"మా కుటుంబంలో ఎంత మందికి క‌రోనావైర‌స్ సోకింది? నేను మళ్ళీ మా ఆయనను చూడగలనా?"

“నాకు ఆ స‌మ‌యంలో ఏం చేయాలో అర్థంకాలేదు. నేను దాదాపుగా కుప్ప‌కూలిపోయాను. మా ఆయ‌న్ను మ‌ళ్లీ చూడ‌గ‌లుగుతానా? మా కుటుంబంలో ఎంత మందికి క‌రోనావైర‌స్ సోకింది? ఒక్కోరోజు మా ఇంట్లో తెల్లవారుజామున 3.30 వ‌ర‌కు అంద‌రమూ చిన్న‌చిన్న గేమ్స్ ఆడుకునేవాళ్లం. అవ‌న్నీ మ‌ళ్లీ చూడ‌గ‌ల‌నా అనిపించింది” అని అన్నారు నెహాలి పవార్.

18 మంది ఉండే ఈ ఉమ్మడి కుటుంబం ముంబ‌యిలోని వాడాల పరిసరాల్లో నివసిస్తుంది. చుట్టుపక్కల అంతా గుడిసెలు, కిక్కిరిసిన వీధులు ఉన్నప్పటికీ వీరి ఇంట్లో తొమ్మిది గదులున్నాయి.

“ఒకరి తర్వాత ఒకరు అనారోగ్యం భారిన పడ్డారు. ఒకరు దగ్గుతుంటే మరొకరు తుమ్ముతున్నారు. ఒక్కసారిగా చాలా భయమేసింది”అంటూ తన కుటుంబం మొత్తానికి ఎలా కరోనావైరస్ సోకిందో ఆమె బీబీసీకి వివరించారు.

లాక్‌డౌన్‌ సమయంలో అందరిలానే ఈ కుటుంబంలోని వారు కూడా ఇంటికే పరిమితమయ్యారు. కొత్త వంటకాలు, ఆటలు, పాటలతో ఇల్లంతా సందడిగా మారింది. అయితే, నెల తిరిగేలోగా ఈ సంతోషానికి కరోనావైరస్‌తో ముగింపు పడింది. అదృష్టవశాత్తు పవార్ కుటుంబం ఈ సంక్షోభం నుంచి గట్టెక్కింది.

ఇవి కూడా చదవండి:

(బీబీసీ తెలుగును ఫేస్‌బుక్, ఇన్‌స్టాగ్రామ్‌, ట్విటర్‌లో ఫాలో అవ్వండి. యూట్యూబ్‌లో సబ్‌స్క్రైబ్ చేయండి.)