آپ اس وقت اس ویب سائٹ کا ٹیکسٹ پر مبنی ورژن دیکھ رہے ہیں جو کم ڈیٹا استعمال کرتا ہے۔ مرکزی ویب سائٹ جہاں تمام تصاویر اور ویڈیوز موجود ہیں دیکھیے
دنیا میں کورونا وائرس کے مریضوں کی تعداد 9 لاکھ سے اور ہلاکتیں 45 ہزار سے زیادہ ہو چکی ہیں۔ صرف امریکہ میں مریضوں کی تعداد 2 لاکھ سے زیادہ ہے۔ یورپ میں 30 ہزار سے زیادہ اموات ہو چکی ہیں۔ غیر یقینی صورتحال کے پیشِ نظر سعودی عرب نے مسلمانوں پر زور دیا ہے کہ وہ بکنگ کروانے سے پہلے مزید انتظار کریں۔ اس کے علاوہ برطانیہ میں ٹینس کا ٹورنامنٹ ومبلڈن بھی کینسل ہو گیا ہے۔
جانز ہاپکنز یونیورسٹی کے ڈیٹا بیس کے مطابق امریکہ میں کورونا سے ہلاک ہونے والے افراد کی تعداد ایک ہزار سے بڑھ گئی ہے۔
تازہ ترین اعدادوشمار کے مطابق اب تک امریکہ میں ایک ہزار 50 افراد ہلاک جبکہ 69 ہزار سے زیادہ متاثر ہو چکے ہیں
سرکاری اعداد و شمار کے مطابق جرمنی میں پچاس مزید اموات کے بعد کورونا وائرس سے مرنے والوں کی تعداد 198 ہو چکی ہے۔
یورپی ملک میں تقریباً پانچ ہزار نئے کیسز سامنے آنے کے بعد تصدیق شدہ کورنا پازیٹو مریضوں کی تعداد 36 ہزار سے تجاوز کر گئی ہے۔
امریکہ میں کورونا وائرس کے انفیکشن سے متاثرہ لوگوں کی تعداد 69 ہزار 18 ہوچکی ہے جو کہ دنیا میں کورونا وائرس کے کیسز کی تیسری سب سے بڑی تعداد ہے۔
امریکہ کی جونز ہوپکنز یونیورسٹی کے اعداد و شمار کے مطابق چین اور اٹلی کے بعد امریکہ وہ ملک ہے جہاں سب سے زیادہ افراد اس وائرس سے متاثر ہوئے ہیں۔
یاد رہے کہ جونز ہوپکنز یونیورسٹی کی جانب سے اعداد و شمار کو مسلسل لائیو اپڈیٹ کیا جا رہا ہے جبکہ امریکہ کا سینٹر فار ڈزیز کنٹرول (سی ڈی سی) دن میں ایک مرتبہ اعداد و شمار جاری کر رہا ہے۔
امریکہ میں کورونا وائرس کے کیسز میں ریکارڈ اضافے کے باوجود جنوبی یورپ اب بھی وبا سے سب سے زیادہ متاثرہ علاقہ ہے۔
اٹلی کے بعد سپین اب وہ دوسرا ملک بن چکا ہے جہاں اموات کی تعداد چین سے بھی زیادہ ہوچکی ہے۔ یہاں 24 گھنٹوں میں ریکارڈ 738 اموات ہوئیں جس کے بعد کُل اموات 3434 ہوچکی ہیں۔
اس سے پہلے اٹلی میں ایک دن میں 683 ہلاکتیں ریکارڈ کی گئی تھیں۔ اس کے مقابلے میں چین نے سرکاری طور پر 3285 اموات رپورٹ کی ہیں جبکہ اس وبا سے سب سے زیادہ متاثر ہونے والے ملک اٹلی میں اموات کی تعداد 6820 ہے۔
سپین میں انفیکشن کی شرح میں 20 فیصد اضافہ ہوا ہے اور تقریباً 27 ہزار لوگ اس وقت ہسپتالوں میں زیرِ علاج ہیں۔ مزید متاثر ہونے والے دیگر یورپی ممالک میں جرمنی، فرانس، برطانیہ اور سوئٹزرلینڈ ہیں۔
امریکہ میں ایک دن میں کورونا کے دس ہزار نئے مریض سامنے آئے ہیں جس کے بعد ملک میں کورونا کے مصدقہ مریضوں کی تعداد 54453 ہوگئی ہے۔
امریک میں وبائی امراض کے نگران ادارے سی ڈی سی کے مطابق ملک میں کورونا سے ہلاکتوں کی تعداد میں بھی 193 کے اضافے کے بعد کل تعداد 737 ہوگئی ہے۔
امریکہ میں سامنے آنے والے نصف سے زیادہ 30800 مریض ریاست نیویارک میں ہیں
سرینگر کے چیسٹ ڈزیز ہسپتال میں جمعرات کر رات کو کورونا وائرس سے متاثرہ ایک 65 سالہ شخص ہلاک ہوگئے ہیں۔ ہسپتال انتظامیہ کے مطابق یہ کشمیر میں اس بیماری کے سبب ریکارڈ کی گئی پہلی موت ہے۔
ڈاکٹروں کے مطابق مریض کو اس سے پہلے شوگر، بلڈ پریشر اور موٹاپے کے عوارض لاحق تھے۔ ہسپتال انتظامیہ نے اپنے بیان میں کہا کہ ’ہماری بھرپور کوششوں کے باوجود چیسٹ ڈزیز ہسپتال میں کووِڈ 19 کے پازیٹیو مریض دل کے دورے کے باعث ہلاک ہوگئے۔‘
بتایا جا رہا ہے کہ یہ مریض سرینگر کے علاقے حیدرپورہ کے رہائشی اور سوپور سے تعلق رکھتے تھے اور حال ہی میں نئی دہلی، اترپردیش اور جموں میں تبلیغی اجتماع میں شرکت کے بعد واپس آئے تھے۔ اس اجتماع میں انڈونیشیا اور ملائیشیا سے لوگ بھی شریک تھے۔
اب تک انڈیا کے زیرِ انتظام کشمیر میں کورونا وائرس سے متاثرہ افراد کی تعداد آٹھ ہے جبکہ مجموعی طور پر جموں اور کشمیر میں 11 کیسز ہیں۔ رواں ماہ ہی جموں سے تین کیسز رپورٹ کیے گئے تھے۔
دنیا بھر میں کورونا وائرس کے مصدقہ متاثرین کی تعداد 468,523 ہو گئی ہے جبکہ ہلاک ہونے والوں کی تعداد 21,276 ہو چکی ہے۔
یہ اعداد و شمار جان ہاپکنز یونیورسٹی کی جانب سے جاری کیے گئے ہیں۔ سب سے زیادہ 7,503 ہلاکتیں اٹلی میں ہوئی ہیں جبکہ سپین میں 3,647، چین میں 3,163، ایران میں 2,077، فرانس میں 1,331، امریکہ میں 1,031، برطانیہ میں 465، نیدرلینڈز میں 356، جرمنی میں 206 جبکہ بلجیئم میں 178 افراد اس وبا کے باعث ہلاک ہو چکے ہیں۔
اگرچہ ہلاکتوں میں اٹلی سرِفہرست ہے مگر کورونا وائرس کے مصدقہ کیسز اب بھی چین میں زیادہ ہیں۔
چین میں وائرس سے متاثرہ افراد کی تعداد 81,667، اٹلی میں 74,386، امریکہ میں 68,572، سپین میں 49,515، جرمنی میں 37,323، ایران میں 27,017، فرانس میں 25,600، سوئزرلینڈ میں 10,897، برطانیہ میں 9,640 جبکہ ساؤتھ کوریا میں مصدقہ کیسز کی تعداد 9,137 ہے۔
اس وائرس کا شکار ایک لاکھ 14 ہزار سے زائد افراد اب تک صحتیاب بھی ہو چکے ہیں۔ دنیا بھر کے 173 ممالک میں کورونا کے مریض موجود ہیں۔
کورونا وائرس کے پھیلاؤ کے پیشِ نظر فرانس نے عراق میں موجود اپنے 200 فوجی واپس بلانے کا اعلان کیا ہے۔
عراق میں کورونا کے باعث اب تک 27 افراد ہلاک ہو چکے ہیں۔ عراق کے صدر نے کہا ہے کہ کورونا کے خطرے سے نمٹنے کے لیے ملک میں طبی سہولیات مطلوبہ معیار کے مطابق نہیں ہیں۔
ایک بیان میں فرانسیسی فوج نے کہا ہے کہ امریکہ کی زیر قیادت فوجی اتحاد نے فرانس کے فوجی دستے کی تعیناتی کو ایڈجسٹ کرنے کا فیصلہ کیا ہے۔ یہ فوجی دستہ عراقی فوجیوں کی تربیت اور بغداد میں اتحادی افواج کے صدر دفتر میں امور سرانجام دے رہا تھا۔
امریکہ کے صدر ڈونلڈ ٹرمپ نے دو امریکی ریاستوں فلوریڈا اور ٹیکساس کو کورونا وائرس کے باعث ’بڑی تباہی‘ کی زد میں قرار دے دیا ہے۔
اگرچہ ’بڑی تباہی‘ جیسی اصطلاح کافی ڈراؤنی ہے مگر امریکی قوانین کے تحت اگر کسی ریاست کے لیے یہ اصطلاح استعمال کی جاتی ہے تو وہ وفاق کی جانب سے ملنے والی امداد کی مستحق ہو جاتی ہے۔
ان دو ریاستوں کے علاوہ یہ اصطلاح اب تک نیویارک، واشنگٹن، کیلیفورنیا، لووا اور لوزیینا کے لیے استعمال کی جا چکی ہے۔ امریکہ میں کورونا وائرس کے مصدقہ کیسز کی تعداد 62086 ہے جبکہ اب تک 894 افراد کورونا کے باعث ہلاک ہو چکے ہیں۔
سب سے زیادہ 192 ہلاکتیں امریکی ریاست نیویارک میں ہوئی ہیں جبکہ یہاں مصدقہ متاثرین کی تعداد 30 ہزار کے لگ بھگ ہے۔
امریکی ریاستوں مینیسوٹا اور ایڈاہو کے گورنرز نے شہریوں کو ’گھر پر رہنے‘ کے احکامات جاری کر دیے ہیں۔ ان احکامات کے ذریعے عوام کو ہدایت کی گئی ہے کہ وہ غیر ضروری سرگرمیوں کے لیے گھروں سے باہر نہ نکلیں۔
ریاست منیسوٹا میں یہ احکامات آئندہ دو ہفتوں تک نافذ العمل رہیں گے اور اس دوران تمام ریستوران اور شراب خانے بند رہیں گے۔ منیسوٹا کے گورنر ٹِم والز نے کہا ہے کہ ’جب دو ہفتوں کا وقت ختم ہو گا تو وائرس پھر بھی موجود ہو گا مگر ان احکامات کے ذریعے ہم زیادہ بہتر طور پر ہر صورتحال کے لیے تیار رہیں گے۔‘
ریاست ایڈاہو میں یہ احکامات آئندہ 21 روز تک نافذ رہیں گے۔ مقامی ذرائع ابلاغ کے مطابق اس ریاست کے شہری ورزش کے لیے گھروں سے باہر جا سکیں گے مگر انھیں اپنے درمیان کم از کم دو میٹر کی دوری قائم رکھنے کی ہدایت کی گئی ہے۔
ان دو ریاستوں کی جانب سے اس نوعیت کے احکامات جاری کرنے کے بعد اب امریکہ میں مجموعی طور پر ایسی 16 ریاستیں ہو چکی ہیں جہاں کورونا وائرس کے پھیلاؤ کو روکنے کے لیے شہریوں پر پابندیاں عائد کی گئی ہیں۔
امریکہ میں کورونا وائرس کے مصدقہ متاثرین کی تعداد 62,086 ہو چکی ہے جبکہ ہلاکتوں کی تعداد 894 ہے۔
چار فروری کو امریکی صدر ڈونلڈ ٹرمپ نے اپنے سٹیٹ آف دی یونیں خطاب میں کہا تھا کہ ’نوکریاں عروج پر ہیں، آمدنی میں اضافہ ہورہا ہے، غربت میں تیزی سے کمی آ رہی ہے، جرائم کی شرح کم ہو رہی ہے، اعتماد بڑھ رہا ہے اور ہمارا ملک ترقی کر رہا ہے۔‘
ٹرمپ21.44 ٹریلین ڈالر کی مضبوط امریکی معیشت کے بارے میں پُرجوش تھے۔ یاد رہے کہ چین کا جی ڈی پی 14.4 ٹریلین ڈالر، انڈیا کا 2.8 ٹریلین اور پاکستان کا جی ڈی پی 320 بلین ڈالر ہے۔
لیکن یہ وہ دور تھا جب رپورٹس میں بتایا گیا تھا کہ چین میں پہلے ہی کورونا وائرس سے ہزاروں افراد کی ہلاکت ہو چکی ہے اور لاکھوں افراد اس سے متاثر ہو چکے ہیں۔ اس وقت تک امریکہ میں اس بحران کے سنگین اثرات نمودار ہونا شروع نہیں ہوئے تھے۔
یورپ میں ایک اور ڈرامائی دن گزرا اور کورونا وائرس سے متاثرہ افراد کی تعداد اور ہلاکتوں میں اضافہ ہوا ہے۔
فلسطین میں کورونا وائرس سے متاثرہ خاتون کی موت واقع ہو گئی ہے۔ فلسطینی حکام کا کہنا ہے کہ رام اللہ کے قریبی علاقے بدو کی رہائشی خاتون 60 کے پیٹے میں تھیں۔
مقبوضہ مغربی کنارے میں 62 جبکہ غزہ میں دو افراد کورونا وائرس کا شکار ہوئے ہیں۔
خطے کے دیگر ممالک میں صورتحال:
کورونا وائرس کے پھیلاؤ کے حوالے سے اعداد و شمار اکٹھی کرنے والی امریکہ کی جانز ہاپکنز یونیورسٹی کے مطابق دنیا بھر میں اس وبا سے ہلاک ہونے والوں کی تعداد 20 ہزار سے زیادہ ہو چکی ہے۔
ساتھ ہی کورونا کے مصدقہ مریضوں کی تعداد بھی ساڑھے چار لاکھ سے زیادہ ہو گئی ہے۔
ہم میں سے بہت سے لوگ یہ سوچ رہے ہیں کہ کیا کھانے یا پیکج کے ذریعے سے کورونا وائرس لگنے کا خطرہ ہے یا نہیں؟
تاہم، کھانے کے ذریعے سے کووِڈ 19 پھیلنے کے کوئی شواہد موجود نہیں ہیں۔
لیکن لندن سکول آف ہائیجین اینڈ ٹروپیکل میڈیسن کی پروفیسر سیلی بلومزفیلڈ کہتی ہیں کہ بلاشبہ ’صفر رسک‘ نام کی کوئی چیز نہیں ہے لیکن کسی چیز کے پیکٹ سے وائرس کی منتقلی کا ممکنہ خدشہ موجود ہوتا ہے کیونکہ لوگ پیکٹ کو ہاتھ لگائیں گے اور ہاتھ سے وائرس پیکٹ پر منتقل ہو سکتا ہے۔
ریستوران سے پیک کروائے گئے کھانے کے پیکٹ سے وائرس کی منتقلی کا خدشہ کم کیا جا سکتا ہے۔ پروفیسر سیلی تاکید کرتی ہیں کہ کھانا نکال کر پیکٹ کو کچرے میں پھینک دیں اور کھانا کھانے سے پہلے 20 سیکنڈ تک صابن اور پانی سے اچھی طرح سے ہاتھ دھوئیں۔
گھر پہنچایا جانے والا سودا سلف کتنا محفوظ ہے؟
گھر سودا سلف منگوانا بازار جا کر سودا سلف خریدنے سے کہیں کم پُرخطر ہے کیونکہ منتقلی کا خدشہ کسی سطح پر ہاتھ لگانے کی وجہ سے پیدا ہوتا ہے۔ جب کوئی متاثرہ شخص کسی سطح کو چھوتا ہے تو وہ سطح پر وائرس منتقل کر سکتا ہے۔
کم قوتِ مدافعت والے افراد کے لیے خریداری کرنے اور کھانا ان تک پہنچانے کا مطلب ہے کہ وہ پُرخطر ماحول سے بچ سکتے ہیں۔
پروفیسر سیلی کے مطابق ’ہمیں پتا ہے کہ کورونا وائرس کی جسم سے باہر افزائش نہیں ہو سکتی تو جب تک کھانا آپ تک پہنچتا ہے تو وائرس کی آپ کو متاثر کرنے کی طاقت کم ہو جاتی ہے کیونکہ جیسے ہی وائرس متاثرہ شخص کے جسم کو چھوڑتا ہے، اس کی طاقت کم ہونے لگتی ہے۔‘
وہ کہتی ہیں کہ لوگوں کو گھر میں صفائی کے لیے استعمال کرنے والی بلیچ کو پانی میں ملا کر پلاسٹک اور شیشے کے برتن دھونے چاہییں۔
’ایسی تازہ چیزیں جو پیکٹ میں نہ ہوں اور ان پر کسی کے بھی ہاتھ لگ سکتے ہوں، انھیں پانی سے دھوئیں اور خشک ہونے کے لیے رکھ دیں۔‘
ان کے مطابق فی الحال اگر ہو سکے ہو کچی اشیا کی بجائے تازہ پکی ہوئی غذا کھائیں تاکہ موجودہ وائرس کا خاتمہ ہو جائے۔
آٹھ مارچ کی صبح پانچ بجے انڈیا کی شمالی ریاست راجستھان میں ایک نجی ہسپتال کے انتہائی نگہداشت یونٹ میں ایک 68 سالہ شخص نمونیہ جیسی علامات کے ساتھ زیر علاج تھا اور اس شخص کو سانس لینے میں بھی دشواری پیش آ رہی تھی۔
بھیلواڑہ علاقے کے برجیش میموریل ہسپتال میں 58 سالہ ڈاکٹر آلوک متتل ااور ان کی ٹیم ایک اور مریض کا معائنہ کر رہی ہے۔ اس مریض سے نہ تو یہ پوچھا گیا کہ آیا حال ہی میں انھوں نے کوئی سفر کیا ہے یا نہیں اور نہ ہی مریض نے خود سے کوئی تفصیل بتائی۔ اس وقت آئی سی یو میں مزید چھ مریض زیر علاج ہیں۔
68 سالہ شخص کی حالت میں کوئی بہتری نہیں آئی اور دو روز بعد مریض کو خصوصی علاج کے لیے تقریباً 250 کلومیٹر دور جے پور شہر کے ایک نجی ہسپتال پھیج دیا گیا۔
ہسپتال کی نرس کا کہنا تھا کہ ہمیں نہیں معلوم تھا کہ کیا ہونے والا ہے۔
امریکہ میں دن کا آغاز ہو چکا ہے۔ ملک بھر سے خبروں کا مختصر جائزہ
بی بی سی کی رجنی ودیاناتھن کے مطابق انڈیا کے کئی حصوں میں پہلے سے ہی سخت انتظامات کیے جا چکے تھے اور ممبئی اور دلی جیسے بڑے شہروں میں لاک ڈاؤن کی صورتحال ہے۔
تاہم یہ نیا اقدام ملک کے کونے کونے پر لاگو ہوتا ہے۔
اتوار کو ہونے والا ایک روزہ کرفیو زیادہ کارآمد ثابت نہیں ہوا تھا اور کئی لوگ گھروں سے باہر گھومتے نظر آئے۔
وزیر اعظم نریندر مودی نے انڈیا کے لوگوں سے کہا تھا کہ وہ تالیاں بجا کر جان بچانے والے شعبوں میں کام کرنے والوں کو خراجِ تحسین پیش کریں۔ تاہم کئی جگہوں پر اس کال کا غلط مطلب لیا گیا اور لوگ ناچتے گاتے سڑکوں پر نکل آئے۔
وزیراعظم نے خبر دار کیا کہ اگر انڈین قوم نے غیر ذمہ داری کا مظاہرہ کیا تو ملک کو اس کی بھاری قیمت چکانا پڑے گی۔ ان کا کہنا تھا: ’سماجی دوری ہی کورونا وائرس سے نمٹنے کا واحد طریقہ ہے۔‘