ఏంజెలీనా జోలీ: ‘బ్రాడ్ పిట్ నన్ను, నా పిల్లలను కొట్టాడు... తిట్టాడు’

లైవ్ కవరేజీ

1. 5 అక్టోబర్ 2022గద్దర్: మునుగోడు ఎన్నికల్లో ప్రజాశాంతి పార్టీ తరపున పోటీ

   విప్లవ గాయకుడు గద్దర్ మునుగోడు ఉపఎన్నికల్లో పోటీ చేస్తున్నట్లు ప్రజాశాంతి పార్టీ చీఫ్ కేఏ పాల్ తెలిపారు.

   పార్టీ ఎగ్జిక్యూటివ్ కమిటీ సభ్యుల అభ్యర్థన మేరకు మునుగోడులో పోటీ చేసేందుకు గద్దర్ ఒప్పుకున్నారని పాల్ వెల్లడించారు.

   ఒకప్పుడు నక్సలైటుగా ఉన్న గద్దర్, ఆ తరువాత ఉద్యమం నుంచి బయటకు వచ్చారు. విప్లవ గీతాలతో ఆయన ‘ప్రజా గాయకుని’గా గుర్తింపు తెచ్చుకున్నారు.

   2018లో కాంగ్రెస్ పార్టీకి దగ్గర అయ్యారు గద్దర్. తన కుమారునికి సీటు కోసం సోనియా గాంధీని కలిశారు.

2. 5 అక్టోబర్ 2022అరుణాచల్ ప్రదేశ్‌లో కూలిన ఆర్మీ హెలీకాప్టర్

   అరుణాచల్ ప్రదేశ్‌లోని తవాంగ్ ప్రాంతంలో ఇండియన్ ఆర్మీకి చెందిన చీతా హెలీకాప్టర్ కూలిపోయినట్లు ఆర్మీ అధికారులను ఉటంకిస్తూ ఏఎన్ఐ వార్తా సంస్థ వెల్లడించింది.

   ఈ ప్రమాదంలో ఒక సైనికుడు ప్రాణాలు కోల్పోయినట్లు కూడా తెలిపింది.

   రోజువారీ డ్రిల్స్‌లో భాగంగా ఈ చీతా హెలీకాప్టర్ తవాంగ్ ప్రాంతంలో సంచరిస్తున్న సమయంలో ప్రమాదం జరిగిందని ఆర్మీ వెల్లడించింది. అయితే, ప్రమాదానికి కారణాలు ఇంకా తెలియరాలేదు.

   హెలీకాప్టర్‌లో ఉన్న ఇద్దరు పైలట్లను సమీపంలోని మిలిటరీ ఆసుపత్రికి తరలించగా, అందులో ఒకరు చికిత్స పొందుతూ మరణించారని ఆర్మీ అధికారులు తెలిపారు.

3. 5 అక్టోబర్ 2022తెలంగాణ రాష్ట్ర సమితికి భారత రాష్ట్ర సమితిగా పేరు మార్పు

   తెలంగాణ రాష్ట్ర సమితి పార్టీ పేరును భారత రాష్ట్ర సమితిగా మారుస్తూ ఆ పార్టీ నాయకత్వం నిర్ణయం తీసుకుంది.

   టీఆర్ఎస్ పార్టీ కార్యాలయం తెలంగాణ భవన్‌లో జరిగిన పార్టీ జనరల్ బాడీ సమావేశంలో ఈ నిర్ణయాన్ని ఆమోదించారు.

   ఈ మేరకు పార్టీ రాజ్యాంగంలో కూడా అవసరమైన మార్పులు చేసినట్లు ఎన్నికల కమిషన్‌కు రాసిన లేఖలో పేర్కొన్నారు.

   పార్టీ నాయకత్వం తీసుకున్న నిర్ణయాన్ని స్వాగతిస్తూ అభిమానులు సంబరాలు చేసుకున్నారు.

4. 5 అక్టోబర్ 2022భారత రాష్ట్ర సమితి: జాతీయ పార్టీ స్థాపించడానికి అర్హతలేమిటి.? ఒక పార్టీకి జాతీయ హోదా ఎలా వస్తుంది?

5. 5 అక్టోబర్ 2022కేసీఆర్ ‘జాతీయ పార్టీ’ ప్రకటన ఎప్పుడంటే..

   తెలంగాణ రాష్ట్ర సమితి పార్టీ అధ్యక్షుడు, తెలంగాణ రాష్ట్ర ముఖ్యమంత్రి కల్వకుంట్ల చంద్రశేఖరరావు జాతీయ రాజకీయాల్లోకి ప్రవేశించేందుకు గాను ‘జాతీయ పార్టీ’ ఏర్పాటు చేస్తున్నారని ఆ పార్టీ నాయకులు చెబుతున్నారు.

   ఈ వ్యవహారంపై బీబీసీ ప్రతినిధి బళ్ల సతీశ్ ఫేస్‌బుక్ లైవ్.. తెలంగాణ భవన్ నుంచి..

6. 5 అక్టోబర్ 2022భార్యను మోస్తూ తిరుమల మెట్లెక్కిన భర్త, ఈ వీడియోపై దంపతులు ఏమన్నారు?

7. 5 అక్టోబర్ 2022తిరుపతి: మహిళలు నడిపిస్తున్న టీ షాపులు.. ‘ఇక్కడ మగవాళ్లకు ఉద్యోగాలు లేవు’

8. 5 అక్టోబర్ 2022KCR: ఎన్టీఆర్ జాతీయ పార్టీ ‘భారతదేశం’ ఏమైంది? టీఆర్ఎస్ జాతీయ పార్టీగా ఎలా మారుతుంది?

9. 5 అక్టోబర్ 2022ఉత్తర కొరియాకు స్పందనగా క్షిపణులు పేల్చిన దక్షిణ కొరియా, అమెరికా, నాథన్ విలియమ్స్, బీబీసీ ప్రతినిధి

   జపాన్ మీదుగా ఉత్తర కొరియా ప్రయోగించిన క్షిపణికి స్పందనగా దక్షిణ కొరియా, అమెరికా సైన్యం పలు క్షిపణులను పేల్చాయి. ఈ విషయాన్ని దక్షిణ కొరియా సైన్యం వెల్లడించింది.

   జపాన్, కొరియా ద్వీపకల్పానికి మధ్య ఉన్న, జపాన్ సముద్రంగా పేరొందిన తూర్పు సముద్రంలోకి ఈ క్షిపణులను ప్రయోగించారు.

   2017 తర్వాత తొలిసారి ఉత్తర కొరియా బాలిస్టిక్ క్షిపణిని పేల్చింది. మంగళవారం ఈ క్షిపణి జపాన్ మీదుగా దూసుకెళ్లింది.

   దీనికి ప్రతిస్పందనగా అమెరికా, జపాన్, దక్షిణ కొరియాలు సైనిక విన్యాసాలను ప్రారంభించాయి. తమ శక్తిని తెలియజెప్పడమే ఈ విన్యాసాల ఉద్దేశం.

10. 5 అక్టోబర్ 2022గుడ్ మార్నింగ్

    బీబీసీ న్యూస్ తెలుగు లైవ్ పేజీకి స్వాగతం.

    ముఖ్యాంశాలు:

    • భారతదేశంలో కరోనావైరస్ మహమ్మారి తర్వాత, రెండేళ్ల అనంతరం మళ్లీ దసరా వేడుకలు ఘనంగా జరుగుతున్నాయి.
    • యుక్రెయిన్ దక్షిణ ప్రాంతమైన ఖెర్సాన్‌లోని పలు ప్రాంతాలను ఆ దేశ సైన్యం రష్యా నుంచి తిరిగి స్వాధీనం చేసుకుంటోంది.
    • జపాన్ మీదుగా ఉత్తర కొరియా ప్రయోగించిన క్షిపణికి స్పందనగా దక్షిణ కొరియా, అమెరికా సైన్యం పలు క్షిపణులను పేల్చాయి.
    • ట్విటర్ కొనుగోలు డీల్‌ను మళ్లీ తెరపైకి తెచ్చారు ఎలాన్ మస్క్. తాను గతంలో చేసిన ప్రతిపాదన మేరకు సోషల్ మీడియా కంపెనీని కొంటానని ఆయన ట్విటర్‌కు లేఖ రాశారు.
    • చిరంజీవి నటించిన గాడ్ ఫాదర్, నాగార్జున నటించిన ది ఘోస్ట్ చిత్రాలు ఈ రోజు విడుదల అయ్యాయి.

    నిన్నటి లైవ్ పేజీని చూడాలంటే ఈ లింక్‌పై క్లిక్ చేయండి..

11. 2 జనవరి 2022ప్రసవ సమయంలో తారుమారైన పిల్లలు.. కొత్త మలుపు తిరిగిన రెండు కుటుంబాల కథ