తైవాన్ సమీపంలో చైనా మిసైల్స్... యుద్ధనౌకను పంపుతున్నామన్న అమెరికా

లైవ్ కవరేజీ

1. 4 ఆగస్టు 2022లాభాల్లో ట్రేడవుతున్న స్టాక్ మార్కెట్లు

   గురువారం స్టాక్‌ మార్కెట్లు లాభాల్లో ప్రారంభమయ్యాయి.

   ప్రస్తుతం సెన్సెక్స్ 254 పాయింట్లు పెరిగి 58,604 వద్ద ట్రేడ్ అవుతుండగా నిఫ్టీ 76 పాయింట్ల లాభంతో 17,465 వద్ద ట్రేడవుతోంది.

   టాటా కన్జూమర్స్, ఇన్ఫోసిస్, హిందాల్కో, రిలయన్స్, టీసీఎస్ వంటి షేర్లు బాగా యాక్టివ్‌గా ట్రేడ్ అవుతున్నాయి.

   హిందాల్కో 4.26శాతం, ఇన్ఫోసిస్ 2.07శాతం, విప్రో 1.49శాతం పెరిగాయి. టాటా కన్జూమర్స్ 2.72శాతం, ఎన్‌టీపీసీ 1.10శాతం, ఎస్‌బీఐ 0.95శాతం నష్టపోయాయి.

2. 4 ఆగస్టు 2022కామన్‌వెల్త్ గేమ్స్: సెమీస్‌‌కు చేరిన టీం ఇండియా

   కామన్‌వెల్త్ గేమ్స్‌లో భాగంగా జరిగిన విమెన్స్ టీ20లో బార్బడోస్ మీద టీం ఇండియా 100 పరుగుల తేడాతో గెలిచింది.

   తద్వారా సెమీఫైనల్‌లోకి టీం ఇండియా దూసుకెళ్లింది.

   తొలుత బ్యాటింగ్ చేసిన టీం ఇండియా 20 ఓవర్లలో 162 పరుగులు చేసింది. జెమీమా రొడ్రిగ్యూస్ 56 పరుగులు చేయగా షఫాలీ వర్మ 43 పరుగులు తీసింది.

   దీప్తి శర్మ 28 బంతుల్లో 34 పరుగులు చేసింది.

   మొత్తం మీద 4 వికెట్లు కోల్పోయింది.

   163 పరుగుల లక్ష్యంతో బరిలోకి దిగిన బార్బడోస్ 20 ఓవర్లలో 8 వికెట్లు కోల్పోయి 62 పరుగులు చేసింది.

   రేణుక సింగ్ 4 వికెట్లు తీసింది.

3. 4 ఆగస్టు 2022పెట్రోల్‌తో వెళ్లే బైకులో ఆటోమాటిగ్గా చార్జ్ అయ్యే బ్యాటరీ

   ఇది మామూలు బైక్‌ కాదు. దీనిపై 10 కిలోమీటర్ల ప్రయాణానికి జస్ట్ రూపాయిన్నర ఖర్చవుతుంది. అంతేకాదు.. ఇది అవసరం అనుకుంటే పెట్రోల్‌తో కూడా నడుస్తుంది.

   పూర్తి వివరాల కోసం ఈ వీడియో చూడండి.

4. 4 ఆగస్టు 2022మెక్‌డొనాల్డ్ ఉద్యోగి కాల్చివేత

   కోల్డ్ ఫ్రెంచ్ ఫ్రైస్ కోసం జరిగిన గొడవ, అమెరికాలోని మెక్‌డొనాల్డ్ ఉద్యోగి మరణానికి దారి తీసింది.

   ‘సోమవారం న్యూయార్క్‌లోని మెక్‌డొనాల్డ్ రెస్టారెంట్‌లో పని చేసే ఒక ఉద్యోగితో ఒక మహిళ కోల్డ్ ఫ్రెంచ్ ఫ్రైస్ కోసం వాగ్వావాదానికి దిగింది.

   ఈ నేపథ్యంలో ఆ మహిళ కొడుకు ఆ ఉద్యోగి మీద కాల్పులు జరిపాడు’ అని న్యూయార్క్ పోస్ట్ తెలిపింది.

5. 4 ఆగస్టు 2022తైవాన్‌కు హెచ్చరికగా చైనా భారీ సైనిక విన్యాసాలు

   తమ హెచ్చరికలను పట్టించుకోకుండా అమెరికా ప్రతినిధుల సభ స్పీకర్ నాన్సీ పెలోసీ, తైవాన్‌లో పర్యటించిన నేపథ్యంలో చైనా భారీ సైనిక విన్యాసాలు చేపట్టేందుకు సిద్ధమవుతోంది.

   తైవాన్ చుట్టుపక్కల వీటిని చేపట్టనుంది.

   తైవాన్ తమదే అంటూ చైనా వాదిస్తుండగా దానికి తైవాన్ ఒప్పుకోవడం లేదు. ఈ నేపథ్యంలో తైవాన్‌కు అమెరికా అండగా ఉంటూ వస్తోంది.

   పెలోసీ పర్యటన నేపథ్యంలో తైవాన్‌తో కొంత మేర వాణిజ్యంపై ఆంక్షలు విధించడంతోపాటు చరిత్రలోనే అత్యంత భారీ స్థాయిలో తైవాన్ సమీపంలో సైనిక విన్యాసాలు చేపడుతోంది చైనా.

6. 4 ఆగస్టు 2022హలో, గుడ్ మార్నింగ్!

   బీబీసీ న్యూస్ తెలుగు లైవ్ పేజీకి స్వాగతం. స్థానిక, జాతీయ, అంతర్జాతీయ వార్తల లైవ్ అప్‌డేట్స్ కోసం ఈ పేజీని చూస్తూ ఉండండి.

   నిన్నటి లైవ్ పేజీ కోసం ఇక్కడ క్లిక్ చేయండి.