ووڈ نے ایک ایک کھلاڑی کو آؤٹ کیا۔
نیوزی لینڈ کی جانب سے ہینری نکولز 55 اور ٹام لیتھم 47 رنز بنا کر نمایاں رہے۔ میچ کے تفصیلی سکور کارڈ کے لیے یہا کلک کریں۔
کیا انگلینڈ بالآخر اپنا پہلا ورلڈ کپ جیت پائے گا، یا یہ اعزاز نیوزی لینڈ کے پاس جائے گا؟
،تصویر کا ذریعہGetty Images
جوفرا آرچر اننگز کا آخری اوور کرانے آئے ہیں اور ان کی پہلی گیند پر سانٹنر شاٹ نہ کھیل سکے۔ دوسری گیند پر انھوں نے آف سائیڈ پر شاٹ کھیلا اور رن آؤٹ ہوتے ہوتے بچ گئے۔ وائیڈ کرنے کے بعد جو تیسری گیند کرائی اس پر میٹ ہینری بولڈ ہو گئے۔ یہ آرچر کی اس ورلڈ کپ میں 20ویں وکٹ تھی۔ اس طرح آرچر نے اننگز کے آخری اوور میں صرف تین رنز دیے اور انگلینڈ کو میچ میں جیت حاصل کرنے کے لیے اب صرف 242 رنز کی ضرورت ہے۔
،تصویر کا ذریعہGetty Images
نیوزی لینڈ کی آخری امید ٹام لیتھم اپنے نصف سنچری مکمل نہ کر سکے اور انھوں نے ووکس کی آہستہ کرائی ہوئی گیند پر جیمز ونس کو 47 رنز پر کیچ دے دیا۔ اس اوور کی پہلی گیند پر ان کے خلاف ایک ایل بی ڈبلیو کی اپیل بھی ہوئی تھی لیکن وہ گیند لیگ سٹمپ کے باہر گری تھی۔ ووکس نے اوور میں ایک نو بال بھی کرائی لیکن فری ہٹ پر مچل سانٹنر فائدہ نہ اٹھا سکے۔ مگر اس کے بعد آخری گیند پر میٹ ہینری نے ڈیپ مڈ وکٹ پر زور دار شاٹ مار کر چوکا حاصل کر لیا۔
جوفرا آرچر نے اپنے نویں اوور میں صرف پانچ رنز دیے اور ٹام لیتھم کو جارحانہ انداز اپنانے نہیں دیا۔
کولن ڈی گرانڈہوم نے 28 گیندوں پر 16 رنز بنائے۔
اس تحریر میں ایسا مواد ہے جو X کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے X ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔
X پوسٹ کا اختتام
