پی ایس ایل: اسلام آباد یونائیٹڈ کی پہلی جیت

لائیو کوریج

عابد حسین

1. 25 فروری 2018اسلام آباد یونائیٹڈ: نو اوورز کے بعد 58 رنز تین آؤٹ

   اسلام آباد کے دنوں بلے باز کی توجہ اننگز مستحکم کرنے پر مرکوز ہے۔ حسین طلعت آٹھ رنز پر اور آصف علی 10 رنز پر کھیل رہے ہیں۔

2. 25 فروری 2018فاسٹ بولنگ کے گُر ایئن پونٹ کے سنگ

   انگلینڈ کے سابق کھلاڑی اور بین الاقوامی کوچ ائین پونٹ نے ٹویٹ میں محمد سمیع کے بولنگ ایکشن کی تعریف کی لیکن کہا کہ وہ اسے بہتر کر سکتے ہیں۔

3. 25 فروری 2018ڈی آر ایس ریویو, آصف علی بچ گئے

   محمد عرفان کی گیند پر ملتان سلطانز نے امپائیر ریویو کا مطالبہ کیا لیکن وہ ناکام رہا۔

4. 25 فروری 2018اسلام آباد یونائیٹڈ: آٹھ اوورز کے بعد 54 رنز تین آؤٹ

   نئے آنے والے بیٹسمین طلعت علی ہیں جن کے بارے میں کئی ماہرین نے پی ایس ایل تھری میں اچھی کارکردگی دکھانے کی پیشن گوئی کی ہے۔

5. 25 فروری 2018بریکنگ, اسلام آباد یونائیٹڈ کو تیسرا نقصان

   فاسٹ بولر جنید خان نے اپنے پہلے اوور میں والٹن کو کیچ آؤٹ کروا دیا جو 27 رنز بنا سکے۔

6. 25 فروری 2018اسلام آباد یونائیٹڈ: سات اوورز کے بعد 45 رنز دو آؤٹ

   ملتان کے بولرز نے اسلام آباد کے رن بنانے کی اوسط کم کردی ہے اور اب وہ ساڑھے چھ کی اوسط سے کم پر آگئے ہیں۔

7. 25 فروری 2018اسلام آباد یونائیٹڈ: چھ اوورز کے بعد 39 رنز دو آؤٹ

   پاور پلے کے اختتام پر اسلام آباد کے دو کھلاڑی پویلین واپس لوٹ چکے تھے جبکہ کریز پر موجود والٹن 27 رنز اور آصف علی دو رنز پر موجود ہیں۔

8. 25 فروری 2018اسلام آباد یونائیٹڈ: پانچ اوورز کے بعد 38 رنز دو آؤٹ

   عمران طاہر کے کامیاب آغاز کے بعد اب کریز پر والٹن اور نئے آنے والے آصف علی موجود ہیں۔

9. 25 فروری 2018بریکنگ, عمران طاہر نے فرحان کو بولڈ کر دیا

   جنوبی افریقہ کے لیگ سپنر عمران طاہر نے اپنے پہلی ہی اوور میں صاحبزادہ فرحان کو بولڈ کر دیا جنھوں نے نو رنز بنائے۔

10. 25 فروری 2018اسلام آباد یونائیٹڈ: چار اوورز کے بعد 33 رنز ایک آؤٹ

    چار اوورز کے بعد اسلام آباد یونائیٹڈ کے والٹن نے 27 رنز اور فرحان 5 رنز پر کھیل رہے ہیں۔

11. 25 فروری 2018’صرف وی آئ پی ایریا دکھایا جا رہا ہے‘

    کرکٹ ویب سائٹ پاک پیشن کے بانی ساجد صادق نے بھی دبئی کے میدان میں تماشائیوں کی کم تعداد پر تبصرہ کیا کہ کیمرامین صرف وی آئ پی ایریا دکھا رہے ہیں۔

12. 25 فروری 2018اسلام آباد یونائیٹڈ: تین اوورز کے بعد 24 رنز ایک آؤٹ

    محمد عرفان کے اوور میں دو چوکے لگانے کے بعد چاڈوک والٹن 23 رنز پر پہنچ گئے ہیں۔

13. 25 فروری 2018اسلام آباد یونائیٹڈ: دو اوورز کے بعد 11 رنز ایک کھلاڑی آؤٹ

    چاڈوک والٹن نے اپنا دوسرا چوکا لگایا اور وہ اب 11 رنز پر کھیل رہے ہیں۔ ان کے ساتھ موجود اپنا پہلا میچ کھیلنے والے صاحبزادہ فرحان نے ابھی تک کوئی گیند نہیں کھیلی ہے۔

14. 25 فروری 2018اسلام آباد یونائیٹڈ کی زبردست بولنگ

    اسلام آباد یونائیٹڈ کی جانب سے ان کے فاسٹ بولرز نے بارش اور ابر آلود موسم کا پورا فائدہ اٹھاتے ہوئے بہترین بولنگ کی اور ٹورنامنٹ کی اب تک کی ناقابل شکست ٹیم کو آل آوٹ کر دیا۔

15. 25 فروری 2018اسلام آباد یونائیٹڈ: پہلے اوور کے بعد پانچ رنز ایک آؤٹ, پہلی جیت کے لیے اسلام آباد کو 114 رنز کا ہدف ملا ہے

    محمد عرفان نے پہلی ہی اوور میں لیوک رانچی کو آؤٹ کر دیا لیکن نئے آنے والے چاڈوک والٹن نے ایک چوکا لگا کر اپنا اور ٹیم کا کھاتا کھولا۔

16. 25 فروری 2018بریکنگ, پہلے اوور میں ملتان کو پہلی کامیابی

    ملتان سلطانز کی جانب سے محمد عرفان نے اپنے پہلے ہی اوور میں لیوک رانچی کو آؤٹ کر دیا۔

17. 25 فروری 2018اسلام آباد یونائیٹڈ کے کپتان کی شاندار بولنگ

    مصباح الحق کی جگہ اسلام آباد کی قیادت کرنے والے رمان رئیس نے تین وکٹیں حاصل کی۔

18. 25 فروری 2018بریکنگ, ملتان سلطانز کی پوری ٹیم آؤٹ

    ملتان کی ٹیم اپنے پورے 20 اوورز بھی نہ کھیل سکی اور 113 رنز پر ان کی اننگز ختم ہو گئی۔ اسلام آباد یونائیٹڈ کی جانب سے کپتان رمان رئیس نے تین جبکہ آندرے رسل اور محمد سمیع نے دو دو وکٹیں حاصل کیں۔

19. 25 فروری 2018ملتان کی نویں وکٹ بھی گر گئی, رمان رئیس کی تیسری وکٹ

    کپتان رمان رئیس نے خوبصورت یارکر کے ذریعے عمران طاہر کو بولڈ کر دیا۔

20. 25 فروری 2018سہیل تنویر رن آؤٹ

    محمد سمیع کی گیند پر عمران طاہر نے رن لینے کی کوشش کی لیکن اس کوشش میں سہیل تنویر رن آؤٹ ہو گئے جنھوں نے 9 رنز بنائے تھے۔