بابر اعظم کی نصف سنچری مکمل, پاکستان: 26 اووروں میں 115/3
بابر اعظم نصف سنچری سکور کر کے کھیل رہے ہیں۔ یہ بابر اعظم کی ٹورنامنٹ میں تیسری نصف سنچری ہے۔ محمد حفیظ کے آؤٹ ہونے کے بعد حارث سہیل کریز پر موجود ہیں۔
آپ اس وقت اس ویب سائٹ کا ٹیکسٹ پر مبنی ورژن دیکھ رہے ہیں جو کم ڈیٹا استعمال کرتا ہے۔ مرکزی ویب سائٹ جہاں تمام تصاویر اور ویڈیوز موجود ہیں دیکھیے
پاکستان نے نیوزی لینڈ کو چھ وکٹوں سے ہرا دیا
پاکستان اور نیوزی لینڈ کے درمیان برمنگھم کے ایجبسٹن سٹیڈیم میں ہونے والے میچ میں پاکستان نے نیوزی لینڈ کو چھ وکٹوں سے شکست دے دی ہے اور بابر اعظم کو شاندار سنچر پر مین آف دی میچ کا اعزاز ملا ہے۔
لائیو کوریج
حارث سہیل کریز پر, پاکستان: 25 اووروں میں 110/3
محمد حفیظ کے آؤٹ ہونے کے بعد حارث سہیل بیٹنگ کےلیے میدان میں اترے ہیں۔
پاکستان کو تیسرا نقصان، محمد حفیظ آؤٹ
محمد حفیظ پارٹ ٹائم بولر کین ولیمسن کو چھکا لگانے کی کوشش میں آؤٹ ہو کر پویلین لوٹ گئے ہیں۔
کپتان ولیمسن خود بولنگ کے آ گئے
کپتان کین ولیمسن نے سینٹنر کی سپن ہوتی ہوئی گیندوں کو دیکھ کر خود بولنگ کے لیے آئے ہیں۔
پاکستان کے 100 رنز مکمل, پاکستان: 23 اوروں میں 104/2
محمد حفیظ اور بابر اعظم کی پارٹنرشپ میں 60 رنز کی شراکت ہو چکی ہیں۔ پاکستان نے 23 اووروں میں 104 رنز بنائے ہیں اور اس کے دو کھلاڑی آؤٹ ہوئے ہیں۔
’پاکستان وہی کرے گا جو پاکستان کرتا ہے‘, الیاس نجیب #bbccricket
مجھے یہ ہلکا ہلکا محسوس ہو رہا ہے کہ پاکستان وہی کرے گا جو پاکستان کرتا ہے اور رنز کے تعاقب کو بہت مشکل بنا دے گا۔
گیند سپن کرنے لگی, پاکستان: 20 اووروں میں86 رنز
نیوزی لینڈ کے کپتان نے آف سپنر سینٹنرکو بولنگ کے لیے بلایا ہے۔ پاکستانی بیٹسمین جو سپنروں کو عمدہ انداز میں کھیلنے کی شہرت رکھتے ہیں وہ بھی سینٹنر کی ٹرن کرتی ہوئی گیندوں کو سنھبال کر نہیں کھیل پا رہے۔
ْبابر اعظم کے تین ہزار رنز مکمل, پاکستان: 19 اووروں میں 80/2
بابر اعظم نے ون ڈے انٹرنیشنل میں تین ہزار رنز مکمل کرلیے ہیں۔
بابر اعظم، محمد حفیظ کے پاؤں جمنے لگے, پاکستان: 17 اووروں میں 77/2
پاکستان نے 17 اووروں میں دو وکٹوں کے نقصان 77 رنز بنائے ہیں۔ محمد حفیظ 20 اور بابر اعظم 28 رنز بنا کر کھیل رہے ہیں۔
جم جائیں، پارٹنرشپ بنائیں, اظہر علی، پاکستان کے سابق کپتان
اگر آپ جم جائیں تو آسانی ہو جاتی ہے لیکن یہ پچ سکور کرنے کے لیے آسان نہیں ہے۔ جب آپ فرگوسن جیسے بولر کا سامنا کر رہے ہیں تو اس سے بچنا مشکل ہو جاتا ہے۔ پاکستانیوں کے لیے یہ آسان نہیں ہے۔ کبھی کھبی آپ کو کہنا پڑتا ہے کہ پہلے 15 اوور نکال لیں اور کھیل میں رہیں، پارٹرشپ بنائیں۔
محمد حفیظ کے چوکے, پاکستان: 15 اووروں میں 64/2
محمد حفیظ نے فاسٹ بولر لوکی فرگوسن کے ایک اوور میں دو چوکے لگائے۔ فرگوسن نے جواب میں محمد حفیظ پر باؤنسر پھینکا جو ان کے ہیلمٹ پر لگا۔
پاکستان کے پچاس رنز مکمل, پاکستان : 13 اووروں میں 51/2
پاکستان نے تیرہ اووروں میں دو وکٹوں کے نقصان پر 51 رنز بنائے ہیں۔ محمد حفیظ اور بابر اعظم کھیل رہے ہیں۔
فرگوسن کی عمدہ بولنگ, پاکستان: 12 اووروں میں46/2
نیوزی لینڈ کے تیز رفتار بولر لاکی فرگوسن نے امام الحق کو باؤنسر پر آؤٹ کر کے پاکستان کے لیے خطرے کی گھنٹی بجا دی ہے۔ رواں ٹورنامنٹ میں فرگوسن نیوزی لینڈ کے سب سے کامیاب بولر ہیں اور اب تک ٹورنامنٹ میں 15 وکٹیں حاصل کر چکے ہیں۔
وکٹ آسان نہیں, زینب عباس، آئی سی سی کرکٹ ورلڈ کپ 2019 کی میزبان
نیوزی لینڈ کی طرف سے آخر میں اچھی فائٹ بیک۔ بیٹنگ کے لیے یہ آسان پچ نہیں ہے، ان حالات میں 238 آسان ہدف نہیں ہو گا۔
محمد حفیظ بیٹنگ کے لیے میدان میں اترے ہیں
امام الحق کے آؤٹ ہونے کے بعد محمد حفیظ بیٹنگ کے لیے آئے ہیں۔ پاکستان نے دس اووروں میں دو وکٹوں کے نقصان پر 44 رنز بنائے ہیں۔
پاکستان کو دوسرا نقصان، امام الحق
مارٹن گپٹل نےفرگوسن کی گیند پر ایک شاندار کیچ پکڑ کر امام الحق کو آؤٹ کر دیا۔
دس اووروں کا کھیل مکمل, پاکستان: 10 اووروں میں43/1
پاکستان نے ابتدائی دس اووروں میں ایک وکٹ کے نقصان پر 43 رنز بنائے ہیں۔ فخر زمان آؤٹ ہو کر پویلین لوٹ گئے ہیں۔
بابر اعظم کا خوبصورت چوکا, پاکستان: نو اووروں 41/1
پاکستان نے 9 اووروں میں ایک وکٹ کےنقصان پر 41 رنز بنائے ہیں۔ بابر اعظم 14 اور امام الحق 18 رنز بنا کر کھیل رہے ہیں۔
آٹھ اووروں میں ایک وکٹ کے نقصان پر 33 رنز
بابر اعظم آؤٹ ہونے سے بچ گئے, پاکستان: چھ اوورو ں میں 32/1
بابر اعظم نےمیٹ ہنری کی گیند پر پل شاٹ کھیلنے کوشش کی لیکن وہ بال کی صحیح ٹائمنگ نہ کر سکے۔ گیند کافی دیر ہوا میں رہی، نیوزی لینڈ کے فیلڈر نے ڈائیو لگا کر کیچ پکڑنے کی کوشش کی لیکن گیند تک نہ پہنچ سکے۔