ኣብ ቡርኪናፋሶ ብዝተፈጸመ ብግበረ-ሽበራዊ መጥቃዕቲ 36 ሰባት ተቐቲሎም

ኣብ ሰሜናዊ ቡርኪናፋሶ ብዝተፈጸመ ግበረ-ሽበራዊ መጥቃዕቲ፡ ኣስታት 36 ሰባት ከምዝሞቱ መንግስቲ እታ ሃገር ገሊጹ።

እቶም ብረት ዝዓጠቑ ጉጀለ፡ ኣብ ሓደ ዕዳጋ 32 ሰባት ክቐትሉ እንለው፡ ኣብ ካልኦት 4ተ ዓድታት'ውን መጥቃዕቲ ከምዘካየዱ ክፍለጥ ተኻኢሉ'ሎ።

እቲ መጥቃዕቲ ብመን ከምዝተፈጸመ እዃ እንተተዘይተገልጸ፡ ኣብ ቡርኪናፋሶ፡ ብሓያሎ እስላማውያን ዕጡቓት ዝፍጸሙ ተግባራት ኣብ ዝሓለፈ ክልተ ዓመታት ብተደጋጋሚ ክረኣዩ ጸኒሖም'ዮም።

ዝሓለፈ ሰሉስ፡ ባይቶ እታ ሃገር ሲቪላዊ ወለንተኛታት ነቲ እስላማዊ ጉጅለ ንኽቃለሱ ብረት ክዓጥቑ ከምዝወሰነ ገሊጹ።

እቶም ወለንተኛታት፡ ን14 መዓልታት ዝጸንሕ ወተሃደራዊ ተዓሊም ከምዝወሃቦም'ውን ማዕከናት ዜና እታ ሃገር ገሊጾም።

ኣብዚ ቀረባ ግዜ ኣብ ቡርኪናፋሶ ዝተፈጸሙ መጥቓዕትታት