கோலி பறக்கவிட்ட சிக்ஸர்ஸ் : முதல் போட்டியிலேயே தடுமாறிய மும்பை அணி

ஐ.பி.எல். தொடரில் மும்பை இந்தியன்ஸ் அணிக்கு எதிரான ஆட்டத்தில் பெங்களூரு ராயல் சேலஞ்சர்ஸ் அணி முழுமையாக ஆதிக்கம் செலுத்தி வெற்றி கண்டுள்ளது. ஐ.பி.எல்.லில் வெற்றிகரமான கேப்டனாக வலம் வரும் மும்பை அணி கேப்டன் ரோகித்தின் கணக்குகள் தப்புக் கணக்குகளாகிப் போக, பெங்களூரு அணியோ வழக்கத்திற்கு மாறாக ஒருங்கிணைந்த சிறந்த அணியாக பரிமளித்துள்ளது.

பெங்களூரு ராயல் சேலஞ்சர்ஸ் அணியின் சொந்த மைதானமான பெங்களூரு சின்னசாமி மைதானத்தில் 3 ஆண்டுகளுக்குப் பிறகு நடந்த முதல் போட்டி இதுவாகும். ரசிகர்களின் பெரும் ஆரவாரத்திற்கிடையே விளையாடிய அந்த அணி தொடக்கம் முதலே அசத்தல் ஆட்டத்தை வெளிப்படுத்தியது.

பேட்ஸ்மேன்களின் சொர்க்கபுரி, பந்துவீச்சாளர்களின் கல்லறை என்றெல்லாம் வர்ணிக்கப்படும் பெங்களூரு சின்னசாமி ஸ்டேடியத்தில் பெங்களூரு அணி முதல் பந்து முதலே முழுமையாக ஆதிக்கம் செலுத்தத் தொடங்கிவிட்டது. பெங்களூரு அணியின் பந்துவீச்சாளர்கள் தொடக்கம் முதலே மும்பை பேட்ஸ்மேன்களுக்கு நெருக்கடி கொடுத்து, துரிதமாக ரன் சேர்க்க விடாமல் பார்த்துக் கொண்டதுடன் விக்கெட்டுகளையும் வீழ்த்தி அசத்தினார்கள்.

சமூக ஊடகங்களில் பிபிசி தமிழ்: