ድምቀት ኣሸንዳ ኣብ መቐለ - ብስእሊ

ቆልዑ ኣሸንዳ ኣብ መቐለ
Published

ደቂ ኣንስትዮ ትግራይ ድሕሪ ሰለስተ ዓመታት፡ ኣብ ዝተፈላለየ ከባቢታት እቲ ክልል በዓል ኣሸንዳ ብዝተሓዋወሰ ስምዒታት ይጽምብላ ኣለዋ።

ሕዚ'ውን ኣብ ገለ መዋሰንቲ ከባብታት ትግራይ ዝርከባ ኣዋልድ ብዙሕ ግፍዕን መከራን እናሕለፋ ነዚ በዓል ከኽብራ ኣይከኣላን።

ካልኦት ድማ ኣብቲ እዋን ኲናት ተመዛቢለን ኣብ መዕቖቢ ተመዛበልቲ ኰይነን የሕልፈኦ ኣለዎ። ብኣሸሓት ዝቑጸራ ድማ ግዳይ ጾታዊ መጥቃዕትን ግህሰትን ኮይነን፡ ካብ ቆስለን ዘይሓወያ ይርከበአን።

ጋዜጠኛ ቢቢሲ፡ ኣብ መቐለ ዝነበረ በዓል ኣሸንዳ ተዘዋዊሩ ዘልዐሎም ስእልታት እነሆ፡ ተኣንገዱ።

ኣሸንዳ ኣብ ከተማ መቐለ
ኣሸንዳ ትግራይ ኣብ መቐለ
መግለጺ ስእሊ, ድምቀት ኣሸንዳ ኣብ መቐለ ፡ ስታድዮም ባሎኒ
ጉዱኣት ኵናት ትግራይ ተጋደልቲ ደቀንስትዮ
መግለጺ ስእሊ, ጉዱኣት ኵናት ትግራይ ደቀንስትዮ ኣብ መዓልቲ ኣሸንዳ ናብ ኣደባባይ ብምውፃእ ዝኽሪ ቁልዕነተንን ክብሪ ኣሸንዳን ኣብዒለንኦ። ደቂ ኣንስትዮ ግዳይ ጾታዊ ዓመጽን መጥቃዕትን ምዃነን ስዒቡ፡ ብዙሓት ናብ ሰራዊት ትግራይ ተፀምቢረን ኣብቲ ንክልተ ዓመታት ዝዘለቐን ኣሸሓት ህይወት ዝበልዐን ደማዊ ኲናት ማዕረ ማዕረ ደቂ ተባዕትዮ ተሳቲፈን እየን።
ኣሸንዳ ኣብ መቐለ
መግለጺ ስእሊ, ብዙሓት ቆልዑ ኣሸንዳ ጀዲድ ወይ ድማ ካብ ዋስየ ዝተሰርሐ ጥልፊ የዘውትራ።
ቦፌ ዝተኸደና ቆልዑ ኣሸንዳ
መግለጺ ስእሊ, ኣብ ከባብታት ደቡብ ትግራይ ዝዝውተር ብልምዲ 'ቦፌ' እናተብሃለ ዝፅዋዕ ክዳን ለቢሰን ዝተመላኸዓ ቆልዑ ኣሸንዳ
ኣብ ጎደናታት መቐለ ከበሮ ሒዘን ዝዘላ ደቂ ኣሸንዳ
መግለጺ ስእሊ, ቆልዑ ኣሸንዳ ኣብ ጎደናታትን ህዝባዊ ቦታትን 'ኣሸንዳ ዕምባቦ' እናበላ ክደርፋን ክዘላን ይውዕላ። ደቂ ተባዕትዮ ኣብ ቅድሚአን እንተረኺበን ድማ 'ሓዛለይ ሓዛለይ' እናበላ የላህየኦም።
ኣሸንዳ ኣብ ከተማ መቐለ
መግለጺ ስእሊ, እቲ ሃይማኖታዊ ትሕዝቶ ዘለዎ በዓል ጾም ፍልሰታ ምስ ተስዓረ ካብ ነሓሰ 16 ጀሚሩ ቅነ አሸንዳ ፡ ከከም ከባቢኡ ንመዓልታትን ንሰሙናትን ደሚቑ ይፀንሕ።
ቆልዓ ኣሸንዳ ውላዳ ሓዚላ
መግለጺ ስእሊ, ኣሸንዳ ብቐንዱ ደናግል ኣዋልድ ዘኽብረኦ እንተዀነ'ኳ፡ ሕዚ ሕዚ ዋላ ምርዑዋት ደቂ ኣንስትዮ ወፂአን ኣብቶም ፅምብላት ክሳተፋ ይረኣያ።
ኣሸንዳ ትግራይ ኣብ መቐለ
ክልተ ዝተመላኻዓ ኣዋልድ
መግለጺ ስእሊ, ቆልዑ ኣሸንዳ ብዝተፈላለዩ መመላኽዒታት ጸቢቐንን ተመላኺዐንን ይወፅኣ።
ክልተ ቆልዑ ኣሸንዳ
መግለጺ ስእሊ, ኣሸንዳ ንኣዋልድ መዓልቲ ሓጎስን ጽባቐን እዩ።
ኣፋ ዝሓዘት ቆልዓ ኣሸንዳ
መግለጺ ስእሊ, ቆልዑ ኣሸንዳ አብቲ ቅነ በዓል ጥራይ ዝኸደነኦን ዝኣስረኦን ኣላብስን መጋየፅታትን ኣለዎን።