گذشتہ روز کی اہم خبریں
- اتوار کے روز بلوچستان کے ضلع نوشکی سے ایک سکول ٹیچر فرید احمد کی مبینہ جبری گمشدگی کے واقعے کے خلاف احتجاجی ریلی نکالی گئی۔ مقررین نے الزام عائد کیا کہ سکول ٹیچر کو چند روز قبل جبری طور پر لاپتہ کیا گیا اور مطالبہ کیا کہ سکول ٹیچر کو فوری طور پر بازیاب کیا جائے۔
- وزیر اعلیٰ خیبر پختونخوا علی امین گنڈا پور نے کہا ہے کہ ’ہمیں ہمارا آئینی حق نہ دیا گیا تو ہمارا احتجاج اور تحریک جاری رہے گی۔ ہم پھر پلان بنائیں گے۔‘
- وفاقی وزیر اطلاعات عطا تارڑ نے پریس کانفرنس کرتے ہوئے کہا کہ وزیر اعلیٰ خیبرپختونخوا علی امین گنڈاپور کی جانب سے عالمی میڈیا کو جھوٹ پر مبنی بریفنگ دی جا رہی ہے۔
- پاکستان کی وزارت خارجہ کا کہنا ہے کہ سنیچر کو یونان میں غیر قانونی تارکین وطن کی کشتی الٹنے کے واقعے میں ایک پاکستانی شہری ہلاک ہوا جبکہ 47 پاکستانی شہریوں کو بچالیا گیا ہے۔