اسلام آباد یونائیٹڈ پی ایس ایل 3 کی فاتح

لائیو کوریج

ذیشان حیدر، ذیشان علی

1. 25 مار چ 2018بریکنگ, آٹھ اوورز میں اسلام آباد کو 37 رنز درکار

2. 25 مار چ 2018بریکنگ, صاحبزادہ فرحان نصف سنچری نہ بنا سکے

   اسلام آباد یونائیٹڈ کے نوجوان بلے باز صاحبزادہ فرحان نے عمدہ بلے بازی کی اور 33 گیندوں پر پانچ چوکوں اور ایک چھکے کی مدد سے 44 رنز کی اننگز کھیلی۔ وہ وہاب ریاض کی ٹورنامنٹ میں 17ویں وکٹ بنے۔

3. 25 مار چ 2018بولنگ اٹیک میں وہاب کی واپسی

   وہاب ریاض دوسرا سپیل کروانے آئے ہیں۔ اس سے قبل وہ اپنے پہلے سپیل کے دو اووروں میں 16 رنز دیے تھے۔

4. 25 مار چ 2018اسلام آباد یونائیٹڈ: 3-106, صاحبزادہ فرحان 43، سمت پٹیل 4

   11 اوور کے اختتام پر اوپر تلے تین وکٹیں گرنے کے بعد اسلام آباد کی ٹیم کچھ دباؤ کا شکار دکھائی دیتی ہے تاہم اب بھی وہ یہ میچ جیتنے کے لیے فیورٹ ہے۔

5. 25 مار چ 2018بریکنگ, پشاور کی تیسری کامیابی، ڈومینی بھی آؤٹ

   کرس جورڈن نے اسلام آباد یونائیٹڈ کے کپتان جے پی ڈومینی کی وکٹ لے کر پشاور کی سوئی ہوئی امیدیں پھر جگا دی ہیں۔ یہ جورڈن کی اس میچ میں دوسری وکٹ ہے۔

6. 25 مار چ 2018بریکنگ, اسلام آباد کے 100 رنز مکمل

   لیوک رونکی کی جارحانہ اننگز کی بدولت اسلام آباد کی ٹیم کے 100 رنز 10 اوورز میں مکمل ہو گئے ہیں۔ اب رونکی تو کریز پر موجود نہیں لیکن باقی بلے بازوں کا کام وہ آسان کر گئے ہیں جنھیں بقیہ 10 اوورز میں 49 رنز بنانے ہیں

7. 25 مار چ 2018بریکنگ, والٹن آئے بھی اور گئے بھی

   لیوک رونکی کے آؤٹ ہونے کے بعد چیڈوک والٹن کریز پر آئے اور اگلے ہی اوور میں بنا کوئی رن بنائے آؤٹ ہوگئے۔ انھیں عمید آصف نے بولڈ کیا ہے۔

8. 25 مار چ 2018بریکنگ, رونکی نصف سنچری کے بعد آؤٹ

   کرس جورڈن نے اپنے پہلے اوور میں پشاور زلمی کو آخرِکار کامیابی دلوا دی ہے۔ آؤٹ ہونے والے بلے باز لیوک رونکی تھے جو 52 رنز بنا کر فلیچر کے ہاتھوں کیچ ہوئے۔

   مگر کیا اب پشاور کے لیے بہت دیر نہیں ہو گئی؟

9. 25 مار چ 2018بریکنگ, بولنگ میں ایک اور تبدیلی

   پشاور کے لیے اب کرس جورڈن بولنگ کروانے آئے ہیں تاہم ان کا آغاز بھی کچھ زیادہ اچھا نہیں رہا اور انھیں پہلے ہی اوور میں ایک چھکا اور ایک چوکا لگا ہے

10. 25 مار چ 2018لیوک رونکی کی نصف سنچری

    لیوک رونکی نے پی ایس ایل کے فائنل میں پشاور زلمی کے خلاف نصف سنچری مکمل کر لی ہے۔ انھوں نے 25 گیندوں پر پانچ چھکوں اور تین چوکوں کی مدد سے نصف سنچری سکور کی۔ یہ اس ٹورنامنٹ میں ان کی پانچویں نصف سنچری ہے۔

11. 25 مار چ 2018اسلام آباد یونائیٹڈ: 0-83, لیوک رونکی 48 ، صاحبزادہ فرحان 33

    ابتدائی تین اوورز میں تیزی سے رنز بنانے کے بعد جہاں لیوک رونکی نے کچھ ہاتھ روکا ہے وہیں صاحبزادہ فرحان اب ہر اوور میں ہی ایک باؤنڈری لگا رہے ہیں۔

12. 25 مار چ 2018اسلام آباد یونائیٹڈّ:0-74, لیوک رانکی 47 ، صاحبزادہ فرحان 25

    اسلام آباد کی اننگز کا ساتواں اوور وہاب ریاض نے کروایا جس میں آٹھ رنز بنے۔ اس اوور میں صاحبزادہ فرحان نے خوبصورت سٹریٹ ڈرائیو کے ذریعے ایک چوکا بھی لگایا

13. 25 مار چ 2018بریکنگ, پاور پلے میں اسلام آباد کی جارحانہ بلے بازی, لیوک رانکی 46، صاحبزادہ فرحان 16

    اسلام آباد یونائیٹڈ کی جانب سے اوپنرز لیوک رونکی اور صاحبزادہ فرحان نے پاور پلے یعنی ابتدائی چھ اوورز میں میچ کو ایک لحاظ سے یکطرفہ بنا دیا ہے۔

    ان چھ اوورز میں اسلام آباد نے چھ چوکوں اور پانچ چھکوں کی مدد سے 66 رنز بنا لیے ہیں

14. 25 مار چ 2018لیوک رونکی پی ایس ایل کے ٹاپ سکورر

    اسلام آباد یونائیٹڈ کے لیوک رونکی پی ایس ایل کے اس ایڈیشن میں سب سے زیادہ رنز بنانے والے بلے باز بن گئے ہیں۔ انھوں نے فائنل میں اپنی جارحانہ اننگز کے دوران کامران اکمل کو پیچھے چھوڑ دیا ہے جو اس میچ سے قبل 425 رنز کے ساتھ سرفہرست تھے

15. 25 مار چ 2018گیند وہاب ریاض کے پاس

    پشاور زلمی نے بولنگ اٹیک میں دوسری تبدیلی کی ہے اور اب وہاب ریاض بولنگ کروانے آئے ہیں۔

16. 25 مار چ 2018بولنگ اٹیک میں تبدیلی

    پشاور زلمی کے کپتان ڈیرن سیمی نے بولنگ اٹیک میں تبدیلی کرتے ہوئے ثمین گل کی جگہ لیئم ڈاسن کو گیند تھمائی ہے۔

17. 25 مار چ 2018بریکنگ, اسلام آباد یونائیٹڈ: 0-40, لیوک رونکی 35، صاحبزادہ فرحان 3

    تین اوور کا کھیل مکمل ہوا ہے اور لیوک رونکی کا سکور 35 رنز تک پہنچ چکا ہے جبکہ اسلام آباد کے رن بنانے کی اوسط 12 رنز فی اوور سے بھی زیادہ ہے

18. 25 مار چ 2018بریکنگ, رونکی کے چھکوں کی برسات جاری

    لیوک رونکی نے حسن علی کے دوسرے اوور میں انھیں ایک اور چھکا لگا دیا ہے۔ یہ اس اننگّز میں رونکی کا چوتھا اور حسن علی کو لگنے والا تیسرا چھکا ہے

19. 25 مار چ 2018اسلام آباد یونائیٹڈ: 0-23, لیوک رونکی 21، صاحبزادہ فرحان 2

    اسلام آباد یونائیٹڈ نے ابتدائی دو اووروں میں 23 رنز بنا لیے ہیں۔

20. 25 مار چ 2018رونکی کا ایک اور چھکا

    اسلام آبار کے ان فارم بلے باز لیوک رونکی نے ثمین گل کی گیند پر بھی چھکا لگایا ہے۔ وہ اب تک تین چھکے لگا چکے ہیں۔