گذشتہ روز کی اہم خبریں
- بلوچستان کے ضلع خضدار سے اغوا ہونے والی خاتون کو سنیچر کی شب ایک مجسٹریٹ کی عدالت میں پیش کرنے کے بعد ان کے خاندان کے حوالے کردیا گیا۔ خاتون کو 5 اور 6 فروری کی درمیانی شب خضدار شہر میں واقع ان کے گھر سے اغوا کیا گیا تھا۔
- پی ٹی آئی کے خیبر پختونخوا کے صوبائی صدر جنید اکبر نے سنیچر کے روز صوابی میں جلسے سے خطاب کرتے ہوئے کہا ہے کہ پی ٹی اداروں سے ٹکراؤ نہیں چاہتی۔ ان کا کہا تھا کہ اس بار عمران خان جب بھی کال دیں گے پہلے سے زیادہ تعداد میں حاضر ہوں گے اور اس بار اسلام آباد مکمل تیاری کے ساتھ آئیں گے۔
- بلوچستان کے دارالحکومت کوئٹہ میں دفعہ 144کے نفاذ کے باوجود تحریک تحفظ آئین پاکستان کے زیر اہتمام عام انتخابات میں مبینہ دھاندلی کے خلاف احتجاجی ریلی نکالی گئی اور جلسے کا اہتمام کیا گیا۔
- پاکستان تحریکِ انصاف کے بانی رہنما عمران خان نے پاکستانی فوج کے سرابرہ کو ایک بار پھر کھلا خط لکھ کر فوج اور عوام میں بڑھتی ہوئی دوریاں کم کرنے کی درخواست کی ہے اور کہا ہے کہ فوج اپنی آئینی حدود میں واپس جائے۔