عمران نااہلی سے بچ گئے، جہانگیر نااہل: کب کیا ہوا؟

لائیو کوریج

1. 15 دسمبر 2017

   ایک اور صارف نے ٹویٹ کرتے ہوئے کہا ’بڑا فیصلہ؟ کیا ہو گا؟‘

2. 15 دسمبر 2017’جوں جوں وقت قریب آ رہا ہے، رش بڑھ رہا ہے‘

   نامہ نگار شیراز حسن کا کہنا ہے کہ جوں جوں سماعت کے آغاز کا وقت قریب آرہا ہے احاطہ عدالت میں رش بڑھ رہا ہے۔۔۔ سیاسی رہنماؤں کی آمد کا سلسلہ بھی جاری ہے۔

3. 15 دسمبر 2017’لطیفہ یاد آیا ہے جو میں ٹی وی پر نہیں سنا سکتا‘

   پاکستان تحریک انصاف کے چیئرمین عمران خان کے وکیل نعیم بخاری نے سپریم کورٹ کے باہر صحافیوں کے سوالات کا جواب دیتے ہوئے کہا کہ ’میں کیس پر بحث کر چکا ہوں جس پر فیصلہ آج آنے والا ہے، اب مجھے کیا پتہ کہ فیصلہ کیا آئے گا۔‘

   ایک صحافی نے نعیم بخاری سے پوچھا کہ کیا عمران خان پریشان ہیں؟ جس پر نعیم بخاری نے کہا کہ ’اس پریشانی کے سوال پر مجھے لطیفہ یاد آیا ہے جو میں ٹی وی پر نہیں سنا سکتا۔ جب میں فیصلے کے بعد واپس آؤں تو بغیر کیمرے کے میں وہ لطیفہ سناؤں گا کہ جب ایک شخص بنا بتائے کسی کے گھر گیا تو اس نے وہاں کیا دیکھا۔‘

4. 15 دسمبر 2017

   ٹویٹر پر ایک صارف نعمان خان نے لکھا ’تیار ہو جائیں ایک بار پھر مجھے کیوں نکالا سننے کے لیے۔ لیکن اس بار نواز شریف نہیں کہیں گے‘

5. 15 دسمبر 2017#SupremeCourt کا ہیش ٹیگ

   پاکستان کی سپریم کورٹ پاکستان تحریک انصاف کے سربراہ عمران خان اور پارٹی کے جنرل سیکریٹری جہانگیر ترین کی نااہلی کے لیے دائر درخواستوں پر کچھ دیر میں فیصلہ سنائے گی۔ ٹویٹر پر #SupremeCourt ٹرینڈ کر رہا ہے۔

6. 15 دسمبر 2017

7. 15 دسمبر 2017عدالت نے گذشتہ ماہ فیصلہ محفوظ کر لیا تھا

   عمران خان اور جہانگیر ترین کے خلاف انتخابی گوشواروں میں اپنے کچھ اثاثہ جات کو ظاہر نہ کرنے کے حوالے سے حنیف عباسی کی درخواست پر سپریم کورٹ نے فیصلہ نومبر میں محفوظ کر لیا تھا۔ یہاں پڑھیے اس سماعت میں کیا ہوا تھا۔

8. 15 دسمبر 2017میڈیا موجود کارکنان غائب

   نامہ نگار شیراز حسن کے مطابق سپریم کورٹ احاطہ میں میڈیا کے نمائندوں کی بڑی تعداد موجود ہے تاہم سوشل میڈیا پر پی ٹی آئی کے متحرک کارکنان جو گذشتہ پیشیوں پر سپریم کورٹ آتے رہے تھے آج یہاں موجود نہیں ہیں

9. 15 دسمبر 2017بریکنگ, ’جو بھی فیصلہ ہو عمران خان جلسے میں شریک ہوں گے‘

   نامہ نگار سحر بلوچ کا کہنا ہے کہ اب تک یہ واضح نہیں ہوا ہے کہ عمران خان پریس کانفرنس کے بعد ٹنڈو محمد خان جائیں گے یا نہیں تاہم پارٹی ارکان کا کہنا ہے کہ جو بھی فیصلہ ہو عمران خان جلسے میں شریک ہوں گے۔

10. 15 دسمبر 2017

    پاکستان کی سپریم کورٹ پاکستان تحریک انصاف کے سربراہ عمران خان اور پارٹی کے جنرل سیکریٹری جہانگیر ترین کی نااہلی کے لیے دائر درخواستوں پر جمعے کو فیصلہ سنا رہی ہے اور اس کی کوریج کے لیے سپریم کورٹ کے باہر میڈیا کی بڑی تعداد موجود ہے۔

11. 15 دسمبر 2017بریکنگ, عمران خان آج تین بجے کراچی میں پریس کانفرنس کریں گے

    کراچی سے ہماری نامہ نگار سحر بلوچ نے بتایا کہ پاکستان تحریک انصاف کے چئیرمین عمران خان کو آج صبح ٹنڈو محمد خان میں جلسے کے لیے روانہ ہونا تھا لیکن آج سپریم کورٹ میں نااہلی کیس میں دو بجے فیصلہ آنے کے بعد وہ تین بجے کراچی میں میڈیا سے گفتگو کریں گے۔

12. 15 دسمبر 2017’نہ عمران، نہ ترین، آج پاکستان کاٹرائل ہے‘

    پاکستان مسلم لیگ ن کے رہنما دانیال عزیز کا کہنا ہے کہ ’نہ عمران خان کا ٹرائیل ہے نہ جہانگیر ترین کا ٹرائیل ہے۔ آج پاکستان کا نظام ٹرائیل پر ہے۔‘

13. 15 دسمبر 2017عمران خان کا سیاسی سفر

    1952 لاہور میں پیدائش ہوئے، ایچیسن کالج لاہور اور آکسفرڈ یونیورسٹی برطانیہ سے تعلیم حاصل کی۔

    1992عالمی کرکٹ کپ میں فتح

    1996 پاکستان تحریکِ انصاف کا قیام

    2002 پہلی انتخابی فتح، آئندہ عام انتخابات میں شکست ہوئی

    2013 عام انتخابات میں 33 نشستیں، تیسری بڑی پارٹی

    اگست 2014 دھاندلی کے الزامات پر لانگ مارچ اور دھرنا

    اگست 2016 سپریم کورٹ میں نواز شریف کے خلاف نااہلی کی درخواست

    نومبر 2016 عمران خان اور جہانگیر ترین کی نااہلی کی درخواست

14. 15 دسمبر 2017’دستاویزات میں بھی تضاد ہے تاہم اس پر حتمی رائے فیصلے میں دی جائے گی‘

    سپریم کورٹ نے پاکستان تحریک انصاف کے چیئرمین کی نااہلی سے متعلق درخواستوں کی سماعت کے دوران کہا ہے کہ بادی النظر میں عمران خان کی طرف سے جمع کروائی گئی دستاویزات میں بھی تضاد ہے تاہم اس پر حتمی رائے فیصلے میں دی جائے گی۔

    عمران خان کے وکیل نعیم بخاری کا کہنا تھا کہ دستاویزات میں کہیں تضاد نظر نہیں آرہا۔ اُنھوں نے کہا کہ ’اوورلیپنگ ہوسکتی ہے لیکن تضاد کہیں نہیں ہوگا‘۔

15. 15 دسمبر 2017’آپ کا موقف اپنی ہی نفی کرتا ہے‘

    سماعت کے دوران اس تین رکنی بینچ میں شامل جسٹس فیصل عرب نے پاکستان تحریک انصاف کے سربراہ کے وکیل کو مخاطب کرتے ہوئے کہا کہ آف شور کمپنی کو ظاہر نہ کرنا غلطی ہے جبکہ اس سے پہلے آپ نے موقف اختیار کیا تھا کہ آف شور کمپنی ظاہر کرنا ضروری نہیں تھا اور اس طرح تو وہ اپنے دلائل کی خود نفی کر رہے ہیں۔

16. 15 دسمبر 2017عدالت تمام حقائق اور قانون کو مدنطر رکھتے ہوئے فیصلہ دے گی: چیف جسٹس

    پاکستان کی عدالتِ عظمیٰ کے چیف جسٹس میاں ثاقب نثار نے چار اکتوبر کی سماعت پر کہا کہ عمران خان کی نااہلی سے متعلق درخواستوں میں ابھی بہت کچھ دیکھنا باقی ہے، اس لیے ان درخواستوں پر فیصلہ نہیں دیا۔

    عدالت کا کہنا تھا کہ ان درخواستوں پر دلائل مکمل ہوئے ہیں، مگر سماعت مکمل نہیں ہوئی۔

    پاکستان تحریک انصاف کے سیکرٹری جنرل جہانگیر خان ترین کی نااہلی سے متعلق درخواستوں کی سماعت کے دوران ریمارکس دیتے ہوئے اُنھوں نے کہا کہ اس معاملے میں اور پاناما لیکس کے معاملے میں کئی باتیں مشترک ہیں جن میں سے ایک بات اثاثے ظاہر نہ کرنے سے متعلق ہے۔

    چیف جسٹس نے یہ ریمارکس درخواست گزار حنیف عباسی کے وکیل اکرم شیخ کے استفسار پر دیے جس میں اُنھوں نے عدالت سے پوچھا تھا کہ عمران خان کے مقدمے کا فیصلہ ابھی تک محفوظ کیوں نہیں کیا گیا۔

    نامہ نگار شہزاد ملک نے بتایا کہ اکرم شیخ کا کہنا تھا کہ آرڈر 10 رول ون کے تحت کیس کھلا نہیں چھوڑا جاسکتا۔

    انھوں نے پوچھا کہ عدالت اس مقدمے کا فیصلہ کب سنائے گی جس پر چیف جسٹس کا کہنا تھا کہ ابھی تک اس معاملے میں بہت سی چیزیں دیکھنے والی ہیں اور عدالت تمام حقائق اور قانون کو مدنطر رکھتے ہوئے فیصلہ دے گی۔

17. 15 دسمبر 2017جہانگیر ترین کا سیاسی سفر

    1953 میں مشرقی پاکستان میں پیدا ہوئے۔ ایف سی کالج لاہور اور امریکہ کی نارتھ کیرولائنا یونیورسٹی سے تعلیم حاصل کی۔ بینک کی ملازمت کی اور پھر کاشتکاری اور صنعتکاری کے شعبے سے وابستہ رہے۔

    2002 میں پہلی بار الیکشن لڑا اور قومی اسمبلی کی رکنیت حاصل کی۔

    2011 میں پاکستان تحریکِ انصاف میں شمولیت اختیار کی۔

    2013 کے عام انتخابات میں شکست ہوئی۔

    2013 پی ٹی آئی کے سیکریٹری جنرل بنے۔

    2015 کے ضمنی الیکشن میں کامیاب ہوئے۔

    2016 میں جہانگیر ترین کے خلاف نااہلی کی درخواست دی گئی۔

18. 15 دسمبر 2017بریکنگ, نااہل ہوا تو سیاست چھوڑ دوں گا: عمران خان

    عمران خان نے حال ہی میں ایک نجی ٹی وی چینل پر انٹرویو دیتے ہوئے کہا کہ ’میں نے مکمل منی ٹریل جمع کروا دی ہے۔ ’تاہم اگر میری منی ٹریل جعلی ثابت ہوئی تو میں سیاست چھوڑ دوں گا۔ اگر میں نااہل ہو جاتا ہوں تو میں شق 203 کا استعمال کر کے پارٹی کا صدر نہیں رہوں گا۔ ایسی صورت میں سیاست چھوڑ دوں گا۔‘

19. 15 دسمبر 2017جمائما کی حمایت

    ’آخرکار 15 سال پرانی بینک سٹیٹمنٹس مل گئیں تاکہ عمران خان کی منی ٹریل/بے گناہی ثابت ہو۔ اب برائے مہربانی اصلی چوروں کو پکڑیں‘

20. 15 دسمبر 2017جمائما نے قرض دیا یا تحفہ؟

    عدالت میں عمران خان کے وکیل نے کہا کہ ’65 لاکھ کی رقم جمائما خان کے لیے تحفہ تھی، قرض نہیں۔‘ انہوں نے کہا کہ 'بنی گالہ اراضی لندن فلیٹس کی فروخت سے خریدی جانی تھی تاہم فلیٹس کی فروخت میں تاخیر کی وجہ سے رقم جمائما سے لی گئی اور اراضی کے 4 انتقال ہوئے جو جمائما کے نام پرہیں'۔