تیزگام ایکسپریس میں آتشزدگی سے 74 افراد ہلاک

پاکستان کے صوبہ پنجاب کے ضلع رحیم یار خان میں ایک مسافر ٹرین میں آگ لگنے سے کم از کم 74 افراد ہلاک ہوگئے ہیں اور لاشوں کی شناخت کے لیے ڈی این اے ٹیسٹ کیے جائیں گے۔

لائیو کوریج

عماد خالق, حسن بلال زیدی and کومل فاروق

31 اکتوبر 2019ٹرین کے مسافر سامان میں کیا نہیں لے جاسکتے؟
،تصویر کا ذریعہGetty Images
پاکستان ریلوے نے جمعرات کو حادثے کے بعد ایک نوٹیفکیشن جاری کیا ہے جس میں واضح طور پر کہا گیا ہے کہ ٹرین میں گیس سلنڈر لے جانا منع ہے۔
تاہم ادارے کی ویب سائٹ پر صاف طور پر مسافروں کو آگاہ کیا گیا ہے کہ کون سی چیز ٹرین میں سفر کے دوران لے جانا منع ہے۔
ان میں درج ذیل چیزیں ٹرین میں لے جانا منع ہے:
- دھماکہ خیز یا خطرناک مواد
- جانوروں کی کھال جن کی پیکنگ درست نہ ہو۔
- سامان میں حد سے زیادہ کوئی چیز جس کے اضافے پیسے درکار ہوں
- تیل، گھی، گریس یا پینٹ جو اپنی پیکنگ کی وجہ سے لیک کر سکتا ہو
31 اکتوبر 2019ریسکیو عملہ: ’ہمیں پتہ نہیں تھا بوگیوں میں کتنے افراد ہیں‘
،تصویر کا ذریعہRescue 1122
رحیم یار خان کے ریسکیو 1122 کے میڈیا کورڈینیٹر عدنان نے بی بی سی سے بات کرتے ہوئے بتایا کہ ’حادثے کے وقت ریسکیو کارروائیوں میں سب سے بڑی مشکل یہ تھی کے ہمیں پتہ نہیں تھا کہ بوگیوں کے اندر کتنے افراد موجود ہیں۔‘
انھوں نے کہا کہ جب ریسکیو کارروائیوں کا آغاز کیا گیا اس وقت ٹرین کے اندر کا درجہ حرارت بہت زیادہ تھا۔
ان کا کہنا تھا کہ ٹرین کی آگ بجھانے کے عمل میں ایک گھنٹے کا وقت لگا جبکہ کولنگ کا عمل 30 منٹ میں مکمل کر لیا گیا۔
31 اکتوبر 2019وزیر اعلی عثمان بزدار کا رحیم یار خان میں بھی برن یونٹ بنانے کا اعلان
،تصویر کا ذریعہGetty Images
رحیم یار خان میں پریس کانفرنس کرتے ہوئے وزیر اعلی پنجاب عثمان بزدار نے ایک صحافی کے سوال کے جواب میں اعلان کیا ہے کہ رحیم یار خان میں بھی ایک برن یونٹ کھولا جائے گا۔
31 اکتوبر 2019رحیم یار خان ٹرین حادثہ: ’ہر آدمی موت کو دیکھ چکا تھا‘
،ویڈیو کیپشنرحیم یار خان ٹرین حادثہ: ’ہر آدمی اپنے طور پر موت کو دیکھ چکا تھا‘
رحیم یار خان ٹرین حادثہ کے عینی شاہدین کے مطابق آگ لگنے کے بعد ہر طرف افراتفری کا عالم تھا، کچھ لوگوں نے گاڑی کی زنجیر کھینچ کر اور باہر نکل کر بہت مشکل سے اپنی جان بچائی۔
عینی شاہدین نے مزید کیا کہا، جاننے کے لیے دیکھیے یہ ویڈیو۔
31 اکتوبر 2019میرے دور میں سب سے کم ٹرین حادثے ہوئے: شیخ رشید
وفاقی وزیر ریلوے نے ملتان میں پریس کانفرنس کرتے ہوئے دعوی کیا کہ ان کے دور میں سب سے کم ٹرین حادثات ہوئے ہیں۔
31 اکتوبر 2019شیخ رشید: سانحہ تیز گام کی انکوائری جلد ہوگی
وفاقی وزیر ریلوے نے ملتان میں پریس کانفرنس کرتے ہوئے کہا ہے کہ سانحہ تیزگام ایکسپریس کی انکوائری ہوگی جس کے رپورٹ 15 دن میں ملے گی اور جو بھی ذمے دار ہو گا اس کے خلاف کارروائی کی جائے گی۔
ان کا کہنا تھا کہ تیزگام ایکسپریس زنجیر کھینچنے کی وجہ سے رکی ورنہ پوری ٹرین جل جاتی۔
31 اکتوبر 2019بریکنگ, وفاقی وزیر ریلوے کی ملتان میں پریس کانفرنس
وفاقی وزیر ریلوے شیخ رشید نے ملتان میں پریس کانفرنس کرتے ہوئے کہا کہ ٹرین حادثے میں 74 افراد ہلاک ہوئے ہیں۔
31 اکتوبر 2019حادثہ کہاں پیش آیا؟
اطلاعات کے مطابق تیزگام ایکسپریس میں آتشزدگی کا واقعہ رحیم یار خان کے قریب لیاقت پور تحصیل کے علاقے چنی گوٹھ میں پیش آیا۔
31 اکتوبر 2019سوشل میڈیا صارفین کی حکومت پر تنقید
X پوسٹ نظرانداز کریں
X کا مواد دکھانے کی اجازت دی جائے؟?
اس تحریر میں ایسا مواد ہے جو X کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے X ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔
تنبیہ: بی بی سی دیگر ویب سائٹس کے مواد کی ذمہ دار نہیں ہے۔
X پوسٹ کا اختتام
صحافی ضرار کھوڑو نے وفاقی وزیر ریلوے شیخ رشید کی جانب سے ٹرین حادثے میں ہلاک اور زخمی ہونے والے مسافروں کو امدادی معاوضے کے اعلان کے بعد تنقید کا نشانہ بناتے ہوئے ٹویٹ کیا کہ ’بنیادی سکیورٹی اقدامات اٹھانے کے لیے یہاں پیسے نہیں ہیں لیکن ہلاک ہونے والوں کو ’امدادی معاوضہ‘ دینے کے لیے بہت پیسے ہیں۔
31 اکتوبر 2019پاکستان میں اتنے ٹرین حادثات کیوں پیش آتے ہیں؟
،تصویر کا ذریعہGetty Images
بی بی سی کے نامہ نگار دانش حسین نے اپنی جولائی 2019 کی رپورٹ میں بتایا تھا کہ ٹرین حادثات کی بڑی وجوہات میں ٹرینوں کا پٹڑی سے اتر جانا یا ٹرینوں کے درمیان تصادم شامل ہے۔
سیکریٹری ریلوے سکندر سلطان راجہ نے بی بی سی کو بتایا تھا کہ پاکستان میں ٹرین حادثات کی تین بڑی وجوہات میں سرِفہرست ریلوے ٹریک سے متعلقہ مسائل ہیں جبکہ رولنگ سٹاک (ریل کے انجن اور بوگیاں) اور ریلوے سگنل کا نظام بھی حادثات کی وجہ بنتا ہے۔
ان کے علاوہ ہیومن ریسوس یا افرادی قوت کی کمی بھی ایک بڑا مسئلہ ہے۔
31 اکتوبر 2019رائیونڈ کا تبلیغی اجتماع کیا ہے؟, شہزاد ملک، بی بی سی اردو ڈاٹ کام
،تصویر کا ذریعہGetty Images
لاہور کے علاقے رائیونڈ میں تبلیغی اجتماع قیام پاکستان سے پہلے سے منعقد ہورہا ہے اور اس کی بنیاد مولانا محمد الیاس نے سنہ 1926 میں رکھی تھی۔
مولانا محمد الیاس مسلمانوں کے دیوبند مسلک سے تعلق رکھتے تھے۔ یہ مذہبی اجتماع ہر سال اکتوبر کے آخری ہفتے میں شروع ہوتا ہے اور 6 دن تک جاری رہتا ہے۔
اس اجتماع میں شرکت کرنے والے محمد اشفاق خان کے مطابق چونکہ اس اجتماع میں پورے ملک سے لوگ شرکت کرتے ہیں اور جگہ بھی کم ہے، اس لیے اجتماع کی انتظامیہ نے دو دو صوبوں کو دو مختلف گروپوں میں تقسیم کیا ہوا ہے۔
31 اکتوبر 2019وزیر اعظم عمران خان کا تیز گام ایکسپریس ٹرین حادثے پر اظہار افسوس
X پوسٹ نظرانداز کریں
X کا مواد دکھانے کی اجازت دی جائے؟?
اس تحریر میں ایسا مواد ہے جو X کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے X ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔
تنبیہ: بی بی سی دیگر ویب سائٹس کے مواد کی ذمہ دار نہیں ہے۔
X پوسٹ کا اختتام
وزیر اعظم عمران خان نے تیز گام ٹرین حادثے ٹویٹ کرتے ہوئے کہا کہ ’تیزگام کو پیش آنے والے المناک حادثے پر دل نہایت رنجیدہ ہے۔‘انھوں نے متاثرہ خاندانوں کے ساتھ اظہار ہمدردی کرتے ہوئے حادثے کی فوری تحقیقات ہنگامی بنیادوں پر مکمل کرنے کے احکامات بھی کیے۔
31 اکتوبر 2019تبلیغی اجتماع کے حوالے سے نئے احکامات
پاکستان ریلوے کی جانب سے تبلیغی اجتماع میں شامل ہونے والے افراد کے لیے نئے احکامات جاری کر دیے گئے ہیں:
- نوٹیفکیشن کے مطابق رائیونڈ لاہور ریلوے اسٹیشن پر ہر مسافر سفر کے دوران اصل شناختی کارڈ پاس رکھے گا اور فوٹو کاپی جمع کروانے کا پابند ہوگا۔
- ریلوے پولیس ہر مسافر کو جامہ تلاشی لینے کے بعد داخلے کی اجازت دے گی۔
- کسی بھی غیر متعلقہ شخص کو ریل گاڑی میں سوار ہونے نہیں دیا جائے گا۔
31 اکتوبر 2019پاکستان میں پیش آنے والے حالیہ ٹرین حادثے
،تصویر کا ذریعہGetty Images
جولائی 2019: رحیم یار خان کے قریب کوئٹہ جانے والی اکبر ایکسپریس ایک مال گاڑی سے ٹکرائی جس کے نتیجے میں 20 سے زیادہ مسافر ہلاک ہوئے تھے۔
اکتوبر 2016: پاکستان کے صوبہ بلوچستان کے شہر مچھ کے قریب ریلوے ٹریک پر ہونے والے دھماکوں میں چھ افراد ہلاک اور 21 زخمی ہوگئے تھے۔
نومبر 2015: پاکستان کے صوبہ بلوچستان کے ضلع بولان میں ریل گاڑی کے حادثے میں کم از کم 12 افراد ہلاک اور درجنوں زخمی ہوگئے تھے۔ کوئٹہ میں ریلوے کنٹرول کے مطابق یہ حادثہ کوئٹہ سے راولپنڈی جانے والی جعفر ایکسپریس کو پیش آیا تھا۔
جولائی 2015: پاکستان کے صوبہ پنجاب کے شہر وزیرِ آباد کے قریب فوجیوں کو لے جانے والی خصوصی ٹرین کی چار بوگیاں نہر میں گرنے سے 18 افراد ہلاک ہوئے تھے۔
31 اکتوبر 2019رواں برس رحیم یار خان میں ٹرین حادثات
،تصویر کا ذریعہGetty Images
یہ رواں برس رحیم یار خان کی حدود میں کسی ریل گاڑی کو پیش آنے والا دوسرا بڑا حادثہ ہے۔
اس سے قبل جولائی میں رحیم یار خان کے قریب ہی کوئٹہ جانے والی اکبر ایکسپریس ایک مال گاڑی سے ٹکرائی تھی اور اس حادثے میں 20 سے زیادہ مسافر ہلاک جبکہ 60 سے زیادہ زخمی ہوئے تھے۔
31 اکتوبر 2019وزیر ریلوے شیخ رشید شیخ زید ہسپتال رحیم یار خان پہنچ گئے, وفاقی وزیر ریلوے کی تیز گام ٹرین حادثے کے زخمیوں کی عیادت
وفاقی وزیر ریلوے شیخ رشید احمد نے شیخ زید ہسپتال رحیم یار خان میں زخمیوں کی عیادت کرتے ہوئے امدادی معاوضے کا کا اعلان بھی کیا۔ شیخ رشید احمد نے زخمیوں کو بہترین طبی سہولیات فراہم کرنے کی ہدایات بھی جاری کیں۔ وزیر ریلوے سی ایم ایچ ملتان کا دورہ بھی کریں گے۔
،تصویر کا ذریعہRailway Ministry
31 اکتوبر 2019’بھائی کا فون آیا کہ ٹرین میں آگ لگ گئی‘
،تصویر کا ذریعہHAJI MOHAMMAD ARIF
میرپور خاص سے تعلق رکھنے والے ایک 32 سالہ شخص محمد عمران بھی حادثے میں متاثر ہوئے ہیں۔
ان کے بھائی حاجی محمد عارف نے بی بی سی کو بتایا کہ وہ اس وقت میرپور خاص سے سکھر پہنچ چکے ہیں۔وہ کہتے ہیں ’مجھے صبح چھ بج کر 40 منٹ پر بھائی عمران کا فون آیا۔
اس نے بتایا کہ جب ٹرین میں آگ لگی تو میں کود گیا۔ وہ بتا رہا تھا کہ میں بہت زیادہ زخمی ہوں، بہت ہی زیادہ زخمی ہوں۔ ‘
31 اکتوبر 2019آگ کیسے شروع ہوئی؟
،تصویر کا ذریعہRESCUE1122
آتشزدگی کا شکار ہونے والی تیزگام ایکسپریس ٹرین کے ایک مسافر عرفان، جو اس حادثے کے عینی شاہد ہیں، نے بتایا ’کچھ علم نہیں کہ کیا ہوا بس شروع میں ٹرین کی بوگی میں ایک دم دھواں بھرگیا اور 10 منٹ تک دھواں ہی رہا جس کے بعد آگ بھڑک اٹھی۔ دھواں بھرنے کی اتنی شدت تھی کہ کچھ سمجھ نہیں آیا۔ ہم نے اپنی جان بچانے کے لیے ٹرین کو رکوایا اور کھڑکی توڑ کر باہر نکلنے کی کوشش کی۔ بوگی میں مسافر حیدرآباد سے سوار ہوئے تھے اور لاہور کے نواحی قصبے رائیونڈ میں تبلیغی اجتماع میں شرکت کے لیے جا رہے تھے۔‘
31 اکتوبر 2019لواحقین کہاں رابطہ کرسکتے ہیں؟
،تصویر کا ذریعہPAKISTAN RAILWAYS
پاکستان ریلوے نے زخمی اور ہلاک ہونے والے مسافروں سے متعلق معلومات کے حصول کے لیے خصوصی ہیلپ لائن قائم کردی ہے۔ ریلوے ترجمان کے مطابق لواحقین ان نمبروں پر فون کر کے معلومات حاصل کر سکتے ہیں۔
31 اکتوبر 2019ہلاک ہونے والوں کی شناخت میں تاخیر
اپنے ویڈیو پیغام میں شیخ رشید کا کہنا تھا ’ٹرین کی دو بوگیاں تبلیغی جماعت سے تعلق رکھنے والے امیر حسین کے نام پر بک کی گئیں تھیں۔ ان میں سے دو بوگیاں اکانومی جبکہ ایک بزنس کلاس کی تھی۔‘
مسافروں کی مکمل تفصیلات نہ ہونے کی وجہ سے حکام کو مشکلات کا سامنا کرنا پڑا ہے۔ ان کا کہنا تھا مسافروں کا تعلق صوبہ سندھ کے علاقوں محراب پور، نوابشاہ اور حیدرآباد سے ہے۔