بریکنگ, کابل ایئرپورٹ بند
دارالحکومت کابل کا ہوائی اڈہ برف کے باعث بند کر دیا گیا ہے۔
پاکستان اور افغانستان میں برفباری، درجنوں ہلاک
پاکستان اور افغانستان میں شدید برفباری اور برفانی تودے گرنے کے باعث درجنوں افراد ہلاک ہو گئے ہیں۔
لائیو کوریج
افغانستان میں اہم شاہراہیں متاثر
اس کے علاوہ برفباری سے افغانستان کی اہم شاہراہیں بری طرح متاثر ہوئی ہیں جن میں کابل قندہار ہائی وے شامل ہے۔ اس ہائی وے پر پرف میں پھنسے ہوئے 250 افراد کو پولیس اور فوج نے بچایا۔
کابل کے شمال میں واقع سلانگ پاس کو ڈھائی فٹ برف پڑنے کے بعد بند کر دیا گیا ہے۔
بریکنگ, افغانستان: تین روز میں 100 ہلاک
افغانستان میں گذشتہ تین روز میں 100 افراد ہلاک ہو چکے ہیں۔ ہفتے اور اتوار کی درمیانی شب کابل سے شمال کی جانب برفانی تودہ گرنے سے 16 افراد دب کر ہلاک ہو گئے۔ افغانستان میں سب سے زیادہ متاثر ہونے والے علاقوں میں بدخشاں، ننگرہار اور پروان شامل ہیں۔
،تصویر کا ذریعہReuters
پاکستان، افغانستان میں برفباری
پاکستان اور افغانستان میں شدید برفباری اور برفانی تودے گرنے کے باعث درجنوں افراد ہلاک ہو گئے ہیں۔
آغا خان ایجنسی کی وارننگ
چترال کے مقامی صحافیوں کا کہنا ہے کہ ڈپارٹمنٹ آف ایمرجنسی منیجمنٹ آغا خان ایجنسی نے پریس ریلز میں بتایا ہے کہ علاقے میں جاری برف باری سے اب تک محتلف علاقوں میں تین سے پانچ فٹ تک برف باری ہوئی ہے اور آئندہ دو دنوں کے دوران مزید برفانی تودے گرنے کے قوی امکانات ہیں۔
سوات سے صحافی انور شاہ کے مطابق چترال کے ڈپٹی کمشنر شہاب یوسف زئی نے بی بی سی کو بتایا کہ پہلا واقعہ سنیچر کی رات دو بجے کے قریب گرم چشمہ کے علاقے میں پیش آیا جہاں شیرشال نامی گاؤں پر برفانی تودہ گرنے سے پانچ مکانات تباہ ہوئے جس میں 12 افراد دب گئے تھے جس میں سے نو لاشوں کو نکال لیا گیا ہے۔مقامی لوگوں کا کہنا ہےکہ ہلاک ہونے والوں میں چھ خواتین، چار بچے اور ایک مرد شامل ہے۔
چترال
،تصویر کا ذریعہKPK Updates
،تصویر کا کیپشنچترال کے علاقے شغور کے ایس ایچ او اور تحصیلدار لوگوں کو محفوظ مقامات پر منتقل کرنے میں مدد کر رہے ہیں فوکس ہیومینیٹرین اسسٹنس پاکستان آغا خان ڈویلپمنٹ کے پبلک ریلیشنز آفیسر ولی محمد نے بتایا کہ چترال کے بعض علاقوں میں اب بھی برف باری جاری ہے۔
بریکنگ, افغانستان میں برف باری، 40 افراد ہلاک
دوسری جانب شدید برفباری کا سلسلہ پاکستان کے ہمسائے ملک افغانستان میں بھی جاری ہے جہاں اب تک برفانی تودے گرنے کے باعث حکام کے مطابق 19 صوبوں میں 40 سے زائد افراد ہلاک ہو چکے ہیں۔
افغان حکام کے مطابق سب سے زیادہ نقصان پروان اور بدخشاں میں ہوا ہے۔ مرکزی شاہراہیں اور ہوائی اڈے بند ہیں۔
،تصویر کا ذریعہSHAH MARAI
،تصویر کا ذریعہKPK Updates
،تصویر کا کیپشنپولیس اہلکار چترال ٹاؤن میں برف ہٹا تے ہوئے 
،تصویر کا ذریعہKPK Updates
،تصویر کا کیپشنہیلی پیڈ پر سے برف ہٹائی جا رہی ہے تاکہ امدادی سامان لے کر آنے والا ہیلی کاپٹر لینڈ کر سکے 
،تصویر کا ذریعہKPK Updates
،تصویر کا کیپشنچترال میں ہیلی پیڈ پر سے برف کو ٹھایا جا رہا ہے عمران خان کا چترال میں حادثے پر افسوس, خیبر پختونخوا میں برسرِ اقتدار جماعت پی ٹی آئی کے سربراہ عملران خان نے چترال میں بعفانی تودے گرنے سے ہونے والی ہلاکتوں پر شدید افسوس کا اظہار کیا ہے۔
چترال میں حادثے پر امریکی سفارتخانے کا اظہارِ افسوس
،تصویر کا ذریعہKPK Updates
،تصویر کا کیپشنچترال میں پولیس سڑکوں سے برف ہٹانے کے کام میں مصروف خصوصی ہیلی کاپٹر روانہ
قدرتی آفات سے نمٹنے کے صوبائی ادارے پی ڈی ایم اے کی جانب سے جاری ہونے والے بیان کے مطابق این ڈی ایم اے ایک خصوصی ہیلی کاپٹر روانہ کر رہا ہے۔
’گاؤں میں 25 کے قریب گھر ہیں‘
مقامی لوگوں کا کہنا ہے کہ اس گاؤں میں 25 کے قریب گھر ہیں۔ تودہ گرنے کے خطرے کے پیش نظر 20 خاندان پہلے ہی محفوظ مقامات پر منتقل ہو گئے تھے، البتہ پانچ خاندان علاقے میں مقیم رہے جو برفانی تودے کی لپیٹ میں آ گئے۔