ዋንጫ ዓለም 2026

ኤርትራ

ኢትዮጵያ

ሱዳን

ማእከላይ ምብራቕ

ሳይንስን ጥዕናን

ኣመና ፍቱዋት

ዜና

ቪድዮ

ተዓዘቡ

ራድዮ

ስምዑ

Tigrinya

ኣብ ዝሓለፈ ሰሙን፡ ቀጻሊ ደገፍ ኣመሪካ፡ እስራኤል ዝያዳ መግብን መድሃኒትን ከተእቱ ኣብ ምፍቃዳ ዝምርኮስ ምዃኑ ኣጠንቂቑ ነይሩ።

ጆ ባይደን፡ ነታንያሁ ‘ጌጋ ይፍፅም ኣሎ’ ክብል ነቒፉ

ኣብ መንጐ እስራኤላውያንን ፍልስጤማያንን ዘሎ ኵነታትን ሰላማዊ ፍታሕ ክርከቦ ንዝግበር ጻዕሪ ንምድንፋዕ፡ ሚኒስተር ጉዳያት ወጻኢ ኣውስትራልያ፡ ንሃገርነት ፍልስጤም ኣፍልጦ ክትህብ ከምእትኽእል ኣሚታ።

ንሃገረ ፍልስጤም ኣፍልጦ ከምትህብ ኣውስትራልያ ኣሚታ

ቢቢሲ ቬሪፋይ፡ ንዅሎም ኣብ ተሌግራም ሰራዊት ምክልኻል እስራኤል ካብ 7 ጥቅምቲ 2023 ክሳብ 26 መጋቢት 2024 ዝነበሩ ነቶም ጋለሪያታት ዝምልከቱ መልእኽታት ዳህሲሱ።

ኲናት ቓዛ፡ እስራኤል ብሓቂ ንሓማስ ከተጥፍኦ ቀሪባ ድያ? 

ትማሊ ሰንበት፡ እስራኤልን ሓማስን፡ ሓድሽ ዝርርባት ምቍራጽ ተጻብኦ ንምክያድ ኣብ ካይሮ ናብ ዝተጋብአ መድረኽ ልኡኻቶም ከም ዝሰደዱ ገሊጾም ነይሮም።

እስራኤል ስለምንታይ ሰራዊታ ኣብ ደቡብ ቓዛ ነክያ?

ስድራቤታት እቶም ኣብ ቓዛ ዝተትሓዙ እስራኤላውን ነቶም ኣንጻር መንግስቲ ዝዀኑ ሰልፈኛታት ክጽንበሩዎም እንከለው፡ መንግስቲ ነቶም ብሓማስን መሻርኽቱን ተታሒዞም ኣብ ቓዛ ዝተረፉ ኣስታት 130 ጅሆ ነጻ ከውጽኦም ብዘይምኽኣሉ ዘለዎም ቁጥዐ ገሊጾም።

ኣሸሓት እስራኤላውያን፡ ጅሆ ዝተትሓዙ ሰባት ንምፍታሕ ስምምዕ ክግበር ሓቲቶም

ሰራዊት እስራኤል ኣብ ዝሓለፈ ሰነይ ኣብ ቃዛ ዝፈጸመቶ መጥቃዕቲ 7 ሰራሕተኛታት ረድኤት ምቕታሎም ስዒቡ ክልተ ላዕለዎት መኮንናት ካብ ስርሖም ከምዘባረረ ኣፍሊጡ።

እስራኤል ምስ ቅትለት ሰራሕተኛታት ረድኤት ብዝተኣሳሰር ክልተ ላዕለዎት መኮንናት ኣባሪራ

ብመሰረት ብ01 መጋቢት 2024 ዝወጽአ ጸብጻብ ሕቡራት ሃገራት፡ ብገምጋም 9 ሽሕ ደቂ ኣንስትዮ ብሓይልታት እስራኤል ኣብ ቓዛ ተቐቲለን።

ሽዱሽተ ኣዋርሕ ዘቝጸረ ኲናት ቓዛ ብኣዛት እንክግለጽ

ኣብ ቓዛ ኲናት ኣብ ዝቕጽለሉ ዘሎ እዋን፡ እቲ ኢራን ኣብ ማእከላይ ምብራቕ እትጻወቶ ዘላ ተራ ግን ኣቓልቦ ተዋሂብዎ ኣሎ።

ኢራን፡ ስለምንታይ እያ ኣብ ብዙሕ ግጭት ትኣቱ ዘላ?

ወተሃደራዊ ክንፊ ሓማስ ዝዀነ ብርጌድ ቐሳም፡ ብርጋዴር ጀነራል ዛህዲ ኣብቲ ብ7 ጥቅምቲ 2023 ዓ.ም ኣብ ደቡባዊ እስራኤል ዘጋጠመ መጥቃዕቲ ሓማስ “ልዑል እጃም” ከም ዝነበሮ ገሊጹ ነይሩ። እዚ ድማ ነቲ ሕጂ ኣብ ቓዛ ዝካየድ ዘሎ ኲናት ከይሰፍሕ ስግኣት ኣሕዲሩ ይርከብ።

ጀነራል ዝተቐትላ ኢራን ንእስራኤል ብኸመይ ክትጐድኣ ትኽእል? 

ቀዳማይ ሚኒስተር እስራኤል ቤንያሚን ኔታንያሁ፡ እስራኤል ኣብ ዝፈጸመቶ መጥቃዕቲ "ብዘይፍላጥ" 7 ሰራሕተኛታት ዓለም ለኸ ትካል ግብረ ሰናይ "ብዘይፍላጥ" ከምዝቐተሉ ተኣሚኑ።

እስራኤል ሰራሕተኛታት ረድኤት ከምዝቐተለት ተኣሚና

ፓርላማ እስራኤል ብመንግስቲ ቐጠር ዝውነን መርበብ ሓበሬታ ኣልጀዚራ ሓዊሱ ፈነወ ቻነላት ቲቪ ናይ ምእጋድ ስልጣን ዝህብ ሕጊ ኣጽዲቑ።

እስራኤል፡ ፈነወ ኣልጀዚራ ክትእግድ ወሲና

ሰራዊት እስራኤል፡ ድሕሪ ናይ ክልተ ሰሙን ወተሃደራዊ ዘመተ ኣብ ከተማ ቓዛ ካብ ዝርከብ ሆስፒታል ኣልሺፋ ከም ዝሰሓበ ገሊጹ፤ እተዀነ መብዛሕትኡ ክፋሉ ግን ዓንዩ ይርአ።

ወተሃደራት እስራኤል ካብ ሆስፒታል ኣልሺፋ ኣንሳሒቦም

ኣቡነ ፍራንሲስ ክብረ በዓል ፋሲጋ ኣመልኪቶም ኣብ ዘሕለፍዎ መልእኽቲ፡ ኣብ ቓዛ ተዅሲ ደው ክብልን ብሓማስ ተታሒዞም ዝጸንሑ እስራኤላውያን ጅሆ ክምለሱን ጸዊዖም።

ኣቡነ ፍራንሲስ 'ኣጽዋር ሰላም ኣየምጽእን'፣ ኣሜሪካ ኣጽዋር ትልእኽ

እቲ ኲናት ንነዊሕ እዋን ቀዳማይ ሚኒስተር እስራኤል በንያሚን ነታንያሁ ካብ ስልጣኑ ንምእላይ ንዝነበሮም ተበግሶ ተወሳኺ ምኽንያት ኰይኑ ኣሎ።

እስራኤል፡ ኣሽሓት ሰልፈኛታት ኣንጻር መንግስቲ ተቓውሞ የካየዱ ኣለው

ሰለስተ ተዓዘብቲን ሓደ ተርጓሚን ሕቡራት ሃገራት ኣብ ደቡባዊ ሊባኖስ ከተማ ርመሽ ብዝተፈጸመ ደብዳብ ከምዝቘሰሉ ልኡኽ ዓቃብ ሰላም ሕቡራት ሃገራት ኣፍሊጡ።

ተዓዘብቲ ሕቡራት ሃገራት ኣብ ደቡባዊ ሊባኖስ ብዝተፈጸመ መጥቃዕቲ ቈሲሎም

ፍልይቲ ክኢላ ሰብኣዊ መሰላት ሕቡራት ሃገራት ፍራንቸስካ ኣልባነዝ፡ ኣብ ዝተጐበጠ ግዝኣታት ፍልስጤም ብዛዕባ ዘሎ ኵነታት ዘድሃበ ጸብጻብ ንኣባል ሃገራት ሕቡራት ሃገራት ኣቕሪባ።

ክኢላ መሰላት ሕቡራት ሃገራት ንእስራኤል ብተግባራት ምጽናት ዓሌት ከሲሳ

እስራኤል ኣብ ራፋሕ እተካይዶ መጥቃዕቲ “ንዝያዳ ሰላማውያን ሰባት ንሓደጋ ሞት ዘቃልዕ እዩ፣ ኣብ ቀረብ ሰብኣዊ ሓገዛት ዝያዳ ዕንወት ከስዕብ እዩ፣  እስራኤል ካብ መላእ ዓለም ዝያዳ ንኽትንጸልን ንነዊሕ ዝጸንሕ ጸጥታኣን መርገጺኣን ኣብ ሓደጋ ዘእቱን እዩ፡” ክብል ብሊንከን ብትሪ ኣተሓሳሲቡ።

ቅልውላው እስራኤል-ቓዛ፡ ንዲፕሎማሲ ኣመሪካ ብኸመይ ይፍትኖ ኣሎ? 

ቀዳማይ ሚኒስተር እስራኤል ቤንጃሚን ነታንያሁ ነቲ ኣብ ልዕሊ ራፋሕ መጥቃዕቲ ከይፍጽም ዝቐርበሉ ዘሎ ምሕጽንታን ነቀፌታትን ዕሽሽ ብምባል “ንእስራኤል ዝወጠነቶ ኲናት ብዓወት ካብ ምዝዛም ዝኾነ ዓለምለኻዊ ጸቕጢ ደው ኣይከብላን’ዩ” ብምባል ኣብ ልዕሎ ራፋሕ መጥቃዕቲ ካብ ምፍጻም ደው ዘብሎ ነገር ከምዘየለ ገሊጹ ኣሎ።

ኣንቶንዮ ጉተረዝ፡ ኣብ ቓዛ ተዅሲ ብቅጽበት ደው ክብል ሓዲሽ ጻውዒት ኣቕሪቡ

ማዕከናት ዜና እስራኤል ማርዋን ዒሳ ቅድሚ ሓደ ሰሙን ኣብ ትሕቲ መዓስከር ስደተኛታት ነሰራት ኣብ ዝነበረ ገለርያታት እስራኤል ብዝፈጸመቶ ናይ ኣየር ደብዳብ ከምዝተቐተለ’የን ኣቓሊሐን።
እዚ ምክትል ኣዛዚ በርጌድ ኣዛዲን ኣል ቓስም ኮይኑ ክሰርሕ ዝጸንሐ ማርዋን ዒሳ፤ እስራኤል ኣብ ዝርዝር ቀንዲ ተደለይቲ ሰባት ኣእትያቶ ዝጸንሐት ሓላፊ’ዩ።


ላዕለዋይ ሓላፊ ሓማስ ማርዋን ዒሳ ከምዝተቐተለ ኣሜሪካ ገሊጻ

ሰራዊት እስራኤል ናብ ሎሚ ኣብ ዝውግሐ ለይቲ ኣብ ልዕሊ ኣብ ቓዛ ዝርከብ ሆስፒታል ኣልሺፋ መጥቃዕቲ ፈጺማ፡ ናይ ዓይኒ መሰኻክር ኣብቲ ሆስፒታል ናይ ታንክታን ከበድቲ ኣጽዋርን ቶኲሲ ከምዝሰምዑ ተዛሪቦም።

እስራኤል፡ ኣብ ልዕሊ ሆስፒታል ኣልሺፋ ናይ ለይቲ መጥቃዕቲ ፈጺማ

ስጳኛዊት መርከብ ኦፐን ኣርምስ ትማሊ ሰሉስ ካብ ቆጵሮስ ተበጊሳ ናብታ ብውድብ ሕቡራት ሃገራት ኣብ ኣፍደገ ጥሜት ከምዘላ ዝተገለጸት ቓዛ  200 ቶን ኣድላይ መግቢ ሒዛ ተበጊሳ።

ቓዛ፡ ፈላማይ ፈተነ ምጉዕዓዝ ሰብኣዊ ሓገዝ ብባሕሪ ተሳሊጡ

ኣብ ዋሽንግተን ዝርከቡ መራሕቲ፡ ቀዳማይ ሚኒስትር ኔታንያሁ ኣብቲ ኣብ ቓዛ ዝካየድ ዘሎ ኲናት ዝኽተሎ መገዲ ዝምልከት ብቐጥታ ካብ ምንቃፍ ተቖጢቦም’ዮም።

ኲናት ቓዛ፡ 'ኔታንያሁ ንምትካእ ምርጫ ክካየድ ኣለዎ'- ሴኔተር ሹመር

ኣብ ማእከላይ ቓዛ ዝርከብ ሓደ ሆስፒታል፡ ብብዝሒ ዝሞቱ ሰባት ስለዘዕለቕለቐ ቀጽሪ እቲ ሆስፒታል ብኣስከሬናት ተመሊኡ ይርአ። ከም ሳዕቤኑ ድማ መግነዚ ከምዝወሓዶም ገለ ነበርቲ ገሊጾም።

“ብሰንኪ ብዝሒ ኣስከሬናት መግነዚ ክሳዕ ዝውሕደና ኢና ኰይንና” 

ሕቡራት ሃገራት ኣስታት 576 ሽሕ (ርብዒ ብዝሒ ህዝቢ) ንጥምየት ተቓሊዑ ከም ዘሎ ኣጠንቂቑ ነይሩ።