پنجاب میں اِن ہاؤس تبدیلی ممکن ہے، انتخابات سے قبل عمران خان گرفتار اور نااہل ہو سکتے ہیں: آصف زرداری

لائیو کوریج

1. 29 نومبر 2022بریکنگ, الیکشن کمیشن کا عمران خان پر 30 ہزار روپے جرمانہ برقرار رکھنے کا فیصلہ

   الیکشن کمیشن نے چئیرمین تحریک انصاف عمران خان پر انتخابی ضابطہ اخلاق کی خلاف ورزی کیس میں 30 ہزار روپے جرمانہ برقرار رکھنے کا فیصلہ سنا دیا ہے۔

   اس ضمن میں عمران خان کی اپیل مسترد کر دی گئی ہے جبکہ الیکشن کمیشن نے رانا ثنااللہ کے خلاف اپیل منظور کر لی ہے۔

   الیکشن کمیشن نے کہا کہ ’جرمانے کے خلاف تین روز میں اپیل دائر کی جا سکتی تھی، ڈسٹرکٹ مانیٹرنگ افسر نے عمران خان کو ضابطہ اخلاق کی خلاف ورزی پر جرمانہ عائد کیا تھا۔‘

   دوسری جانب این اے 108 میں رانا ثنا اللہ کی جانب سے ضابطہ اخلاق کی خلاف ورزی پر الیکشن کمیشن نے اپیل منظور کر لی۔

   ڈسٹرکٹ مانیٹرنگ افسر نے رانا ثنا اللہ کو 10 ہزار روپے جرمانہ عائد کیا تھا جبکہ الیکشن کمیشن نے دلائل مکمل ہونے پر رانا ثنا اللہ پر عائد جرمانہ ختم کر دیا تھا۔

2. 29 نومبر 2022اعظم سواتی پر ایک ہی واقعے کے پچاس مقدمات درج ہو چکے ہیں: بابر اعوان کا عدالت میں مؤقف

   اسلام آباد ہائیکورٹ کے چیف جسٹس عامر فاروق کی عدالت نے پاکستان تحریک انصاف کے رہنما سینیٹر اعظم سواتی کے خلاف درج مقدمات کی تفصیلات طلب کرنے سے متعلق کیس میں ڈپٹی اٹارنی جنرل کو وزارت داخلہ سے ہدایات لینے کا حکم دے دیا ہے۔

   منگل کے روز سماعت کے دوران بابر اعوان ایڈووکیٹ عدالت پیش ہوئے اور مؤقف اختیار کیا کہ اعظم سواتی پر ایک ہی واقعے کے پچاس مقدمات درج ہو چکے ہیں۔

   ان کے مطابق سندھ اور بلوچستان میں زیادہ تر مقدمات درج کیے گئے۔ اعظم سواتی اسلام آباد میں جسمانی ریمانڈ پر ہیں اور آئی جیز پر سیکریٹری داخلہ کا کنٹرول ہوتا ہے۔

   عدالت نے ڈپٹی اٹارنی جنرل کو سیکریٹری داخلہ سے ہدایات لینے کا حکم دیتے ہوئے استفسار کیا کہ ’کیسے سیکریٹری داخلہ کا کنٹرول صوبائی آئی جیز پر ہوتا ہے؟‘

3. 29 نومبر 2022پرویز الہٰی اور پرویز خٹک کی اسلام آباد میں ملاقات، اسمبلیوں کے امور کا جائزہ

   پاکستان تحریک انصاف کے رہنما و سابق وفاقی وزیر پرویز خٹک نے وزیراعلیٰ پنجاب چودھری پرویزالہٰی سے اسلام آباد میں ملاقات کی ہے۔

   اعلامیے کے مطابق اس ملاقات میں اسمبلی کے رولز آف پروسیجر اور تکنیکی پہلوؤں کا جائزہ لیا گیا۔

   واضح رہے کہ اب سے چند دن قبل عمران خان نے کہا تھا کہ وہ پنجاب اور خیبر پختونخوا کی اسمبلیاں توڑ دیں گے اور گذشتہ روز فواد چوہدری نے کہا تھا کہ اس معاملے پر پارٹی میں اتفاق ہو گیا ہے۔

   چوہدری پرویز الہٰی نے بھی عمران خان کے بیان کے بعد کہا تھا کہ اگر اُنھیں اسمبلی توڑنے کا کہا گیا تو وہ بلاتردد ایسا کر گزریں گے۔

4. 29 نومبر 2022وزیرِ مملکت حنا ربانی کھر کی افغانستان کے عبوری وزیرِ خارجہ سے ملاقات

   وزیرِ مملکت برائے امورِ خارجہ حنا ربانی کھر آج افغانستان کے دورے پر کابل پہنچی ہیں جہاں اُنھوں نے عبوری افغان حکومت کے وزیرِ خارجہ امیر خان متقی سے ملاقات کی۔

   دفترِ خارجہ کے ایک اعلامیے کے مطابق اس موقع پر تعلیم، صحت، تجارت و سرمایہ کاری، علاقائی رابطوں، عوام کے درمیان تعلقات اور سماجی و اقتصادی پراجیکٹس پر بات کی گئی۔

5. 29 نومبر 2022اعظم سواتی کا مزید چار دن کا ریمانڈ منظور، عدالت میں حاضری سے استثنیٰ دے دیا گیا, شہزاد ملک، بی بی سی

   اسلام آباد کے سینیئر سول جج محمد شبیر کی عدالت میں پی ٹی آئی کے سینیٹر اعظم سواتی کے خلاف متنازع ٹویٹس کے مقدمے کی سماعت ہوئی۔

   اس موقع پر ایف آئی اے نے سینیٹر کے مزید چھ دن ریمانڈ کی درخواست کی۔ ایف آئی اے کے وکیل نے کہا کہ اُنھیں موبائل اور ٹوئٹر اکاؤنٹ کے حوالے سے مزید تفتیش کرنی ہے۔

   ملزم اعظم سواتی کی جانب سے بابر اعوان پیش ہوئے۔

   عدالت نے اعظم سواتی مزید چار روزہ جسمانی ریمانڈ منظور کر لیا۔

   ملزم کے وکیل نے عدالت سے استدعا کی کہ اعظم سواتی کو سکیورٹی خدشات کے پیش نظر عدالت میں حاضری سے استثنیٰ دیا جائے، جسے عدالت نے منظور کر لیا۔

   عدالت نے پیشی سے استثنیٰ کی درخواست منظور کرتے سماعت ملتوی کر دی۔ عدالت نے کہا کہ آئندہ حکم تک اعظم سواتی کو عدالت میں پیش نہ کیا جائے۔

6. 29 نومبر 2022جنرل قمر جاوید باجوہ نے پاکستانی فوج کی کمان جنرل عاصم منیر کے حوالے کر دی

7. 29 نومبر 2022جنرل قمر جاوید باجوہ کا الوداعی خطاب

   جنرل قمر جاوید باجوہ نے جی ایچ کیو میں آخری خطاب میں پاکستانی فوج کے افسران اور جوانوں کی قربانیوں کو سراہا۔ اُنھوں نے کہا کہ پاکستانی فوج نے محدود وسائل کے باوجود دہشتگردی اور بیرونی خطرات سے پاکستان کو محفوظ رکھا ہے۔

   ان کا کہنا تھا کہ پاکستانی فوج جنرل عاصم منیر کی قیادت میں مزید ترقی کرے گی۔

   جنرل باجوہ نے اس موقع پر نئے آرمی چیف جنرل عاصم منیر کے لیے نیک تمناؤں کا اظہار کیا۔

   اس سے قبل جنرل باجوہ نے گارڈ آف آنر کا معائنہ کیا اور اُنھیں ان کی اپنی رجمنٹ 16 بلوچ نے سلامی پیش کی۔

8. 29 نومبر 2022بی بی سی اردو کے لائیو پیج میں خوش آمدید

   ہمارا پچھلا لائیو پیج یہاں ملاحظہ کریں۔