کرکٹ ورلڈ کپ 2019 کے ایک میچ میں انڈیا نے ویسٹ انڈیز کو 269 کا ہدف دیا تاہم ویسٹ انڈیز کی پوری ٹیم 143 پر آؤٹ ہو گئی اور اب ویسٹ انڈیز سیمی فائنل کی دوڑ سے باہر ہو گیا ہے۔
انڈیا نے اپنی اسی ٹیم کو برقرار رکھا ہےجس نے افغانستان کو ایک دلچسپ مقابلے میں شکست دی تھی۔
انڈیا کی ٹیم: کے ایل راہول، روہت شرما، ویراٹ کوہلی(کپتان) وجے شنکر، ایم ایس دھونی، کیدر جادیو، ہاردیک پانڈیا، محمد شامی، کلدیپ یادیو، جسپریت بمرا، یوزویندر چاہل
ویسٹ انڈیز نے اپنی اوپننگ جوڑی تبدیل کی ہے۔ اب کرس گیل نئے اوپننگ پارٹنر سنیل ایمبریس کے ساتھ میدان میں اتریں گے۔ ان فٹ آندرے رسل کی جہ بولر فیبئن ایلن کو ٹیم میں شامل کیا گیا ہے۔
ویسٹ انڈیز کی ٹیم: کرس گیل، سنیل ایمبریس، شائے ہوپ، نکولس پوران، شمران ہیٹمائر، جیس ہولڈر، کارلوس بریتھویٹ، فیبئن ایلن، کیمار روچ، شیلڈن کوٹرل اور اوشین تھامس
،تصویر کا ذریعہGetty Images
ویسٹ انڈیز اپنے پچھلے میچ میں فتح سے صرف 5 رنز دور رہ گیا تھا۔ کارلوس بریتھویٹ کی شاندار اننگز کی بدولت ویسٹ انڈیز نیوزی لینڈ کے خلاف جیت کے اتنا قریب پہنچا لیکن پھر کارلوس باؤنڈری پر کیچ آؤٹ ہوگئے۔
،تصویر کا ذریعہPA Media
کپتان ویراٹ کوہلی نے ٹاس جیت کر پہلے بیٹنگ کا فیصلہ کیا ہے۔ ویرات کوہلی نے کہا ہے کہ چونکہ یہ استعمال شدہ پچ ہے اور اس پر گیند ٹرن کر سکتی ہے اور ان کے پاس دو لیگ سپنر ہیں تو اسے اپنے فائدے میں استعمال کر سکتے ہیں۔
،تصویر کا ذریعہGetty Images
انڈیا کے پچھلے میچ میں محمد شامی کی ہیٹرک نے انڈیا کو افغانستان کے ہاتھوں شکست سے بچا لیا تھا۔
،تصویر کا ذریعہGetty Images
ویسٹ انڈیز کے کرس گیل نے کہا ہے کہ وہ ون ڈے انٹرنشینل سے اپنی ریٹائرمنٹ کا فیصلہ واپس لے رہے ہیں اور شاید اب ٹیسٹ میچ بھی کھیلیں جو انھوں نے پانچ برس سے نہیں کھیلا ہے۔
39 سالہ گیل نے فروری میں یہ اعلان کیا تھا کہ وہ ورلڈ کپ کے بعد ریٹائر ہو جائیں گے۔
ون ڈے میں ان کے 10,345 رنز ہیں اور وہ برائن لارا کے بعد ویسٹ انڈیز کے لیے ایک روز میچوں میں سب سے زیادہ رنز بنانے والوں میں دوسرے نمبر پر ہیں۔
بدھ کو ان کا کہنا تھا کہ ’میں انڈیا کے خلاف (اگست میں ہونے والے) ایک روزہ میچ ضرور کھیلوں گا۔ ٹی ٹوئنٹی نہیں کھیلوں گا۔ ‘
،تصویر کا ذریعہGetty Images
