መራሕቲ ኦርቶዶክሳዊት ቤተ ክርስትያን ኢትዮጵያ ዝተዓረቑሎም 10 ነጥብታት እንታይ እዮም?

ኣብ መንጎ ጳጳሳት ኦርቶዶክሳዊት ቤተ ክርስትያን ተፈጢሩ ዝጸንሐ ምክፍፋል ትማሊ ረቡዕ ብዕርቂ ከም ዝተፈትሐ ብወግዒ ተገሊጹ እዩ።

ብሲኖዶስ ተወጊዞም ናይ ባዕሎም ሓድሽ "ሲኖዶስ" ክሳብ ምምስራት በጺሖም ዝነበሩ ሰለስተ ጳጳሳት፡ ብመንጎኝነት ኣተዓረቕትን ቀዳማይ ሚኒስተር ኣብዪ ኣሕመድን ድሕሪ ዝተኻየደ ልዝብ ናብታ ቤተክረስትያን ተመሊሶም ኣለዉ።

ሲኖዶስ እታ ቤተ ክርስትያን ብረቡዕ ኣብ ዘውጽኦ መግለጺ፡ እቲ ተፈጢሩ ዝነበረ ውሻጣዊ ጸገም ብመሰረት ስርዓትን ቆኖናን እታ ቤተክርስትያን ከም ዝተፈትሐ ብወግዒ ኣፍሊጡ'ዩ።

መፍትሒ እቲ ሽግር ብዝምልከት መግለፂ ኣብ ዝተወሃበሉ እዋን ሓላፊ ቤተ ክህነት እታ ቤተ ክርስቲያን ኣቡነ ኣብርሃም "ቅድስቲ ቤተ ክርስቲያን ስለ ዝተመለሱ ሰለስቲኦም ኣቦታት ንእግዚኣብሔር ተመስግን" ብምባል ዝተሰምዖም ሓጎስ ገሊጾም ነይሮም።

ኣብ ክልቲኡ ወገን ዘለዉ ኣቦታት ኣብ ዘካየድዎ ዘተ፡ ሓድነት ቤተ ክርስቲያንን ሃገርን ዘጠናኽር፡ ምፍልላይ ዘጥፍእ፡ ኣገልግሎት ዘስፍሕ መንገዲ ክኽተሉ ከም ዝግባእ እቲ መግለጺ ይጠቅስ።

ኣብ ኦሮምያን ካልኦት ከባቢታትን ምስ ቋንቋ ብዝተኣሳሰር ዝለዓል ሕቶ ብቤተክርስትያን ክምለስ ከም ዘለዎን እቲ ተጀሚሩ ዘሎ ጻዕሪ ክቕፅል ምዃኑን ተገሊፁ ኣሎ።

እቶም ዓሰርተ ነጥብታት እንታይ እዮም?

እቲ ኣብታ ቤተ ክርስቲያን ዝተፈጥረ ፀገም ንምፍታሕ ኣቦታት ብዕለት 8 ለካቲት 2015 (ግእዝ) ዝገበርዎ ስምምዕነት ነዞም ስዒቦም ዝቐረቡ ዓሰርተ ነጥብታት የጠቓልል።

እቲ ምስሕሓብ ቅድሚ ሒደት ሳምንታት ሰለሰተ ጳጳሳት ካብ ሶኖዶስ ወጻኢ ብኢደወነኖም ልዕሊ 20 ጳጳሳት ድሕሪ ምሻሞም'ዩ ጀሚሩ።

ነቶም ጳጳሳትን ዝሸምዎም ኤጲስ ቆጶሳትን ዝተቓወመ እቲ ሲኖዶስ ኣብቲ ምምቕቓል ኢድ መንግስቲ ኣለዎ ክብል ኣሚቱ ነይሩ።

ብሰንኪ'ዚ፡ እቲ ኩነታት ኣብታ ሃገር ዓቢ ጸጥታዊ ስግኣት ኣሕዲሩ ጸኒሑ'ዩ።