ብራዚል፡ ክሳድ ሓንቲ ጓል ኣንስተይቲ ረጊጹ ደው ዝበለ ፖሊስ ተግባሩ ቁጠዐ ፈጢሩ

ኣባል ወተሃደራዊ ፖሊስ ብራዚል ኣብ ሳኦፖሎ

ምንጪ ስእሊ, EPA

Published
ንባብ: 1 ደቓይቕ

ሓደ ኣባል ፖሊስ ብራዚል ንኽሳድ ሓንቲ ጸላም ጓልኣንስተይቲ ረጊጹ ዘርእይ ምስሉ ብተሌቪዥን እታ ሃገር ምስ ቀረበ ንሱን ካልእ ምስኡ ዝነበረ ፖሊስን ተኸሲሶም።

እቲ ተግባር ኣብ ከተማ ሳኦ ፖሎ ዝተፈጸመ ኮይኑ፡ እታ ክሳዳ ዝተረገጸትን ደሓር ድማ ኣእዳዋ ተኣሲራ ኣብ መሬት ዝተደብረየት ውልቀሰብ ወናኒት ንኡሽቶ እንዳመስተ ምዃና ተፈሊጡ።

እዚ ኣብ ወርሒ ግንቦት ከም ዝተፈጸመ ዝተገለጸ ተግባር ብሓደ ሓላፊ መገዲ እዩ ቪድዮ ተቐዲሑ።

ንኸምዚኦም ዝበሉ ጥቕዓታት ምጽዋር ከም ዘይከኣል ዝሓበረ ኣመሓዳሪ ሳኦ ፖሎ ጆኦ ዶሪያ እቶም ኣባላት ፖሊስ ካብ ስርሖም ከም ዝተሰጎጉ ኣፍሊጡ።

ብተወሳኺ፡ 2,000 ኣባላት ፖሊስ እታ ከተማ ድማ ኣብ ክዳኖም ካሜራታት ክግጠም ከም ዝግበር ወሲኹ ገሊጹ።

ነቲ ፍጻመ ዘርእይ ቪድዮ ቅድሚ ሰለስተ መዓልታት ኣቢሉ ኣብ ተሌቪዥን ፋንታስቲኮ ከም ዝተዘርግሐ ተፈሊጡ።

Skip X post
ንትሕዝቶ X ተፍቅድ ዶ?

እዚ ጽሑፍ ካብ X ዝተረኽቡ ትሕዝቶታት ኣሎዎ። እንተኾነ ኩኪስ ይዅን ካልእ ቴክኖሎጂ ክጥቀሙ ስለዝኽእሉ፡ ቅድሚ ምኽፋቱ ፍቓድኩም የድሊ። ፍቓደኛታት ቅድሚ ምዃንኩም፡ ነቲ ናይ X ፖሊሲ ኩኪስ ከምኡ’ውን ፖሊሲ ብሕትና ክተንብብዎ ትኽእሉ ኢኹም። ነዚ ትሕዝቶ ንምርኣይ፡ ‘እሰማማዕ’የ ቀጽል’ ዝብል ጠውቑ።

Warning: Third party content may contain adverts

End of X post

Presentational white space

እቲ ተግባር ኣብ ምሉእ ብራዚል ቁጠዐ ዝፈጠረ ኮይኑ፡ ምስቲ ኣብ ኣሜሪካ ብሓደ ኣባል ፖሊስ ዝተፈጸመ ቅትለት ጸሊም ጆርጅ ፍሎይድ ዘተኣሳስርዎ ኣይተስኣኑን።

ጸዕዳ ፖሊስ ንኽሳድ ጆርጅ ፍሎይድ ረጊጹ ኣብ ዝሓዘሉ እዋን እቲ ጸሊም ኣሜሪካዊ ከተንፍስ ከም ዘይከኣለ ደጋጊሙ እናለመኖ ተራእዩ ነይሩ።

በቲ ተግባር ህይወቱ ብምሕላፉ ከኣ ኣብ ኣሜሪካን ምሉእ ዓለምን ሓያል ቁጠዐ ከም ዝፈጠረ ይዝከር።