انڈیا کی جانب سے 176 رنز کے ہدف کے تعاقب میں پاکستان کی ٹیم شروع سے ہی مشکلات کا شکار رہی۔ اوپنرز بھی جلد آؤٹ ہو گئے جبکہ کپتان سلمان علی آغا اور بابر اعظم بھی بڑی اننگز نہ کھیل سکے۔ عثمان خان نے 44 رنز بنا کر کچھ مزاحمت دکھائی۔
انڈیا نے ٹی 20 ورلڈ کپ کے میچ میں پاکستان کے خلاف 10 اوورز کے اختتام پر دو وکٹوں کے نقصان پر 92 رنز بنا لیے ہیں۔
ایشان کشن 40 گیندوں پر 77 جبکہ ابھیشیک شرما بغیر کوئی رن بنائے آؤٹ ہوئے۔
پاکستان کی جانب سے شاہین شاہ آفریدی، ابرار احمد اور شاداب خان مہنگے بولر ثابت ہوئے۔ شاداب خان نے ایک اوور میں 17، شاہین شاہ آفریدی نے ایک اوور میں 15 جبکہ ابرار احمد نے دو اوورز میں 24 رنز دیے ہیں۔
،تصویر کا ذریعہGe
پاکستان کے خلاف انڈیا کی دوسری وکٹ 88 رنز پر گر گئی ہے۔ ایشان کشن 40 گیندوں پر 77 بنا کر صائم ایوب کی گیند پر بولڈ ہوئے ہیں۔
،تصویر کا ذریعہGetty Images
انڈیا نے پاکستان کے خلاف ٹی 20 ورلڈ کپ کے میچ میں پاوور پلے کے اختتام پر ایک وکٹ کے نقصان پر 52 رنز بنا لیے ہیں۔ ایشان کشن انڈیا کی جانب سے جارحانہ انداز اپنائے ہوئے ہیں۔ ایشان کشن نے جارحانہ انداز میں صرف 27 گیندوں پر اپنی نصف سنچری مکمل کی۔ وہ اب تک اپنی اننگز میں دو چھکے اور آٹھ چوکے لگا چکے ہیں۔
انڈیا کے واحد آوٹ ہونے والے کھلاڑی ابھیشیک شرما ہیں، جو بغیر کوئی رنز بنائے آوٹ ہوئے۔ ایشن کشن کے ساتھ تلک ورما بھی کریز پر موجود ہیں۔
،تصویر کا ذریعہGetty Images
ابھیشیک شرما پہلے ہی اوور میں بغیر کوئی رنز بنائے سلمان آغا کی گیند پر شاہین شاہ آفریدی کو کیچ دے بیٹھے۔
انڈیا نے پہلے اوور میں ایک وکٹ کے نقصان پر ایک رن بنایا ہے۔
،تصویر کا ذریعہGetty Images
پاکستانی کپتان سلمان علی آغا اور انڈین کپتان سوریا کمار یادیو نے کولمبو میں ٹاس کے دوران ہاتھ نہیں ملایا۔
بہت سے لوگوں کی نظریں تھیں کہ ٹاس کے دوران ہینڈ شیک ہوتا ہے یا نہیں، انڈین کپتان سوریا کمار یادیو نے بھی کہا تھا کہ اس کا پتہ ٹاس کے موقع پر ہی چلے گا۔
ٹاس کے بعد پہلے سلمان علی آغا نے کمنٹیٹر سے گفتگو کی جس کے بعد سوریا کمار یادیو گفتگو کے لیے آئے اور اس کے اختتام پر سلمان علی آغا اور سوریا کمار یادیو ہاتھ ملائے بغیر آگے بڑھ گئے۔
ایشیا کپ کے میچز کے دوران بھی دونوں کپتان نے ہاتھ نہیں ملایا تھا۔
،تصویر کا ذریعہGetty Images
پاکستان نے کولمبو میں انڈیا کے خلاف ٹی 20 ورلڈ کپ کے میچ میں ٹاس جیت کر پہلے بولنگ کا فیصلہ کیا ہے۔
انڈین کپتان سوریا کمار یادیو کہتے ہیں کہ اُن کی ٹیم خود بھی پہلے بیٹنگ کرنا چاہتی تھی۔
ٹی 20 ورلڈ کپ مقابلوں میں دونوں ٹیمیں آٹھ مرتبہ مدمقابل آ چکی ہیں جن میں انڈیا سات جبک پاکستان کو ایک میچ میں کامیابی ملی ہے۔
انڈیا کی ٹیم سنہ 2022 ورلڈ کپ کے بعد سے لے کر اب تک ٹی 20 ورلڈ کپ کا کوئی میچ نہیں ہاری۔
پاکستان کی جانب سے صاحبزادہ فرحان، صائم ایوب، سلمان آغا، بابر اعظم، عثمان خان، شاداب خان، محمد نواز، فہیم اشرف، شاہین شاہ آفریدی، ابرار احمد اور عثمان طارق فائنل الیون میں شامل ہیں۔
انڈیا کی جانب سے ایشان کشن، ابھیشک شرما، تلک ورما، سوریا کمار یادیو، شیوم دوبے، رینکو سنگھ، ہاردک پانڈیا، اکشر پٹیل، کلدیب یادیو اور ورون چکرورتی شامل ہیں۔
آئی سی سی ٹی ٹوئنٹی کرکٹ ورلڈ کپ میں پاکستان اور انڈیا کے درمیان ہونے والے میچ کے حوالے سے بی بی سی اردو کے لائیو پیج میں خوش آمدید۔ہم اس میچ سے متعلق اس لائیو پیج میں آپ کو تازہ صورتحال سے باخبر رکھیں گے۔
