ஆனந்த் ஸ்ரீநிவாசன் பேட்டி: மியூச்சுவல் ஃபண்டில் முதலீடு செய்வதற்கு கவனிக்க வேண்டியது என்ன?

பங்குச் சந்தை

பட மூலாதாரம், Getty Images

    • எழுதியவர், முரளிதரன் காசிவிஸ்வநாதன்
    • பதவி, பிபிசி தமிழ்
  • பிரசுரிக்கப்பட்டது
  • வாசிக்கும் நேரம்: 2 நிமிடங்கள்

மத்திய தர வர்க்கத்தினரைப் பொறுத்தவரை பங்குச் சந்தைகளில் நேரடியாக முதலீடு செய்வதைவிட, மியூச்சுவல் ஃபண்ட் எனப்படும் பரஸ்பர நிதி திட்டங்களில் முதலீடு செய்வதையே பாதுகாப்பானதாக கருதுகின்றனர். ஒருவர், சரியான மியூச்சுவல் ஃபண்ட் திட்டங்களைத் தேர்வுசெய்வது எப்படி?

பொருளியல் வல்லுநர் ஆனந்த் ஸ்ரீநிவாசன் தரும் ஆலோசனைகள்:

மியூச்சுவல் ஃபண்ட் என்றால் என்ன என்பதை முதலில் பார்க்கலாம். இந்தியப் பங்கு மற்றும் பரிவர்த்தனை வாரியமான 'செபி' மியூச்சுவல் ஃபண்ட் திட்டங்களில் முதலீடு செய்ய நிறுவனங்களுக்கு அனுமதி அளிக்கும். இந்த நிறுவனங்கள் Asset management company என்று அழைக்கப்படும். சுருக்கமாக ஏஎம்சி.

இந்த ஏஎம்சிகள் முதலீட்டாளர்களிடம் பணத்தை வசூலித்து, பங்குச் சந்தையிலோ, bond மார்க்கெட்களிலோ அல்லது இரண்டிலுமோ முதலீடு செய்வார்கள். அதற்கு ஒரு கட்டணம் எடுத்துக்கொள்வார்கள். இந்த நிறுவனங்கள் ஒரு நிதி நிர்வாகியை வைத்து இதனை நடத்துவார்கள். இந்த நிதி நிர்வாகிகள்தான் எங்கு முதலீடு செய்வது என்பதை முடிவுசெய்வார்கள்.

ஆனால், உலகமெங்கும் உள்ள மியூச்சுவல் ஃபண்ட் சந்தைகளைக் கவனித்தபோது ஒரு விஷயம் தெளிவாகியுள்ளது. அதாவது ஒரு நிதி நிர்வாகியால் தனக்கான கட்டணங்களை எடுத்த பிறகு, பங்குச் சந்தையில் முதலீடு செய்யும்போது கிடைக்கும் லாபமானது, Index பங்குகளில் முதலீடு செய்யும்போது கிடைக்கும் லாபத்தைவிட அதிகமாக இருக்காது.

அதாவது பங்குச் சந்தை குறியீட்டு எண் இந்த ஆண்டுத் துவக்கத்தில் 13,000 புள்ளிகளாக இருந்தது என்று வைத்துக் கொள்வோம். வருட முடிவில் அது 18,000மாகிவிடும். அதாவது 5,000 புள்ளி அதிகரிப்பு. சாதாரண நிதி நிர்வாகியால் இதைத் தாண்டி லாபம் ஈட்டித்தர முடியாது.

இதனால், இப்போது Index Fund திட்டங்களை அறிமுகப்படுத்தியுள்ளார்கள். இதற்கு நிதி நிர்வாகி தேவையில்லை. இந்தப் பங்குகளைப் பொறுத்தவரை Niftyல் முதல் 50 பங்குகளில் முதலீடு செய்வார்கள். பிறகு அடுத்த ஐம்பதில் முதலீடு செய்வார்கள். இதற்கு நிர்வாகி தேவையில்லை. கம்ப்யூட்டரே இதனைச் செய்யும். இதில் நீண்ட கால லாபம் இருக்கும்.

வரி சேமிப்பைப் பொறுத்தவரை Equity linked Saving திட்டங்களில் ஒருவர் வரியைச் சேமிக்க முடியும். மாறாக வழக்கமான மியூச்சுவல் ஃபண்ட் திட்டத்தில் ஒரு வருடத்திற்கு மேல் முதலீடு செய்திருந்து, லாபம் ஒரு லட்சத்திற்கு மேல் இருந்தால் 20 சதவீதம் வரி செலுத்த வேண்டும்.

Skip அதிகம் படிக்கப்பட்டது and continue reading
அதிகம் படிக்கப்பட்டது

End of அதிகம் படிக்கப்பட்டது

மாதாமாதம் பணம் செலுத்தி முதலீடு செய்யும் SIP நல்லதா அல்லது மொத்தமாக பணத்தை முதலீடு செய்வது நல்லதா என்ற கேள்வி பலருக்கும் உண்டு. இதில் SIP முதலீடே சிறந்தது.

மியூச்சுவல் ஃபண்ட் முதலீடுகள் குறித்து மேலும் அறிய இந்த வீடியோவைப் பாருங்கள்.

YouTube பதிவை கடந்து செல்ல
Google YouTube பதிவை அனுமதிக்கலாமா?

இந்தக் கட்டுரையில் Google YouTube வழங்கிய தகவல்கள் இடம் பெற்றுள்ளன. குக்கி மற்றும் பிற தொழில்நுட்பங்கள் பயன்படுத்தப்படக்கூடும் என்பதால் எந்த ஒரு பதிவேற்றத்துக்கும் முன்னதாக உங்கள் அனுமதியைக் கோருகிறோம். அதை ஏற்றுக்கொள்வதற்கு முன்பாக, நீங்கள் Google YouTube குக்கி கொள்கை மற்றும் தனியுரிமைக் கொள்கையை அறிந்துகொள்ள விரும்பலாம். இந்த தகவலைப் படிக்க, `ஏற்றுக்கொண்டு தொடரவும்' என்பதைத் தேர்வு செய்யவும்.

எச்சரிக்கை: வெளியார் தகவல்களில் விளம்பரங்கள் இருக்கலாம்

YouTube பதிவின் முடிவு

பிற செய்திகள்:

சமூக ஊடகங்களில் பிபிசி தமிழ் :