You’re viewing a text-only version of this website that uses less data. View the main version of the website including all images and videos.
యుక్రెయిన్ రాజధాని కీయెవ్ సమీపంలో భీకర పోరాటం జరుగుతోంది. కీయెవ్లోని ఎయిర్ఫీల్డ్పై రష్యా క్షిపణి దాడులు చేసింది. అంతకుముందు, ఆహార గోదాంపై రష్యా దాడులు చేయడంతో పెద్ద ఎత్తున మంటలు వ్యాపించాయి. యుక్రెయిన్కు తాము బలగాలు పంపబోమని అమెరికా అధ్యక్షుడు జో బైడెన్ స్పష్టం చేశారు.
సతీష్ ఊరుగొండ, అరుణ్ శాండిల్య
యుక్రెయిన్ రాజధాని కీయెవ్ సమీపంలో ఒక చెక్ పాయింట్ వద్ద ఒక జంట మిలటరీ స్టైల్లో పెళ్లి చేసుకుంది.
ఈ ఇద్దరూ సివిల్ డిఫెన్స్ వలంటీర్లు. మిలటరీ చెక్ పాయింట్ దగ్గర పనిచేస్తున్నారు.
కీయెవ్ మేయర్ కూడా ఈ పెళ్లికి హాజరై వధూవరులను ఆశీర్వదించారు.
రష్యాలో ఇన్స్టాగ్రామ్పై నిషేధం విధించడంపై ఆ సంస్థ స్పందించింది. ఇన్స్టాగ్రామ్ను నిషేధించడమంటే సోమవారం నుంచి కోట్లాది మంది రష్యన్లు తమ ఇన్స్టాగ్రామ్ ఖాతాల యాక్సెస్ కోల్పోవడమేనని ఆ సంస్థ చెప్పింది.
‘‘సోమవారం రష్యాలో ఇన్స్టాగ్రామ్ బ్లాక్ అవుతుంది’’ అని ఆ సంస్థ హెడ్ ఆడమ్ మోసెరీ ట్వీట్ చేశారు.
యుక్రెయిన్ మద్దతుగా తమ బలగాలను పంపించబోమని అమెరికా అధ్యక్షుడు జో బైడెన్ అన్నారు.
‘‘నేనో విషయం స్పష్టం చేయదలచుకున్నాను. నాటో భూభాగాలలోని ప్రతి అంగుళాన్నీ మేం రక్షించుకుంటాం’’ అని బైడెన్ ట్వీట్ చేశారు.
అలా అని తాము యుక్రెయిన్లో రష్యాతో ప్రత్యక్షంగా యుద్ధానికి దిగబోమని... నాటో, రష్యాల మధ్య ప్రత్యక్ష ఘర్షణ అంటూ జరిగితే అది మూడో ప్రపంచ యుద్ధమేనని బైడెన్ అన్నారు.
రష్యాతో నేరుగా యుద్ధం చేసేందుకు అమెరికా బలగాలను పంపించే ఉద్దేశం తమకు లేదని బైడెన్ పదేపదే చెప్పుకొస్తున్నారు.
రష్యాపై బైడెన్ వరుసగా ఆంక్షలు విధిస్తున్నారు. శుక్రవారం కూడా అనేక రష్యా ఉత్పత్తులను అమెరికా నిషేధించింది.
యుక్రెయిన్, రష్యా సంక్షోభం 17వ రోజుకు చేరుకుంది.
రష్యాపై అమెరికా మరిన్ని ఆంక్షలు విధించింది. రష్యా నుంచి దిగుమతయ్యే మద్యం, సీఫుడ్, వజ్రాలు వంటి అనేక ఉత్పత్తులను అమెరికా నిషేధించింది.
నాటో దేశాలు, రష్యా మధ్య నేరుగా యుద్ధం జరిగితే అది మూడో ప్రపంచ యుద్ధమే అవుతుందనీ బైడెన్ అన్నారు.
ఈ యుద్ధానికి సంబంధించిన తాజా అప్డేట్స్తో పాటు తెలుగు రాష్ట్రాలకు సంబంధించిన వార్తలు, జాతీయ-అంతర్జాతీయ వార్తలు ఎప్పటికప్పుడు తెలుసుకోవడానికి ఈ లైవ్ పేజీ చూస్తూ ఉండండి.