ویسٹ انڈیز کی پاکستان پر سات وکٹوں سے فتح

لائیو کوریج

ذیشان حیدر، عابد حسین، دانش حسین

1. 31 مئ 2019بریکنگ, رسل نے فخر زمان کو بولڈ کر دیا

   آندرے رسل نے اپنے اوور کی پہلی گیند پر فخر کو چکما دیا تھا اور اس کے بعد پانچویں گیند ایک تیز باؤنسر تھا جسے کھیلنے کی کوشش میں گیند فخر کے ہیلمٹ سے لگ کر وکٹوں کو جا لگی۔

2. 31 مئ 2019امام الحق کو آُوُٹ کرنے کے بعد کوٹریل کا منفرد انداز

3. 31 مئ 2019پاکستان 33/1, فخر زمان 21، بابر اعظم 9

   پاکستان نے ابتدائی پانچ اوورز میں چھ رنز فی اوور کی اوسط سے رن بنائے ہیں جن میں تین چوکے اور ایک چھکا شامل ہے

4. 31 مئ 2019وزیراعظم عمران خان کا پاکستانی کھلاڑیوں کے نام پیغام

   پاکستان کے وزیراعظم عمران خان نے اپنی ٹیم کے لیے نیک خواہشات کا اظہار کیا ہے۔ اپنے ٹوئٹر پیغام میں انھوں نے کھلاڑیوں کو اپنے دماغ سے شکست کا خوف نکال باہر کرنے اور آخری بال تک لڑنے کی نصیحت کی ہے۔

5. 31 مئ 2019پہلی وکٹ لینے والے ویسٹ انڈیز کے شیلڈن کوٹریل کا جارحانہ انداز

6. 31 مئ 2019پاکستان 27/1, فخر زمان 14، بابر اعظم 3

   چار اوورز کا کھیل مکمل ہو چکا ہے اور وکٹ گرنے کے باوجود ہی فخر زمان اور بابر اعظم کی جارحانہ بیٹنگ جاری ہے۔ امام کے جانے کے بعد فخر کا ساتھ دینے کے لیے بابر اعظم آئے ہیں جن سے پاکستان کو ایک بڑی اننگز کی امید ہے

7. 31 مئ 2019بریکنگ, پاکستان کو پہلا نقصان, امام الحق 2 رنز بنا کر آؤٹ

   پاکستان کو میچ کے تیسرے اوور میں ہی پہلا نقصان اٹھانا پڑا ہے جب امام الحق کوٹریل کی لیگ سائیڈ سے باہر جاتی گیند کو کھیلنے کی کوشش میں وکٹوں کے پیچھے کیچ ہو گئے۔

8. 31 مئ 2019فخر کی جارحانہ بیٹنگ

   فخر زمان نے اننگز کے آغاز سے ہی جارحانہ انداز اپنایا ہے اور کوٹریل کے دوسرے اوور میں میچ کا پہلا چوکا لگایا ہے

9. 31 مئ 2019پاکستان 11/0, فخر امام 9، امام الحق 1

10. 31 مئ 2019میچ کا پہلا چھکا, فخر زمان 9، امام الحق 1

    امام الحق کے برعکس فخر زمان زیادہ پراعتماد دکھائی دے رہے ہیں اور ویسٹ انڈین کپتان جیسن ہولڈر کو انھوں نے میچ کا پہلا چھکا لگا دیا ہے۔

11. 31 مئ 2019پاکستان کا محتاط آغاز, پاکستان 1/0

    کوٹریل کے پہلے اوور میں پاکستانی بلے باز بیٹ سے ایک بھی رن حاصل کرنے میں ناکام رہے۔ ٹیم کو حاصل ہونے والا واحد رن وائیڈ کا تھا

12. 31 مئ 2019رمیز راجہ بھی ٹرینٹ برج میں موجود!

    پاکستان اور ویسٹ انڈیز کے مابین میچ میں کمنٹری کے فرائض رمیز راجہ اور ایمبروس کرٹلی سر انجام دے رہے ہیں۔

13. 31 مئ 2019بریکنگ, میچ کی پہلی گیند وائیڈ

    ویسٹ انڈیز کی جانب سے پہلا اوور کرانے شیلڈن کوٹریل آئے اور امام الحق کو ان کی پہلی بال وائیڈ تھی

14. 31 مئ 2019اوپنرز پر بھاری ذمہ داری!, فخر اور امام کا ریکارڈ متاثر کن

    پاکستان کی جانب سے امام الحق اور فخر زمان اننگز کی شروعات کریں گے اور ان دونوں کا ایک روزہ کرکٹ میچوں میں بہت عمدہ ریکارڈ ہے۔ امام الحق اب تک 28 میچوں میں 60 رنز کی اوسط سے 1387 رنز بنا چکے ہیں۔ انھوں نے اب تک چھ سنچریاں بھی بنائی ہیں۔ فخر زمان نے 36 میچوں میں 51 کی اوسط سے 1642 رنز بنائے ہیں۔ اس میں ان کا سب سے زیادہ سکور 210 رنز ہے جو کہ پاکستان کی جانب سے کسی بھی کھلاڑی کا سب سے زیادہ انفرادی سکور ہے۔

15. 31 مئ 2019بریکنگ, ’پاک سرزمین شاد باد۔۔۔‘

    گراؤنڈ میں دونوں ٹیموں کی آمد کے بعد ویسٹ انڈیز اور پاکستان کے قومی ترانے بجائے گئے۔ گراؤنڈ کے مختلف انکلوژرز سے شائقین بھی ترانہ پڑھتے رہے

16. 31 مئ 2019سٹیڈیم کے باہر شائقین کی قطاریں

    ناٹنگھم میں موجود بی بی سی اردو کے نامہ نگار عبدالرشید شکور کے مطابق میچ شروع ہونے والا ہے لیکن ابھی بھی گراؤنڈ کے باہر ڈھول باجے بج رہے ہیں اور شائقین سٹیڈیم میں داخل ہو رہے ہیں جبکہ آسمان پر گہرے بادل چھائے ہوئے ہیں۔

17. 31 مئ 2019ٹاس جیتنے کے بعد ویسٹ انڈیز کے سابق کرکٹر ویوین رچرڈ خوش نظر آ رہے ہیں

18. 31 مئ 2019ویسٹ انڈیز کی ٹیم میں کون کون شامل؟

    ویسٹ انڈیز کی ٹیم ان کھلاڑیوں پر مشتمل ہے: کرس گیل، شائی ہوپ، ڈیرن براوو، شمون ہٹمئیر، نکولس پورن، آندرے رسل، جیسن ہولڈر، کارلوس بریتھ وائٹ، ایشلی نورس، شیلڈن کوٹریل، اوشین تھامس۔

    ٹیم کے مینیجر رال لوئیس ہیں جبکہ کوچ فلائڈ ریفر ہیں۔

19. 31 مئ 2019’پاکستان فائنل تک ضرور جائے گا‘

20. 31 مئ 2019وسیم اکرم کی پاکستانی کھلاڑیوں کی حوصلہ افزائی

    پاکستان کرکٹ بورڈ نے اپنے ٹوئٹر اکاؤنٹ پر سابق کرکٹر وسیم اکرم کی تصویر شیئر کی ہے جس میں وہ پاکستانی کھلاڑیوں سے مل رہے ہیں۔ پی سی بی نے اپنی ٹویٹ میں لکھا ہے ’ دیکھیں لڑکوں سے ملنے کون آیا ہے۔‘