پاکستان اپنی ہی پارٹی سے باہر ہونے کے قریب: سست بیٹنگ، بے اثر بولنگ اور کوہلی کی سنچری کی بدولت انڈیا سے چھ وکٹوں سے شکست

لائیو کوریج

1. 23 فروری 2025بریکنگ, سعود کی نصف سنچری مکمل، رضوان کے ساتھ 90 رنز کی شراکت، پاکستان کی پوزیشن مستحکم

   

   ،تصویر کا ذریعہGetty Images

   سعود شکیل نے اپنی نصف سنچری مکمل کر لی ہے۔ انھوں نے محتاط انداز میں کھیلتے ہوئے 63 گیندوں پر پچاس رنز مکمل کئے۔ سعود شکیل نے محمد رضوان کے ساتھ 90 رنز کی شراکت داری قائم کرتے ہوئے ٹیم کو ایک ایسے وقت میں سہارا دیا جب پاکستان کی 47 رنز پر دو وکٹیں گر چکی تھی۔

   اس وقت پاکستان نے دو وکٹوں کے نقصان پر 137 رنز بنائے ہیں اور محمد رضوان 41 رنز پر کھیل رہے ہیں۔ 30 اوورز کا کھیل مکمل ہو چکا ہے۔

2. 23 فروری 2025’پاکستان اور انڈیا کے درمیان ٹیسٹ میچز کا دور دیکھ کر خوشی ہوئی‘، پاکستان کی سست بیٹنگ پر سوشل میڈیا پر تبصرے

   دبئی میں کھیلے جا رہے میچ میں پاکستان انڈیا کے خلاف انتہائی سست بیٹنگ کا مظاہرہ کر رہا ہے۔ پاور پلے میں محض 47 رنز پر دو وکٹیں گنوانے کے بعد محمد رضوان اور سعود شکیل انتہائی محتاط انداز میں اننگز لے کر چل رہے ہیں۔

   پاکستان نے اب تک 28ویں اوورز میں 119 رنز بنائے ہیں اور اس کی دو وکٹیں گر چکی ہیں۔

   تاہم سوشل میڈیا پر پاکستان کی جانب سے جارحانہ انداز نا اپنانے پر سوشل میڈیا پر کرکٹ شائقین تنقید کر رہے ہیں۔

   ایک سوشل میڈیا صارف نے سست بیٹنگ پر تبصرہ کرتے ہوئے لکھا کہ ’ یہ دیکھ کر خوشی ہوئی کہ پاکستان اور انڈیا کے درمیان ٹیسٹ میچز کا دور دوبارہ شروع ہو گیا ہے۔‘

   X پوسٹ نظرانداز کریں

   X کا مواد دکھانے کی اجازت دی جائے؟?

   اس تحریر میں ایسا مواد ہے جو X کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے X ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔

   Accept and continue

   تنبیہ: بی بی سی دیگر ویب سائٹس کے مواد کی ذمہ دار نہیں ہے۔

   X پوسٹ کا اختتام

3. 23 فروری 2025پاکستان کی انتہائی سست بیٹنگ، 20 اوورز کے اختتام پر صرف 79 رنز

   

   ،تصویر کا ذریعہGetty Images

   دبئی میں کھیلے جا رہے میچ میں پاکستان انڈیا کے خلاف انتہائی سست بیٹنگ کا مظاہرہ کر رہا ہے۔ پاور پلے میں محض 47 رنز پر دو وکٹیں گنوانے کے بعد محمد رضوان اور سعود شکیل انتہائی محتاط انداز میں اننگز لے کر چل رہے ہیں۔

   پاکستان نے اب تک 20 اوورز کے اختتام پر صرف 79 رنز بنائے ہیں اور اس کی دو وکٹیں گر چکی ہیں۔

   پاکستان کی اننگز میں اب تک 80 ڈاٹ بالز رہے ہیں۔ پاکستانی بیٹرز کی جانب سے ڈاٹ بالز زیادہ ہونے کا مسئلہ کافی دیر سے چل رہا ہے اور پاکستان اپنی حکمت عملی میں اس پر توجہ نہیں دے پایا ہے۔

   انڈیا اس وقت کھیل پر حاوی ہے اور کرک انفو کی ون پریڈکشن کے مطابق انڈیا کے جیتنے کے امکانات 70 فیصد ہیں۔

4. 23 فروری 2025ڈرنکس بریک: پاکستان 2-61

   

   ،تصویر کا ذریعہGetty Images

   چودہ اوورز کے اختتام پر اس وقت ڈرنکس بریک ہوئی ہے۔ انڈیا اوور ریٹ سے نو منٹ پیچھے ہے

   جبکہ پاکستان کے 61 رنز پر دو کھلاڑی آؤٹ ہیں۔ پاکستان سست کھیل کا مظاہرہ کر رہا ہے اور 25 گیندوں قبل پاکستانی بیٹرز نے کوئی باؤنڈری لگائی تھی۔

   اس وقت سعود شکیل اور محمد رضوان کریز پر موجود ہے اور انتہائی محتاط انداز میں اننگز کو دوبارہ کھڑا کرنے کی کوشش کر رہے ہیں۔ پاکستان کا اوپننگ سٹینڈ آج پھر کوئی بڑا سکور بورڈ پر بنانے میں ناکام رہا ہے۔

5. 23 فروری 2025پہلے پاور پلے کے اختتام پر انڈیا کا پلڑا بھاری، پاکستان کے 52 رنز پر دو کھلاڑی آؤٹ

   

   ،تصویر کا ذریعہge

   پاکستان اور انڈیا کے درمیان دبئی میں کھیلے جا رہے چیمیئنز ٹرافی کے ہائی وولٹیج میچ میں پہلے پاور پلے کے اختتام پر انڈین ٹیم کا پلڑا بھاری ہے۔

   پاکستان نے دس اوورز کے اختتام پر 52 رنز بنائے اور اس کے دونوں اوپننگ بیٹسمین پویلین لوٹ چکے ہیں۔

   پاکستان کی پہلی وکٹ نویں اوور میں گری جب بابر اعظم 23 رنز بنا کر ہاردک پانڈیا کی گیند پر کے ایل راہول کو کیچ پکڑا بیٹھے۔

   اس کے اگلے ہی اوور میں پاکستان کو 47 کے رنز پر دوسرا نقصان ہوا جب امام الحق ایک غیر ضروری رن لینے کی کوشش میں اکشر پٹیل کی ڈائریکٹ تھرو پر رن آؤٹ ہو کر پویلین لوٹ گئے۔ انھوں نے 26 گیندوں پر صرف 10 رنز بنائے۔

6. 23 فروری 2025بریکنگ, پاکستان کی 47 رنز پر دوسری وکٹ بھی گر گئی، امام الحق رن آؤٹ ہو کر پویلین لوٹ گئے

   

   ،تصویر کا ذریعہGetty Images

   دبئی کرکٹ سٹیڈیم میں کھیلے جانے والے میچ کے نویں اوور میں بابر اعظم 23 رنز بناکر ہر دک پانڈیا کی گیند پر وکٹ کیپر کے ایل راہول کے ہاتھوں کیچ آؤٹ ہوئے۔

   جبکہ اس کے اگلے ہی اوور میں اوپنر امام الحق ایک شارٹ رن لینے کی کوشش میں اکشر پٹیل کی ڈائریکٹ تھرو پر رن آؤٹ ہو کر پویلین لوٹ گئے۔ انھوں نے 26 گیندوں پر صرف 10 رنز بنائے۔

7. 23 فروری 2025بریکنگ, پاکستان کی 45 رنز پر پہلی وکٹ گر گئی، بابر اعظم 23 رنز بنا کر آؤٹ

   پاکستان کو 45 رنز پر پہلا نقصان اٹھانا پڑا ہے اور بابر اعظم 23 رنز بنا کر ہاردک پانڈیا کی گیند پر کیچ آؤٹ ہو گئے ہیں۔ کے ایل راہل نے ان کا کیچ پکڑا ہے۔

   بابر اعظم نے ہاردک پانڈیا کے اوور کا آغاز پر اعتماد انداز میں کرتے ہوئے چوکے سے کیا تھا تاہم اگلی ہی گیند پر وہ کیچ آؤٹ ہو گئے

8. 23 فروری 2025انڈین بولنگ سپیل میں پہلی تبدیلی، شامی کی جگہ ہاردک پانڈیا

   انڈیا کی جانب سے اب تک نپی تلی بولنگ کی گئی ہے اور پاکستانی بیٹرز کو بازو کھولنے کا زیادہ موقع نہیں دیا ہے۔ چھ اوورز کے بعد انڈین بولنگ سپیل میں پہلی تبدیلی کی گئی ہے اور محمد شامی کی جگہ ہاردک پانڈیا کو پاور پلے میں اٹیک کے لیے لایا گیا ہے۔

   اس سے قبل محمد شامی کو پانچویں اوور کے اختتام پر فیلڈ سے باہر جاتے دیکھا گیا تھا۔

   پاکستان کے آٹھ اوورز کے اختتام پر بنا کسی نقصان کے 37 رنز بنا لیے ہیں۔

   

   ،تصویر کا ذریعہGetty Images

9. 23 فروری 2025بابر اعظم کا پراعتماد انداز، ہرشت رانا کو چوتھے اوور میں دو چوکے

   

   ،تصویر کا ذریعہGetty Images

   ہرشت رانا کے دوسرے اوور میں بابر اعظم نے دو چوکے لگائے جس کے بعد پاکستان کا سکور چار اوورز میں بنا کسی نقصان کے 22 رنز ہو گیا۔

10. 23 فروری 2025تین اوورز کے اختتام پر پاکستان نے 14 رنز بنا لیے

    چیمینئز ٹرافی کے انڈیا کے خلاف اہم میچ میں پاکستان کے اوپننگ سٹینڈ نے محتاط انداز میں اننگز کی شروعات کی ہے اور تین اوورز کے اختتام میں بنا کسی وکٹ کے نقصان پر پاکستان کی ٹیم نے 14 رنز بنا لیے ہیں۔

11. 23 فروری 2025پہلے اوور میں محمد شامی کی پانچ وائیڈز

    

    ،تصویر کا ذریعہGetty Images

    انڈیا کے فاسٹ بالر محمد شامی نے پانچ وائیڈ بالز کروائی۔ پہلے اوور کے اختتام پر پاکستان کا سکور چھ رن تھا جس میں سے پانچ رنز وائیڈ کی صورت میں ملے تھے۔

12. 23 فروری 2025بابر اعظم اور امام الحق کی جوڑی نے پاکستان کی اننگز کا آغاز کر دیا

    

    ،تصویر کا ذریعہGetty Images

    پاکستان کے اوپنرز بابر اعظم اور امام الحق نے اننگز کا محتاط آغاز کر دیا۔ اس میچ میں فخر زمان کی جگہ امام الحق کو شامل کیا گیا ہے۔

    یاد رہے کہ فخر گذشتہ میچ میں زخمی ہونے کے بعد ٹورنامنٹ سے باہر ہو گئے تھے۔

    انڈیا کی جانب سے بالنگ کا آغاز دائیں ہاتھ سے گیند کروانے والے محمد شامی نے کیا۔

13. 23 فروری 2025پاکستان کی ٹیم میں ایک تبدیلی، فخر زمان کی جگہ امام الحق بطور اوپنر شامل

    

    ،تصویر کا ذریعہGett

    پاکستان کی ٹیم میں ایک تبدیلی کی گئی زخمی فخر زمان کی جگہ امام الحق بطور اوپنر کھیل رہے ہیں۔ دیگر کھلاڑیوں میں کپتان محمد رضوان، بابر اعظم، سعود شکیل، آغا سلمان، طیب طاہر، خوشدل شاہ، ابرار احمد ، نسیم شاہ، شاہین شاہ آفریدی اور حارث رؤف شامل ہیں۔

    انڈیا کی ٹیم میں کوئی تبدیلی نہیں کی گئی ہے۔

14. 23 فروری 2025پاکستان کا ٹاس جیت کر پہلے بیٹنگ کا فیصلہ

    

    ،تصویر کا ذریعہGett

    انڈیا کے خلاف دبئی میں کھیلے جانے والے میچ میں پاکستان نے ٹاس جیت کر پہلے بیٹنگ کا فیصلہ کیا ہے۔

    گروپ اے کے پہلے میچ میں پاکستان کو نیوزی لینڈ کے ہاتھوں شکست کا سامنا کرنا پڑا تھا جبکہ انڈیا اپنے پہلے گروپ میچ میں بنگلہ دیش کو شکست دے کر پوانٹس ٹیبل پر دوسری پوزیشن پر موجود ہے۔

    اگر پاکستان کو ٹورنامنٹ میں آگے جانا ہے تو اسے آج کے میچ میں انڈیا کو شکست دینا ہوگی۔

15. 23 فروری 2025’یہ بابر اعظم کے کریئر کی بقا کا سوال ہے‘, سمیع چوہدری، کرکٹ تجزیہ کار

    

    ،تصویر کا ذریعہGetty Images

    سپن کو کھیلنا پیس کے خلاف بلے بازی سے کہیں بڑا آرٹ ہے۔ پاکستان کا المیہ مگر یہ ہے کہ عہد حاضر میں اس کا سب سے بڑا آرٹسٹ سپن پڑھنے سے چُوک جاتا ہے گو کہ پیس کے خلاف ابھی بھی بابر اعظم کی مہارت قابلِ رشک ہے۔

    ستم ظریفی اس المیے کی یہ ہے کہ بابر اعظم کو درپیش سپنرز کا معیار بھی دور دور تک مرلی دھرن و شین وارن سا نہیں مگر سابق پاکستانی کپتان کے قدم پھر بھی سپنرز کی اندر آتی گیند کو دیکھتے ہی ڈولنے لگتے ہیں۔

    آج کا میچ بابر اعظم کے کریئر کی بقا کے لیے کیوں ضروری ہے اس بارے میں جاننے کے لیے پڑھیے سمیع چوہدری کا کالم

16. 23 فروری 2025آئی سی سی چیمپیئنز ٹرافی: پاکستان اور انڈیا کے میچ سے متعلق خصوصی لائیو پیج میں خوش آمدید

    

    ،تصویر کا ذریعہGetty Images

    آئی سی سی چیمپیئنز ٹرافی 2025 میں پاکستان اور انڈیا کے مابین گروپ اے کا تیسرا میچ دبئی میں کھیلا جا رہا ہے۔

    گروپ اے کے پہلے میچ میں پاکستان کو نیوزی لینڈ کے ہاتھوں شکست کا سامنا کرنا پڑا تھا جبکہ انڈیا اپنے پہلے گروپ میچ میں بنگلہ دیش کو شکست دے کر پوانٹس ٹیبل پر دوسری پوزیشن پر ہے۔

    اگر پاکستان ٹورنامنٹ میں آگے جانا ہے تو اسے آج کے میچ میں انڈیا کو شکست دینا ہوگی۔