انڈیا بنگلہ دیش کو شکست دے کر سیمی فائنل میں

لائیو کوریج

1. 2 جولائی 2019روہت شرما کا کیچ ڈراپ

   تمیم اقبال نے روہت شرما کا ایک نسبتاً آسان کیچ ڈراپ کر دیا۔ انڈیا نے پہلے پانچ اووروں میں بغیر کسی نقصان کے 21 رنز بنائے ہیں۔

2. 2 جولائی 2019جیت بہت اہم ہے, وی اعظم #bbccricket

   ’میں کبھی انڈیا کے کھیل کے متعلق اتنا ذہنی دباؤ کا شکار نہیں ہوا۔ اسے جیتنا بہت اہم ہے۔‘

3. 2 جولائی 2019سپنر آؤٹ، فاسٹ بولر ان

   دونوں ٹیمیں چار چار فاسٹ بولروں کے ساتھ میدان میں اتری ہیں۔ انڈیا نے لیگ سپنر کلدیپ یادیو کی جگہ بھونیشور کمار کو ٹیم میں شامل کیا ہے۔ انڈیا کے فاسٹ بولروں میں جسپریت بمرا، محمد شامی، بھونیشور کمار اور ہردیک پانڈیا شامل ہیں۔

   بنگلہ دیش نے مہدی حسن کو ڈراپ کر کے روبیل حسن کو ٹیم میں شامل کیا ہے۔ بنگلہ دیش کے فاسٹ بولروں میں مستفیض الرحمن، روبیل حسن، سیف الدین، اور مشرفی مرتضی شامل ہیں۔

4. 2 جولائی 2019پہلے اوور میں پہلا چھکا

   انڈیا نے پہلے بیٹنگ کرتے ہوئے بغیر کسی نقصان کے 10 رنز بنائے ہیں۔ روہت شرما نے مشرفی مرتضی کو میچ کے پہلے اوور میں پہلا چھکا لگایا۔

5. 2 جولائی 2019پچ سست نہیں, پال فالبریس، انگلینڈ کے سابق اسسٹنٹ کوچ

   پچ کے متعلق بہت کچھ کہا جا رہا ہے لیکن میرے خیال میں یہ سست نہیں ہوئی ہے۔ انگلینڈ نے بہت اچھی گیندیں کی، کراس سیم کی اور انڈینز کے لیے سکور کرنا مشکل کر دیا۔

6. 2 جولائی 2019’مین آف دی ٹورنامنٹ‘

   ورلڈ کپ میں بنگلہ دیش کی کامیابیوں میں تجربہ کار آل راؤنڈر شکیب الحسن کا سب سے زیادہ حصہ ہے۔ شکیب الحسن نے رواں ٹورنامنٹ میں سات میچوں میں دو سنچریوں کی بدولت 95 رنز کی اوسط سے 476 رنز بنائے اور ابتک ٹورنامنٹ میں دس وکٹیں بھی حاصل کر چکے ہیں۔

7. 2 جولائی 2019میچ کی ’خوبصورتی‘

   INDvBAN# میچ کی خوبصورتی یہ ہے کہ دونوں ٹیمیں ایک ہی جینیئس کے لکھے ہوئے ترانے گانے جا رہی ہیں۔

8. 2 جولائی 2019بنگلہ دیش

   بنگلہ دیش نے ٹیم میں دو تبدیلیاں کی ہے۔ بیٹسمین محمود اللہ کی جگہ صابر حسین اور سپنر مہدی حسن، کی جگہ روبیل حسن کو ٹیم میں شامل کیا گیا ہے۔

   بنگلہ دیش کی ٹیم:

   تمیم اقبال، سومایہ سرکار، شکیب الحسن، مشفیق الرحمان (وکٹ کیپر) لٹن داس، شبیر حسین مصدق حسین، روبیل حسن، محمد سیف الدین، مشرفی مرتضی (کپتان) اور مستفیض الرحمن۔

9. 2 جولائی 2019انڈیا کی ٹیم

   انڈیا نے سپنر کلدیپ یادیو کی جگہ فاسٹ بولر بھونیشور کمار اور کیدر جادیو کی جگہ دنیش کارتھک کو ٹیم میں شامل کیا ہے۔

   انڈیا کی ٹیم: کے ایل راہول، روہت شرما، ویراٹ کوہلی، رشبا پنت، مہندر سنگھ دھونی، دنیش کارتھک ، ہردیک پانڈیا، بھونیشور کمار، یزویندرا چاہل، محمد شامی، جسپریت بمرا

10. 2 جولائی 2019ٹاس کی اہمیت

    انڈین کپتان ویراٹ کوہلی نے بنگلہ دیش کے خلاف ٹاس جیت کر پہلے بیٹنگ کا فیصلہ کیا ہے۔

    ٹورنامنٹ جوں جوں آگے بڑھ رہا ہے اور برطانیہ میں موسم دن بدن گرم ہو رہا ہے ایسے میں ٹاس کی اہمیت بڑھ گئی ہے۔ ایسی ٹیمیں جن کے پاس عمدہ سپنر موجود ہیں اور وہ ٹاس جیت کر پہلے بیٹنگ کرتے ہوئے ایک مناسب سکور کر لیں ان کے جیت کے امکانات بڑھ جاتے ہیں۔

    بنگلہ دیش اور انڈیا دونوں کے پاس عمدہ سپنر ہیں۔ انگینڈ کے خلاف میچ میں انڈیا کے سپنر پہلی بار دباؤ میں آئے اور انگلش بیٹسمینوں نے بھارتی سپنروں کے بیس اووروں میں 160 رنز بنائے۔ بنگلہ دیش کے پاس شکیب الحسن، مصدق حسین اور مہدی کی صورت میں عمدہ سپنر موجود ہیں۔