گذشتہ روز کی اہم خبریں
- پاکستان کی پارلیمنٹ کے ایوان زیریں یعنی قومی اسمبلی نے بھی 27ویں آئینی ترمیمم کی منظوری دے دی ہے۔ اس سے قبل سینیٹ نے اس بل کی منظوری دی تھی۔
- سری لنکن کرکٹ بورڈ نے تصدیق کی ہے کہ پاکستان کے دورے پر موجود قومی ٹیم کے چند کھلاڑیوں نے سکیورٹی خدشات کے باعث وطن واپسی کی درخواست کی تھی۔ تاہم بورڈ نے ٹیم کو دورہِ پاکستان جاری رکھنے کی ہدایت کی ہے۔
- انڈیا کی وفاقی کابینہ نے 10 نومبر کو نئی دہلی میں لال قلعہ کے قریب ہونے والے کار دھماکے کو ’دہشتگردی کا واقعہ‘ قرار دے دیا ہے۔
- افغانستان کے نائب وزیر اعظم مولوی عبدالغنی برادر نے افغان صنعتکاروں اور تاجروں سے کہا ہے کہ وہ پاکستان کی بجائے دیگر ممالک سے تجارت کے راستے تلاش کریں اور اگر کوئی تاجر اس پر عمل درآمد نہیں کرتا تو اس کے لیے پھر افغان حکومت کسی قسم کی مدد نہیں کر سکے گی۔
- پاکستان کے صوبہ خیبرپختونخوا کی اسمبلی میں ہونے والے امن جرگے کے اعلامیے میں کہا گیا ہے کہ پاکستان اور افغانستان کی خارجہ پالیسی میں وفاق صوبائی حکومت سے مشاورت کرے۔