ரோகித் ஷர்மா அதிரடி சதமடித்து ஆட்டமிழந்தார்
தொடக்க வீரர் ரோகித் ஷர்மா 90 பந்துகளில் சதமடித்தார்.
இந்த உலகக் கோப்பை தொடரில் ரோகித் ஷர்மா அடிக்கும் நான்காவது சதம் இது.
தென்னாப்பிரிக்கா, பாகிஸ்தான், இங்கிலாந்து அணிகளுக்கு எதிராக முன்னதாக சதம் அடித்திருந்தார்.
ஆறு பௌண்டரிகள் ஐந்து சிக்ஸர்கள் உதவியுடன் சதம் விளாசியுள்ளார் ரோகித்.
உலகக்கோப்பையில் இதுவரை 15 போட்டிகளில் விளையாடியுள்ள ரோகித் ஐந்து சதம் விளாசியுள்ளார் ஒருநாள் போட்டிகளில் ரோகித்தின் 26-வது சதம் இது.
உலகக்கோப்பை தொடர்களில் முதல் விக்கெட்டுக்கு அதிக ரன்கள் சேர்த்த இணை எனும் பெருமையை பெற்றுள்ளது ரோகித் - ராகுல் இணை.
சவுமியா சர்க்கார் பந்தில் ரோகித் ஷர்மா லித்தன் தாஸிடம் கேட்ச் கொடுத்து ஆட்டமிழந்தார். 92 பந்துகளில் 104 ரன்கள் எடுத்து அவர் ஆட்டமிழந்தபோது இந்திய அணியின் ஸ்கோர் 180.